-
محتاج مساعدتكم ضرورى
يا جماعه انا راكب ميجان موديل 2006 وانا ماشى النهارده بيها الار بى ام على لوحده وكأنى دايس بنزين والفرامل مش عاوز تشتغل خالص واضطريت انا اوقفها بفرامل اليد والحمد لله حصل خير ،،،،، وطبعا روحت بيها البيت بالعافيه وكنت بستخدم فرامل اليد طول ما انا ماشى والعربيه من غير ما ادوس بنزين بتفرك وانا شادد فرامل اليد يا ترى حد يعرف تشخيص المشكله دى ايه ؟؟؟؟ لانى طبعا كده ركنت العربيه وحتى مش هاعرف اروح بيها لميكانيكى عشان يصلحها ... افيدونى بالله عليكم ضرورى
-
متابع وبإذن الله حد يدخل يفيدك دلوقتي
-
ممكن يكون الحساس اسمه TPS وهـو مـــسؤل عن أرسال
أشـآرة للكمبيوتر ECM او أيدل أير كنترول موتر صغير Idle Air Control Motor ومحتاج يتنظف ممكن حضرتك تنظفو بنفسك هات بخاخ اسمه CRC
-
انا كلمت عادل الميكانيكى يا جماعه وقالى ان خرطوم السيرفو لو مش متركب فى مكانه يعلى الموتور والفرامل تحجر وهى دى الاعراض اللى عندى فعلا ،،،، حد يعرف بقى يا جماعه خرطوم السيرفو مكانه فين فى الحوض بالضبط
-
مشكلتك اما خرطوم السيرفو اتقطع او اتفك من مكانه او السيرفو نفسه باظ
ولو عاوز تشوف الخرطوم بس ورا خزنة زيت الفرامل هتﻻقي السيرفو مدور واسود وخارج منه الخرطوم امشي وراه وشوفه مظبوط وﻻ لا وابقي طمنا
-
فعلا يا جماعه خرطوم السيرفو كان مقطوع وهو اللى عمل القلق ده كله والحمد لله غيرته ودلوقتى العربيه تمام ياريت كل واحد يخلى بالى من الموضوع ده لانه ممكن يتسبب فى كارثه
Content Relevant URLs by
vBSEO 3.6.0 PL2