لو سمحتم الوكيل بيماطل فى التعديل الجديد الخاص بالفتيس mmt
عاوز ابعت ايميل لتويوتا و حاولت كتير و مش قادر اوصله
عرض للطباعة
لو سمحتم الوكيل بيماطل فى التعديل الجديد الخاص بالفتيس mmt
عاوز ابعت ايميل لتويوتا و حاولت كتير و مش قادر اوصله
ايه المشكله يا باشا ياريت توضح المشكله عشان نقدر نساعدك اكتر
بص يا باشا قوله يروح توكيل العباسيه الساعه 8 الصبح اول ما يفتحو ويدخل الاستقبال يقول لهم العربيه فيها مشكله في الفتيس ومش عارف امشي بيها هيطلعو مهندس اسمه أسامه او مهندس احمد سعيد يكشف علي العربيه ولو فيها مشكله جامده هيدخلها علي طول ولو قطع الغيار فعلاً مش موجوده وده احتمال هتلاقيه سأل في ساعتها وقالك ويقولك الميعاد وحيحجزلك كمان ولو راخمو معاك قولهم انا عايز مدير المركز واعمل شكوي هتلاقي كل حاجه خلصت ان شاء الله
بس برضه ده متوقف علي حاله الفتيس وانه يكون بيعمل صيانه كل فتره
كان نفسي أفيدك ولكن .. من قال لا أعلم فقد أفتى !
السلام عليكم
اكيد الموضوع فيه غلط لانى بصراحة على قد التوكيل هنا زى الزفت ومغالى فى اسعاره الا انى حتة الفتيس ده حوار تانى لانهم بيحاولوا يحلوا الموصوع وده من تويوتا اليابان مش التوكيل المصرى
انا اخر مرة كنت عندهم من حوالى شهرين كنت رايح من غير ميعاد وكنت بشيك على التكييف وهمن من نفسهم قالولى العربية حتتحجز علشان تعديل الفتيس وانا كنت مش عايز اعمله لانى مكنتش عايزالعرببة تبات 5 ايام بس همن اصروا على كده وفعلا تم التعديل واستلمت العربية
يعنى لو قطع الغيار فعلا موجودة همن من نفسهم بيغيروها مش بيستنوك تطلب انت بس اتاكد من الحوار ده
وشكرا
السلام عليكم
انا اشتريت العربية ديه من اول دفعة نزلت مصر فى شهر 1 2008 كاملة advanced وبصراحة قبل ما اشتريها كنت دخلت النت وقريت عنها وعرفت انها مانيوال المهم الحمد لله من ساعة ما اشتريتها مفيش اى مشكلة مع حوار الفتيس ولا حصلت معاى ابدا حوار n error مفيش غير حوار النتشة اللى كنت بحس بيها بين الاول والثانى وديه الحمد لله اه فعلا اتحلت مع التعديلات اللى تمت وبصراحة همن دايما اللى كانوا بيصروا انهم يعملوا التعديلات وانا علشان مكنش عندى مشاكل مكنتش مهتم انى اعملها لانى مؤمن انى اللى هنا فى توكيل مصر زفت وعمرهم ما حيكونوا زى المصنع بالمواصفات
المهم طبعا ناس حتقول ازاى مجالكش n error واللهى يمكن ظروف المكان لانى عايش فى الغردقة والدنيا مش زحمة يعنى ويمكن علشان فاهم العربيةوالعربية فاهمانى يعنى مثلا انا بحب اجرى والعربية متعودة على كده فى مرة قعدت اسبوع اسوق بالراحة لقيت العربية مش عايزة تجرى رحت قلبت جرى تانى والعربية بقيت تجرى من نفسها لانى الكمبيوتر بيسجل الضغطة على دواسة البنزين (اسلوب القيادة)وبيتستم على كده يعنى لو بتجرى العربية حتديك جرى ولو ماشى بالراحة العربية حتمشى بالراحة والحمد لله مستمتع جدا بالعربية (ماشاءالله لا قوة الا بالله) وبعدين الاوبشن اللى فى العربية منزلش الا فى الكورولا 2014 مع نفس الماتور تقريبا والتوكيل بيقولى انى نفس قطع الغيار ما عدا الفتيس طبعا والحمد لله