الموضوع: سؤال عاجل

مع احترامي للاخ اللي رد على موضوعك
انا كان عندي نفس المشكلة
و هلخصلك الموضوع ده منعا للأطاله
انت احتمال كبير راكب عندك الفتيس اللي كوده FDA او FDH و اخواتهم يعني المتشابهين لنفس الفتيس


اللي انا مشاور عليه بالاحمر دي مجموعة جلب راكبة ورا بعض و غطسانه في الزيت لما بتيجي تنقل الى D او تروح R الجلب دي بتضغط على بعض و لكن في في حالتها السليمه ووجود الزيت المفروض اول ما تحرك نفسك على D على طول تستجيب و تتحرك
اللي بيتحكم في حركتهم كمان حاجه اسملها (valve body) لو فتحناه من جوه هنلاقي حاجه اسمها (Solenoid) و هو ده اللي بيحرك الجلب + عمود خرج الحركة
سبب التأخير ان الجلب و الجوانات اللي جوه يتكون قدمت اوي من عوامل الاستخدام و بتفقد قدرتها على اتمام اداء عمل الجيربوكس
لو عاوز تاكد من كلامي .. الصبح او ما تدور العربية ما تسخنش على طول ركب الغيار D هتلاقي العربية اتحركت على طول ... انما لو العربية سخنت التأخير في الاستجابة هيرجع تاني و العملية دي اسمها (تأخير في التلقيم) و السبب زي ما وضحت لحضرتك
الكلام شوية ملعبك بس الخلاصة ان حل الموضوع ده ان الجير يتفك و تتبدل الجوانات و الجلب و يتضاف زيت جديد و ده مش هتلاقي حد يعمله بسهوله لانه صعب و الحل في الاخر بيكون تغيير الجير
انا كان عندي نفس الموضوع في عربيتي فضلت استخدم في العربية لغاية ما الجير رشح زيت خالص و جاب اخره رحت جايب جير جديد و الموضع اختفى

اسف على الاطلاله