غبور العبور كسرلى مسامير و صواميل الكاوتش اثناء الصيانة !!

**toty_305** · 29-07-2014 10:27 AM

أنا آسف لتبريري الخطأ من البداية حصل نفس الموقف و عطلان في الساحل :(

**matantawy** · 30-07-2014 12:36 PM

المشاركة الأصلية كتبت بواسطة toty_305

أنا آسف لتبريري الخطأ من البداية حصل نفس الموقف و عطلان في الساحل :(

الله يعينك يا رب و ترجع بالسلامة، طمنا عليك اما ترجع

**A.Saad** · 30-07-2014 01:56 PM

اما بروح بريدجستون بيربطوا بالمسدس
ولو رحت بره لميكانيكى بعدها غالبا فعلا الصواميل بتتغير

**matantawy** · 31-07-2014 10:36 AM

المشاركة الأصلية كتبت بواسطة hamada hozein

الله يكون في عونك
توكيل غبور كله بلاوي

كل التوكيلات فى مصر زى الزفت لأن مفيش رقابة عليهم و اللى يقولك لأ ده توكيل كذا كذا ده كويس يبقى لسه محصلش معاه مشكلة و مجرد بيعمل صيانات دورية

**Hamada hozein** · 03-08-2014 01:48 PM

المشاركة الأصلية كتبت بواسطة matantawy

كل التوكيلات فى مصر زى الزفت لأن مفيش رقابة عليهم و اللى يقولك لأ ده توكيل كذا كذا ده كويس يبقى لسه محصلش معاه مشكلة و مجرد بيعمل صيانات دورية

كلامك صحيح ميه في الميه عندي صاحبي في توكيل كيا لبسوه في مقص بعد ١٠٠٠ كيلو وقالوله احنا مش عارفين مين اللي بوظ المقص انت ولا المعرض
وحتي في المنتديات التانيه كلها بلاوي وشكاوي قد كده
وبالذات نيسان وبرضه لاحظت بيجو

**mzaki** · 10-08-2014 01:27 PM

حصلت معايا بردة فى غبور العبور و غيرت صمولتين

رحت اصلح عجلة نامت بعد الصيانة بفترة ، و هوة بيفك قالى الصمولة قافشة لو ضغطت عليها هتتكسر ارجع للتوكيل ، رحت طلعوا الصامولتين مكسورين و غيروا المسامير اللى فى الطنبورة و مدير الصيانة قعد يقولى لاء مش المسدس دى الحرارة خلت الصواميل تقفش !!

بعد كدة فى الصيانة طلبت من المهندس محدش يربط العجل بالمسدس .. و انا بتفرج عليهم بردة بيربطوا بالمسدس عادى جدا!!!

**toty_305** · 10-08-2014 08:44 PM

المشاركة الأصلية كتبت بواسطة mzaki

حصلت معايا بردة فى غبور العبور و غيرت صمولتين

رحت اصلح عجلة نامت بعد الصيانة بفترة ، و هوة بيفك قالى الصمولة قافشة لو ضغطت عليها هتتكسر ارجع للتوكيل ، رحت طلعوا الصامولتين مكسورين و غيروا المسامير اللى فى الطنبورة و مدير الصيانة قعد يقولى لاء مش المسدس دى الحرارة خلت الصواميل تقفش !!

بعد كدة فى الصيانة طلبت من المهندس محدش يربط العجل بالمسدس .. و انا بتفرج عليهم بردة بيربطوا بالمسدس عادى جدا!!!

-أنا معايا الصواميل متاكلين من عند الطنبورة ( فيه زي سنون كده بتخلي المسمار ميلفش على الفاضي مش المسمار نفسه ) و هروح أعملهم فرح هناك بس أفضى يوم ^_^

**ashouhdy** · 10-08-2014 08:57 PM

فعلا المسدس بيخرب الدنيا

**kaza** · 10-08-2014 09:34 PM

استخدام المعدات وبلاخص مسدس البينيوماتيك في فك الصواميل وبالاخص التي تحتاج لعزوم عالية زي الكبالن ومسامير تثبيت جنوط السيارات النقل ومافيش اي حتة في العالم بتستخدم مسدس ضغط الهواء في اعادة الربط وبيكون باستخدام مفتاح العزم لان المسدس بيستخدم الهمرنج بسرعات عالية سواء للفك او التركيب وبيعمل اجهاد قص ولي عالي جدا علي جسم المسمار والصامولة تاني يستخدم في الفك فقط والربط بمفتاح العزم