الموضوع: لقينا طفلة صغيرة جنب الجامع نعمل ايه ؟؟!!

لا حول ولا قوة الا بالله

انا لله وانا اليه راجعون
بسم الله الرحمن الرحيم ( ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ ) صدق الله العظيم
الموضوع باختصار
ان ناس جيراننا بيتمشوا فلقو حاجة غريبة جنب سور الجامع قربوا منها لاقوها كاريكوت ( عربية البيبي ) وجواها طفلة نايمة لسه صغيرة جدا بس جميلة جدا
طبعا جيراني حصلتلهم صدمة وزهول من الموقف ومش قادرين يستوعبوا ازاي في اب وام او اسرة تملك ذرة من المشاعر او نقطة من الرحمة او شئ اسمه قلب يخليهم يرموا بنتهم طفله بيبي في الشارع والجو ساقعة جدا
احنا نسمع من زمان الناس بيقولوا دول رموا العيال جنب الجامع انما ماحدش قابل الموقف ده بنفسه او شافه بعينه
المهم جيراني خدوا البيبي وودوها ملجأ
وبيفكروا في حد ياخد الطفلة يربيها او يتبناها او يتكفل برعايتها
ففكرت اني اخدها بس هو موضوع جديد عليا فمش عارف ايه النظام من ناحية الاجراءات مع الشرطة او الملجأ او اي جهة قانونية ( اكيد مش اي حد يروح ملجأ ياخد عيل ويمشي )
فما هي اجراءات كفالة اليتيم
طاب انا لو خدت الطفلة وقعدت معايا وجيت كمان كذا شهر حبيت ارجعها اعمل ايه
هل الملجأ هو اللي هيطلعلها شهادة ميلاد طاب هينسبوها لاني اب وام والاسم الرباعي
هل بعمل حاجة تثبت ان الطفلة دة مش بنتي واني متكفل بتربيتها عشان مايجيش حد يقولي ده بنتك ولا انت خطفت بنتنا