الحمد لله استلمت العربيه النهارده ستروين الاليزية بعد ما كنت حاجز نيسان صنى ، عربيه فخمه وممتازة
عرض للطباعة
الحمد لله استلمت العربيه النهارده ستروين الاليزية بعد ما كنت حاجز نيسان صنى ، عربيه فخمه وممتازة
مبروك عليك فعلا هي عربية جميلة جدا
بس ليه غيرت الحجز من النيسان ؟
وياريت تعملنا تقرير عن رايك فيها وشوية صور
مبرووووووووووك يا باشا عربية رائعة
انا استلمت و رخصت يوم الاثنين 2/12/2013
العربية ممتازة انا عامل 450 كيلو لحد دلوقتى
و هعمل تقرير بالصور عنها ان شاء الله
انت استلمت من فرع ايه عجوزة ولا الصحراوى ؟؟
الله يبارك فيك يا فندم ،، انا كنت حاجز عند احمد مرعى وحاجز فورى دفعت 5.000 جم زياده وفى الاخر العربيه تتاخر اسبوعين !! كل يوم اكلمه يقولى بكره ،اصل المصنع مش عارف ايه واللون وكده
كنسلت الحجز
وبدات ادور على عربيه تانيه لقيت الستروين ممتازه جدا :tumb: فخامه وموتور اعلى واروبى ومميزات تانيه كتيره ،، ناس كتير قالتلى بلاش ومش منتشره وقطع غيار غاليه بس انا مسمعتش والحمد لله مش ندمان
وجبتها من عند اباظه فى يومين
ان شاء الله هعمل تقرير بس امشى بيها شويه كده
والله برافو عليك .. انا قريت ان الصنى الجديده فيها مشاكل اصلا .. والقديمه احسن كتير ..
بالنسبه للاليزيه فهى عربيه محترمه جدا جربتها من واحد صاحبى ناعمه و لذيذه جوه البلد بس مجربتش الثبات والفرامل عشان مطلعتش على طريق .. بس ان شاء الله ربنا يديك خيرها ويكفيك شرها ..
ومتناش تدينا تقرير عنها بعد ماتتعود عليها ..
مبروك مرة تانية يا باشا
بالنسبة لموضوع التكييف انا مشغلتوش لفترة اللى تخلينى احكم عليه , بس جربته اكتر من مرة لفترات وجيزة , المشكلة اللى كانت موجودة اتحلت نهائيا الحمد لله , وهى كانت بتظهر على السلانسيه فقط و تقدر حضرتك تجرب بنفسك
__________
العربية اجمالا ممتازة بالنسبالى المعنى الحقيقى لكلمة صفقة كقيمة مقابل سعر فى ظل الاسعار الغريبة اللى بنشوفها الايام دى
__________________
عربية حضرتك نازلة بكاوتشات ميشلان ولا جوود يير ؟؟
الف مبروك ربنا يكيفيك شرها
بس ليه الستروين ومحجزتش بيجو
بص العربيتين واحد اختلافات بسيطه جدا فى مقاس الجنط والفوانيس الخلفيه
انا شايف ان شكل الستروين اشيك ,, بالنسبه للانتشار عندك البيجو منتشره عنها طبعا
بس صدقنى العربيه ليها وكيل محترم بردو وقطع الغيار متوفرة قبل ما العربيه تنزل مصر
انا كلمت مدير المبيعات المسئول فى مصر وقالى مفيش فرق
وفر 10000 جنيه هينفعوك فى التامين والرخصه وهيتبقى فلوس كمان
الف الف مبروك ...انا كنت سمعت ان السيارة مفهاش ترومومتر حرارة دا فعلا ولو مفهاش اعرف حرارة السيارة منين دى مشكلة
صديقي المواطن
إحنه سعداء عشانك كلنا هنا في المنتدى ودي فلوسك وده زوقك وحضرتك اللي حتركب مش الناس وعربية جميلة ومتفكرش تبيعها قبل 7'سنين ﻷنها عربية محترمة ولن بعيبها سوى ضعف سعر البيع وغلاء قطع الغيار فتخليها 7 سنين معاك عشان متزعلش من سعر البيع تكون حضرتك طلعته في السبع سنين دول وربنا بديمها خيمة فوق رأسك ويحفظهالك من كل سوء
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
الف الف مبروووك و ربنا يباركلك فيها
العربية ما شاء الله جميلة و ناعمة جدا
الف مبروك ربنا يباركلك فيها
وياريت تتابعنا دايما بتقييمك ليها انت وباقى ملاك الإليزى