يعني اجيب تيل فرامل كوري واتوكل على الله؟!

ازيكوا يا شباب

السؤال..
أجيب تيل فرامل بيرسونا الكوري ولا اجيب الماليزي من التوكيل؟

حكايتي بأه ..
انا من اسكندريه ومعايا بيرسونا والتوكيل عندنا قفل وفي حاجه كده اسمها المصريه الاوروبيه بيقولوا عليه توكيل انا مش هتكلم عليه عشان مغلطش وخلينا في المهم عشان كده العربيه لازملها ميكانيكي وكهربائي يظبطهالي لما يحصل حاجه لا سمح الله. . دلوقتي انا عايز اغير تيل الفرامل الأمامي عشان عمال يعمل صوت عجيييييب وانا ماشي في الشارع الناس بتعد تبصلي عشان في صوت مش طبيعي بيطلع من العربيه االلي مش فاهمه ان العربيه ماشيه 25 الف كيلو معقوله التيل يبوظ بسرعه كده! المهم انا عايز اغيره وشايف كلام كتير على تيل البيرسونا ..

تسلموا

لو حضرتك قريب من عزبه سعد ممكن أوصف لك عفشجي ممتاز حيقولك اللي فيها و يحل لك المشكله بما يرضي الله ... انا بتعامل معاه من سنوات...

أيوه يا ريت الله يكرمك انا من الابراهيميه هيكون قريب مني أوي لو هو كويس

بص الصوت اللي أنت بتقول عليه دا لو طالع من العجلة اللي من قدام يبقي مش قصة عفشة
دا تيل قرب يخلص وفيه حتة صاج كدا في التيل البوش الألماني معملوه عشان تعمل الصوت العجيب دا عشان تنبهك أن التيل علي وشك ولازم يتغير يعني الموضوع مش مقلق أن شاء الله
كل اللي محتاجه أنك تغير التيل أنا حصل معايا نفس الموضوع بالظبط وكنت قلقان لحد ما فهمت
أنا غيرت بالتيل البوش الأيطالي وماشي عليه حوالي 1000 كيلو معايز أقولك أنه ممتااااااااااااااااز ولا بفرق عن التيل الألماني غير حته الصاجة بتاعة التنبيه دي مش موجودة
تمنه 350 جنيه لما كنت بغيره الصنيعي قالي مش هيعيش أكتر من 10000 كيلو لكن أنا مش هاخد علي كلامه وهتبعه وأشوف
أنا غيرت التيل علي 28 ألف وفيه ناس بتغير علي 20 و 18 ألف فمتستغربش هو العربيات دي تيلها كدا
أنا قريبي معاه كرولا بيغير قدام وورا كل 20 ألف تقريبا فأحمد ربنا وبالتوفيق:)

ده تليفوني 01221333205