سؤال فنى جدا فى 405

**ehabbasha30** · 12-12-2013 09:18 AM

تسلملى ولجميع الاعضاء يا استاذ احمد امين
انا عارف يا باشا ان حضرتك قلتلى على طريقة التنضيف بتاعة حل العوامة من تحت الكنبة وحاولت اعملها بس انا معرفتش افك العوامة من تحت الكنبة .....انا فكيت كوعة كاوتش اللى جاية من فتحتة التانك اللى بنخش نحط منها بنزين فى المحطات فى اخر الماسورة دى قبل التانك على طول فى كوعة كاوتش بافيزين .... ودى فى اخر التانك خالص من تحت يعنى زى الطبة كدة مش بتسيب حاجة فى التانك من تحت كلة بيتصفى

اما بالنسبة لموضوع البوجيهات مش موضوع ان لونها اسود ..... هى كانت عطلانة ومش بتشتغل اساسا وكان عليها بنزين فانا عاوز اشوف موضوع البنزين دة جالها منين

**badry78** · 12-12-2013 10:17 AM

متابع
و ربنا يوفقك في الوصول لحل لمشكلتك

**Ahmed Amin** · 13-12-2013 04:33 AM

المشاركة الأصلية كتبت بواسطة ehabbasha30

تسلملى ولجميع الاعضاء يا استاذ احمد امين:s_thum1[1]:
انا عارف يا باشا ان حضرتك قلتلى على طريقة التنضيف بتاعة حل العوامة من تحت الكنبة وحاولت اعملها بس انا معرفتش افك العوامة من تحت الكنبة:copy of majd(4): .....انا فكيت كوعة كاوتش اللى جاية من فتحتة التانك اللى بنخش نحط منها بنزين فى المحطات فى اخر الماسورة دى قبل التانك على طول فى كوعة كاوتش بافيزين .... ودى فى اخر التانك خالص من تحت يعنى زى الطبة كدة مش بتسيب حاجة فى التانك من تحت كلة بيتصفى

اما بالنسبة لموضوع البوجيهات مش موضوع ان لونها اسود ..... هى كانت عطلانة ومش بتشتغل اساسا وكان عليها بنزين فانا عاوز اشوف موضوع البنزين دة جالها منين

أنا متهيألي إن طبيعي إن البوجيهات تطلع سودا لما تطلعها من العربية,
لانها كانت كدا لما طلعوها غلط وركبوها تاني ومشيت بيها عادي,,

المهم لو كانت عطلانة فعلاً يبقي كانت البوجيهات وحشة ومرطبة, أنت كنت جايب نوع أيه ؟
نصيحة مني جرب نوع بوش المرة اللي جاية وهاته من عند غزالي في شارع دمشق وإن شاء الله يبقي كويس ويعيش معاك.

**badry78** · 15-12-2013 03:53 PM

المشاركة الأصلية كتبت بواسطة ehabbasha30

الحمد لله واتمنى من الله ان يكون هو دة الموضوع ويكون خلص باذن الله ..... انا استنيت شوية قبل ما اكتب عشان يمكن يكون فترة كدة العربية تتعدل فيها وترجع تستندل تانى
المهم انا حليت الرشاشات ...... كانت مليانة طين وقرف وبلاوى زرقا والكاوتش كان وحش
لمهم نضفتها ببنزين نزلت بلاوى ... وغيرت الكاوتش (( الاويل سيل)) بتاعها .... والحمد لله بقت زى الفل
بس يا خوفى تكون بتلاعبنى وتكون منيمانى وهترجع تبوظ تانى ربنا يستر
بس ان شاء الله يكون الموضوع خلص انا ماشى بيها بقالى يومين اهه عشان اشوف ومفيش حاجة الحمد لله

الله المستعان

يا باشا الف مبروك و ان شاء الله تفضل مظبوطة كده و حتى لا قدر الله لو اتكررت يبقى انت عرفت المشكلة جاية منين .. ممكن تحط منظف رشاشات يكون محترم على حوالي 40 أو 50 لتر بنزين و تعمل مشوار كويس هاينضف الرشاشات ( الكلام ده من المنتدى هنا )