بطاقة الانترنت مسبقة الدفع

**YahiaAshraf** · 07-12-2013 08:31 PM

السلام عليكم مساء الخير يا شباب انا دلوقتي عندي 17 سنه و نص و نفسي اطلع كارت فيزا لحسابي في البنك المشكلة علشان اطلع فيزا لازم يكون سني 21 سنه المهم انا سمعت عن حاجة اسمها بطاقة الانترنت مسبقة الدفع تستخدم لشرا من النت فقط المطلوب مبلغ 20 جنيه رسوم الخدمه و بطاقتي الشخصية بس ومش لازم يكون عندي حساب في البنك فايه رايكم فيها هل حد جربها وهل البنك الاهلي المصري بيعملها و لا لا و جزاكم الله كل خير

**YahiaAshraf** · 07-12-2013 08:51 PM

البطاقات

**YahiaAshraf** · 08-12-2013 09:12 PM

المشاركة الأصلية كتبت بواسطة legendjo

nsgb و credit agricole بيطلعوا debit card عادي " youth offer ".. بيديك كارت للـatm وتشتري بيه من المحلات، و كارت للانترنت و ممكن تتحكم فيهم من على الانترنت

‏ طب بالنسبة لعرض الشباب من بنك nsgb ‎هل لازم والدي يبقي معايا ولا لا يعني ينفع اروح موحدي مع العلم ان معايا بطاقة رقم قومي سادية المفعول _ اناكطالب هتبقي ايه الشروط؟

**YahiaAshraf** · 08-12-2013 09:39 PM

انا سمعت ان المطلوب بطاقتي الشخصية و 50 جنيه هل فيه حاجة تاني يعني هل ممكن يطلب اثبات اني في مدرسة مثلا لاني كنت في البنك الاهلي المصري النهاردة و قالي اجيب اثبات اني طالب في مدرسة كذا

**YahiaAshraf** · 09-12-2013 12:02 PM

المشاركة الأصلية كتبت بواسطة legendjo

لأ، هيّ البطاقة وتعمل إيداع و بيديك ورقة بسيطة يمضي عليها ابوك انو مسئول عنك.

‏ تمام انا متشكر جدا وجزاك الله كل خير طب استفسار صغير اخير الورقة الي والدي هيمضي عليها انا بروح بيها البيت يمضي عليها و اخد الورقة معايا وقت الاستلام و لا لازم يكون في وقتها علشان يمضي عليها

**YahiaAshraf** · 10-12-2013 11:07 PM

انا روحت النهارده اخيرا البنك لاقيت فرع قريب مني هو بيطلب بطاقتي و 50 جنيه رسوم فتح حساب و لكن قالي لازم احط في الحساب اقل حاجة 300 جنيه هو حتي مش محتاج موافقة ولي الامر طالما معايا بطاقة و عديت 16 خلاص