على أي أساس بتحاسب الصنايعي؟؟؟

**derfo** · 19-09-2008 03:37 AM

سؤال محيرني من زمن خصوصا في زمن قلة الضمير والذمم اللي احنا فيه.
على أي أساس تحاسب الصنايعي (ميكانيكي- كهربائي- بوهيجي- سمكري- سروجي - عفشجي - الخ) أساس مهارته ولا وقته اللي خده في التظبيط ولا على أساس المشكلة وحلها ولا انت وتقديرك؟؟ وياريت تفيدونا قد ايه بكام او المتوسط لو اتعمل كذا بكام. طبعا مش هنخل في تفاصيل كل حاجة على حدة بسياريت لو معظم المشاكل المتكررة لاصحاب السيارات. أرجو من الجميع الاسهام بآراءهم ونصائحهم للتغلب على ظاهرة النصب والا ستعباطالتي اشعر انها قد انتشرت بين كل الناس هذه الأيام..ولكم التحية وخالص الشكر مقدما

**Dr Ahmed** · 19-09-2008 03:43 AM

كذا حاجة منها فعلا الوقت والمجهود إللى إستغرقه فى الوصول للمشكلة وحلها (بإفتراض المهارة) + معاملته معى يعنى لو ذوق ومحترم ياخد أكتر (بشوية)

**derfo** · 19-09-2008 04:22 AM

شكر لردك يا دكتور احمد ...بس ياريت لو تفاصيل اكتر يعني كام في ايه او كام على ايه وهكذا مع خالص تحياتي

**Dr Ahmed** · 19-09-2008 05:14 AM

الأسعار اللى ممكن أقولها ماتنفش أهل القاهرة لأن فى بنها كل الصنايعية بياخدوا أقل
يعنى مثلا كان فيه فرق فى الاكصدامين ونقر فى رفرفرين وتم إستعدالهم جميعا ب 20 جنيه

**Dr_Mido** · 19-09-2008 05:20 AM

هنا انا بحاسب على حسب اللى قدامى يعنى محترم وفانهم شغله وبيخلص ى وقت قليل وشغله نضيف بديه اللى بيطلبه
غير كدة بديله على دماغه وغالبا ببقى على دماغه وهوشغال حتى لو بيعمل سمكرة ولو العربيه بايته عندة بعمله كماين فى اى وقت اشوفها واقفه ولا بيلفو بيها

**hazem_khidr** · 19-09-2008 05:30 AM

انا الليب بيطلبه الصنايعي بياخده
لانهم معرفه و حبايبي كلهم فمفيش حد حيغلي عليا
و ببقي رايح و عارف انا حدفع كام
ولو حاجات بسيطه زي صيانه و لا تربيط عفشه
باب مخبوط او ما شابه ذلك مش بيرضوا ياخدوا فلوس
يدوب بدي الدخان للي شغال في العربيه بس .
بس طبعا مش اي حد بيتعامل المعامله دي ;)

**AhmedGen2** · 19-09-2008 05:36 AM

الموضوع دة مستفز جدا "تقدير الأسعار" ، مفيش شفافية يبقى العميل مش عارف ايه اللى ليه وايه اللى عليه! وفى الآخر "اللى تجيبوا يا بيه!!" و "خللى!" والكلام دة ، يعنى كنت بتعامل مع مقاول علشان يوضب الشقة نقاشة ، تاخد كام؟ 5000 جنيه ، جميل مختلفناش ، ليه بقى؟ يعنى أفهم بتوع ايه ، هتجيب خامات بكام؟ مصنعية النقاش كام؟ عمولتك كام؟ فواتير؟ ، ولا انا اللى المفروض يقول عليه ادفعه من غير كلام؟ ، هعرف منين ما يمكن يجيب خامات ب 2000 ويضرب الباقى فى جيبه ، ودة اللى حصل فعلا ً ، جاب خامات ب 1200 جنيه وكان هيدى للصنايعية 1200 ويضرب 2600 فى جيبه ، حرام دة ولا حلال ، بس على مين خد فوق دماغه.

**derfo** · 19-09-2008 06:56 AM

شاكر لردودكم جميعا....بس مش كلنا مربطين مع صنايعية هنلاقيهم في نفس الوقت ...لسه المشكلة قايمة...ايه المعيار والاساس ..حاجة غريبة جدا في البلد دي ...]قولك "اللي تجيبه" ولو اديته اللي انت مقدره يقولك ماينفعش يا باشا وهات كام يمين. انا السروجي ركب لي حزامين وحاب مسمارين من عنده كان عايز 40 جنيه نزلتهم بعد مناهدة لعشرين . طيب اعرف منين انه يستاهل زيادة او اقل. كنت باظبط في الابواب حصلت نفس المشكلة. ياجماعة الخير حد يفيدنا ومش مشكلة المحافظة ايه ...لانه ممكن يحصل لاي حد فينا مشكلة في العربية وهوه في اي محافظة...شكرا مرة تانية

**Akram** · 19-09-2008 03:08 PM

الموضوع ده مش ثابت , بيختلف من مكان لمكان و على حسب حرفية الصنيعي و الوقت اللي أخده في العمل و كم العمل ,,,
بس طبعاً لو جاب أي حاجة لازم تعرف حسابها ايه و تدفعه لوحده و لو هيجيب حاجات كتيرة يفضل انك انت اللي تجيبها ,
و بعدين الخبرة بالنسبة ليك هتخليك تقدر التكلفة كام ,
انا عن نفسي ببقى مقدر ادي للصنيعي كام و لكن بخليه هو اللي يقول هو عايز كام و لو لقيت اكتر حاجة بسيطة من اللي انا مقدره و في نفس الوقت انا مبسوط من الشغل يبقى مفيش مشكلة و لكن لو كان كتير يبقى هافاصله لغاية لما اديله اللي انا عايزة و في الغالب لما بلاقي صنيعي عايز مبلغ مبالغ فيه بحاول اني مروحلوش تاني ,
و طبعاً فيه صنيعية بتعامل معاهم من زمان و اللي بيقول عليه بياخده لأنه بيكون معقول و ثقة .

**Noha.M** · 19-09-2008 05:30 PM

المشاركة الأصلية كتبت بواسطة hazem_khidr

انا الليب بيطلبه الصنايعي بياخده
لانهم معرفه و حبايبي كلهم فمفيش حد حيغلي عليا
و ببقي رايح و عارف انا حدفع كام
ولو حاجات بسيطه زي صيانه و لا تربيط عفشه
باب مخبوط او ما شابه ذلك مش بيرضوا ياخدوا فلوس
يدوب بدي الدخان للي شغال في العربيه بس .
بس طبعا مش اي حد بيتعامل المعامله دي ;)

طيب ما تعبرنا يا عم حازم و تودينا للى بتروح عندهم دوووول

انا عربيتي اتحكت شوية و ردت ردة بسيطة اوى متبانش بس مضايقانى فى الرفرف اليمين و فيها شوية تجريحات مضايقانى :(

انا للاسف معرفش حد كويس و لما بنروح لواحد صاحب واحد قريبي بينصب علينا كمان

الموضوع: على أي أساس بتحاسب الصنايعي؟؟؟

LinkBack

أدوات الموضوع

عرض

على أي أساس بتحاسب الصنايعي؟؟؟ - انشر الموضوع فى :

-

-

-

-

-

-

-

المواضيع المتشابهه

هو انا لازم اصاحب الصنايعي ؟؟؟!!!!!!!!!!

على أي أساس هتختار رئيس مصر ؟

قرأت لك : التعاطف..أساس النجاح في العلاقات الاجتماعية

علي اي أساس يتم تقييم الأعضاء ؟!

الكلمات الدلالية لهذا الموضوع

المفضلات

المفضلات

ضوابط المشاركة