الموضوع: فلتر بنزين البومة مش لازم يتغير

كنت عند الميكانيكي بغير اسطوانة وبلية لقيته بيقولي انت غيرت فلتر البنزين قبل كده ؟؟؟؟ قلتله لا اللي فيها الاصلي ..... قالي عربيتك عملت 150 الف ولازم يتغير علشان سحب العربية !!!!! قلتلة من عنيا رحت اشتريت فلتر بـ 120 جنيه وقالي التاجر ده زي اللي فيها بالظبط High copy قلت ماشي ..... رحت للميكانيكي عملها شغلانة وقعد يفك هو والصبي بتاعة وشالو الفلتر وطلعو الطرمبه وركبوها في الفلتر الجديد وفعلاً الفلتر كان تقريباً مكتوم والبنزين اللي بينزل منه موسخ ،،،،،،،،المهم وأنا مروح شميت ريحة بننزين في العربية قلت مكان تغيير الفلتر ((( بطمن نفسي!!!)))
تاني يوم نفس الحكاية في ريحة بنزين .......... ايه الحكاية بقي ؟؟؟؟
قلت لنفسي مش رايح للميكانيكي تاني كفايه عليهمكده واعملها أنا بنفسي ........فكيت الطبة وقعدت اشم لقيت في فعلاً بنزين وريحته باين انها من الفلتر ...... كلمت واحد صحبي قالي أوعي تكون رميت الفلتر الاصلي ده تمنه يوصل 500 جنيه قلتله طب والحل قاللي حط فيه بنزين ورج كويس واغسلة تاني وتالت ورابع ...... لحد ما الفلتر ينضف شوية وبعد كده عند اي حد بتاع كاوتش حط بنزين وانفخ هوا عكس اتجاه دخول البنزين في الفلتر .............. وفعلا نفخت الهوا ويطلع البنزين مهبب وكررتها لحد ما الفلتر سلك وبطل ينزل لون اسود خالص وركبته وشغال زي الفل ولا تسريب ولا أي حاجة وسحب العربية زي الفل حتي طرمبة البنزين اللي ركبتها صيني مش أصليه شغاله لها سنتين ونص زي الفل ......... أمانه عليكو خلو بالكو من الصنايعية في حاجات كتير بيتعاملو معاها بغشوميه ولا في بالهم والحاجة اللي تعرفو تعملوها بإديكو اعملوها احسن من البهدله ...............ز