الموضوع: مغسله سيارات

لدي جراج 1500 متر اريد عمل مشروع مغسله سيارات فهل سيكون المشروع ناجح علما بان الجراج تحت الارض اسفل برج وايه تكاليف المشروع في البدايه .... ياريت لو حد يعرف واحد شغال في الموضوع ده اقعد معاه عشان يعرفني علي التفاصيل يبقي جزاه الله كل خير

صديقي المواطن
بلاش أحسن هذا الموضوع متعب وأرباحه بسيطة وبتطلب خدمة ودقه وممكن تخسر زباين بسرعة ومس حتلاقي عمال زي منته متخيل والمنافسة شديدة وكمان المعدات حتعدي ال 6 آلاف وفيه ناس متجيبش غير مكنسة كبيرة وكمبريسر صغير أي كلام وموتور مياه وشوية منظفات ومكنة خرطوم
غبر كده أهم مصيبة عندك إنك تحت العمارة يعني المياه حتتجمع والمجاري كل شوية تتسد وإنت في الشتا كل شوية حتعيا وبتوع الحي كل شوية حيقرفوك ﻷنك حتفتح من غير ترخيص ومحدش حيديك ترخيص وأهم مشكله عندك إن نص العربيات لما تغسل مكنة مش حتدور بسهولة فحتطلعها المطلع إزاي مش معقولة حتجيب عربيات تشدها وكمان في الشتا كل شوية حتمرض وأمراض جلدية ونشفان بشرة
النصيحة وأرخصلك
إنت تفتح الكراج وتدخل عربيات الناس وتاخد 150 جنيه عالعربية شهريا وتريح نفسك
وهذا ما لزم بيانه ودمتم

وبالتوفيق وإلى اﻷمام ومن نصر إلى نصر
ودمتم للنضال