السلام عليكم الزملاء الاعزاء بالمنتدى الغالى
ارجو ان حضراتكم تكونوا بخير
استكمالا لاعمال الصيانة لعربيتى عملت النهارده شويه حاجات - حبيت افيد المنتدى بيها و اولها موضوع البطاحه و الصداده بتاعه المساعد الامامى
نخش فى الموضوع على طول
عموميات
العربيه سيينا 1400 - 2004
الكيلومتر
146000 تقريبا
الوقت المحدد 3 ساعات
التكلفه 60 جم
مكان التنفيذ - شارع دمشق - مصر الجديده
الموضوع
- من فتره كنت بسمع صور خبطه فى الجانب الامامى شمال مع المطبات
و الحقيقه كانت بتضايقنى جدا لانى بحب العربيه تكون مضبوطه
- تشخيصى انا ان البطاحه بتاعه المساعد عاوزه تتغير لان شكلها كان مشقق بالشكل ده
- رحت اوماترا جسر السويس و سالت على البطاحه الواحده = 600 جم + 10 % ضريبه
طب و التركى بكام يا جدعان 300 + 10 % ضريبه و برضه
طب يا معلمين العربيه 2004 و فيات يعنى مافيش فايده و طبعا لسه مصاريف التركيب و العطلة .
-طبعا نفضت و قلت موش هدى اوماترا فرصه يعملوا معايا الجلاش واتصرف انا بمعرفتى
- رحت مكلم عم رجب - محل الشيخ على بشارع دمشق - حبيبى يا حاج رجب - وقالى تعالى لى يوم الجمعه بدرى 9 صباحا و مليكش دعوه و طبعا هات العربيه معاك
- رحت لقيته مستنينى و مجهز لى الجثتين دول
الاول الايطالى ماركه اسمها بيرث ب 175 جم
الثانيه تركى و اسمها معرفش انطقه ب 160 جنيه
كشفت عليهم قالى دول اللى فى السوق و موش هتلاقى غيرهم او الاصلى و بعد الكشف لقيت البلى الداخلى الاثنين تركى و ماركة واحده بس اللى مكتوب عليها ايطالى اثقل فى الوزن حبه
المهم اتكلت على الله و خدت التركى علشان كنشفى من الايطالى شمال - حكمتك يارب .
- و هنا لعب القدر لعبته و قلت اساله اركب فين يا عم رجب علشان الميكانيكى السورى اللى كنت بخليه يشتغل فى كوول اير سابهم و اتقطعت اخباره
- و هنا لعب القدر لعبتع وقالى مجهزيك الميكانيكى اللى هيقوم بالموضوع بس متقلقش للانه هيعمل العربيه هنا جنب المحل و هو متخصص فيات حديث
بالضبط ده احساسى لما قالى كده لانه بعامل العربيه ازاى - انما هو طمنى و قالى على ضمانتى
المهم قلتله امين - لانه راجل محترم و كلمته واحده
و اليكم الخطوات
1 ابتدينا نفك البطاحه و المساعد كالتالى
و ده الشكل بعد الفك
و نفك كاوتشة التراب علشان نكشف على الصداده
و للاسف طلعت الصداده مستويه و هى السبب علشان طلعت بالشكل ده
و كان المتاح التركى ب 50 جم وده شكلها
و الفرق باين
و العربيه طلعت اصيله و مصروف عليها
البطاحه القديمه البلى طلع المانى
و الاسطى ابن الحلال نظف المساعد من اللاوساخعلشان يركب الصداده الجديده
و المساعد الحمد لله مكانش محتاج حاجه و بالمناسبه الماركة كوفاب برازيلى
تركيب عكس الفك
و نستكمل الجزء الثانى بعد تحميل الصور
تحياتى
المفضلات