في مستقبل بيضيع :d

**Ahmed.Essam** · 06-12-2013 01:40 PM

السلام عليكم ورحمة الله وبركاته

احبائي في الله واخواني الكبار .. انا حابب اعرف ارائكم في موضوع يخص مستقبلي واللي خلاني اخد رأي حضراتكم ده بسبب خبرا حضراتكم في الحياه والمواقف والناس اللي تعاملتوا معاهم وعلى اساس كده تقدروا تنصحوني

انا خريج كلية العلوم تقدير جيد قسم كيمياء وحيوان ( اه متستغربوش كيميا و "حيوان " )
و زي اي حد طبعا مش عارف همشي في انهو طريق ده لو لقيته اصلا عشان امشي فيه

في حاجة في دماغي بقالها سنة تقريبا وهي اني اقدم اكاديمية حربية في شهر 2 اللي جاي ان شاء الله وبنسبة 80% مستعد لاختبارتها الرياضية لاني بلعب رياضة بقالي 3 سنين بس مش دي المشكلة
المشكلة اني مش عارف لو قبلت دي هتبقى حاجة مستقبلها كويس ومناسبني خصوصا اني قلقان من حكاية الحياه الميري واصلا انا مش عارف طبيعة عمل الظابط الكيميائي هتبقى ايه عشان احكم

ثانيا لو صرفت نظر عن الاكاديمية الحربية او لو قدمت وما قبلتش انا مش عارف ممكن ادور على ايه تاني كلية علوم دي اكتر كلية تقرف الطالب في الدراسة ويتنفخ يمكن اكتر من طلاب صيدلة ومع ذلك لما تتخرج متبقاش عارف انت ممكن تشتغل في ايه

وحتى لو في مجالات ممكن تشغتل فيها بتبقى الاولية لخريجين كليات تانية قبلك
زي مثلا مندوبين الدعايا في شركات الادوية بيدوروا الاول على الصيادلة وبعدين طب بيطري وبعدين في الاخر ممكن علوم .. ده غير ان الشغلة دي بتيجي على اعصابك كمان

طب لو هتجه لحاجة تالتة هتبقى ايه !! ميت حاجة بتيجي وتروح في بالي ومش عارف ايه ممكن خريج علوم يقدر يعمله

**ramymechanics** · 06-12-2013 01:53 PM

لو تعرف أى معرفة فى شركة خدمات بتروليه يشغلك mud engineer أو mud logger هيبقى زى الفل ... مبياخدوش فيها إلا علوم كيميا أو جيولوجيا ... هتتعب فاﻷول شوية بس بعد كدة هتتظبط ان شاء الله .. بس حط فدماغك ان حياتها زى الميرى مع فرق أنها احسن شوية وأحسن بكتيييير ماديا وربنا يكرمك

**midoabdeen** · 06-12-2013 01:54 PM

رائى عليك وعلى الحربيه
احستلك كتير ومستقبل كويس والجيش ماشاء الله واكلها والعه امتيازات وخدمات
وكمان انت هتدخل الجيش فى مجالك ياعنى باردوا ممكن يبقى فى استفاده علميه
وربنا يوفقك

**Ahmadhamza84** · 06-12-2013 02:03 PM

الجيش مشكلته انك هتلبس في البلد ومش هتعرف تسافر ...
الجيش التزام لفترات طويلة ومشاريع حرب وفلم هندي ...
الجيش هيقطع علاقاتك مع أصدقاءك لأنك مش هتفضى تهرش
عمرك في الجيش ماهتصل للوضع اللي بيصل له ضابط الحربية ....
يعني هتفضل الرجل الثاني مهما بذلت من مجهود
في المقابل :
الجيش أسهل طريق يديك اتيازات محدش في سنك يحلم بيها
أنا لي صديق خريج علوم كيميا ماشاء الله عليه
شد حيله وقعد يدور على بعثات علمية وسافر انجلترا وشغال على الجين ثيرابي هناك دلوقتي وطبعا في مستوى وهمي
الفكرة فيك أنت ... أنت عاوز تاكلها والعة في الهيصة .. زي المصريين تعيش سفلقة على العالم ولا عاوز تبقى بني آدم محترم وتنتج ؟!!
ده موجود وده موجود وأنت من يحدد خيارات مستقبلك

**Ahmed.Essam** · 06-12-2013 02:17 PM

المشاركة الأصلية كتبت بواسطة ramymechanics

لو تعرف أى معرفة فى شركة خدمات بتروليه يشغلك mud engineer أو mud logger هيبقى زى الفل ... مبياخدوش فيها إلا علوم كيميا أو جيولوجيا ... هتتعب فاﻷول شوية بس بعد كدة هتتظبط ان شاء الله .. بس حط فدماغك ان حياتها زى الميرى مع فرق أنها احسن شوية وأحسن بكتيييير ماديا وربنا يكرمك

بفكر في كده بردو المشكلة الصعوبة ان الواحد يلاقي حاجة زي كده بس ربنا يقدم اللي فيه الخير وربنا يقدرني واسعى للي اقدر عليه
شكرا لاهتمام حضرتك

**Ahmed.Essam** · 06-12-2013 02:18 PM

المشاركة الأصلية كتبت بواسطة midoabdeen

رائى عليك وعلى الحربيه
احستلك كتير ومستقبل كويس والجيش ماشاء الله واكلها والعه امتيازات وخدمات
وكمان انت هتدخل الجيش فى مجالك ياعنى باردوا ممكن يبقى فى استفاده علميه
وربنا يوفقك

شكرا لاهتمام حضرتك ربنا يكرمنا جمبعا ياارب

**Ahmed.Essam** · 06-12-2013 02:21 PM

المشاركة الأصلية كتبت بواسطة ahmadhamza84

الجيش مشكلته انك هتلبس في البلد ومش هتعرف تسافر ...
الجيش التزام لفترات طويلة ومشاريع حرب وفلم هندي ...
الجيش هيقطع علاقاتك مع أصدقاءك لأنك مش هتفضى تهرش
عمرك في الجيش ماهتصل للوضع اللي بيصل له ضابط الحربية ....
يعني هتفضل الرجل الثاني مهما بذلت من مجهود
في المقابل :
الجيش أسهل طريق يديك اتيازات محدش في سنك يحلم بيها
أنا لي صديق خريج علوم كيميا ماشاء الله عليه
شد حيله وقعد يدور على بعثات علمية وسافر انجلترا وشغال على الجين ثيرابي هناك دلوقتي وطبعا في مستوى وهمي
الفكرة فيك أنت ... أنت عاوز تاكلها والعة في الهيصة .. زي المصريين تعيش سفلقة على العالم ولا عاوز تبقى بني آدم محترم وتنتج ؟!!
ده موجود وده موجود وأنت من يحدد خيارات مستقبلك

انا عاوز اشتغل وانتج وكل حاجة بس يكون ليا مركز اجتماعي كويس واكيد مش هيبقى من دلوقتي بس ابقى عارف ان اللي بعمله ده له قيمة واديني هستخير ربنا واشوف ايه انسب وربنا يقدم اللي فيه الخير

شكرا جدا لحضرتك

**eng/ahmed_go** · 06-12-2013 02:46 PM

شوف يا باشا لو انته كده كدد هتدخل ميري يبقى خليك في اكادمية الشرطة لعدة اسباب:
1-وضعك ممكن يكون اقوى من الضابط العادي (لان عددكم محدود جدا وشغلكم خطير جدا بالذات في التفجيرات وكده) ولكلام ده من واحد جاري شغال كده (فحضرتك بتتعامل معاملة خاصة وبيسفروك بره تتعلم )
2-حياه اقل قساوة من الجيش
(في الجيش هتفضل على طول درجة تانية وحياة معظمها في الصحراء بس مرتب افضل (فرق مش كبير ) )

ولو عايز البترول ممكن بس بواسطة كبيرة (اصعب من المهندسين مثلا) لان العدد اللي بيحتاجوه قليل والترتيب هيكون حسب قوة وسطتك
غير كده يبقى هتختار الناحية الاكاديمية والبحثية بس هتتعب اول 5 سين في حياتك بس هرتاح بعد كده (بس مشرط تكون مجتهد ومكافح وعندك صبر )

**ahmedkhairy** · 11-12-2013 03:22 PM

اتوكل على الله وقدم اكاديمية

الموضوع: في مستقبل بيضيع :d

LinkBack

أدوات الموضوع

عرض

في مستقبل بيضيع :d - انشر الموضوع فى :

-

-

-

-

المواضيع المتشابهه

السحب بيضيع مع التكييف

صوت فى الجيربوكس بيضيع لما ادوس دبرياج

سؤال مهم : هل تغيير تيل الفرامل بره التوكيل بيضيع الضمان

صاحبى حاسس انو بيضيع ... افيدونى

مستقبل مصر إيه دلوقتي

الكلمات الدلالية لهذا الموضوع

المفضلات

المفضلات

ضوابط المشاركة