انا دلوقتى داخل على دراسه MBA تخصص اداره اعمال فهل ادرسها فى مصر
ولا ادرسها فى دبى افضل ؟
عرض للطباعة
انا دلوقتى داخل على دراسه MBA تخصص اداره اعمال فهل ادرسها فى مصر
ولا ادرسها فى دبى افضل ؟
في دبي غالية مووووووووووووووز
مش موضوع فلوس اد مهو موضووع جوده تعليم مش اكتر
فى مصر اقل سعر جبته من جامعه الاسكندريه وبتديك شهادتين شهاده من الجامعه نفسها وشهاده من جامعه بريطانيه معتمده كانك درست الشهاده هناك وده بروتوكل بينهم
كان سعرها 36 على سنتين تدفعهم على 4 ترمات
الاكاديميه البحريه 43 الف
الجامعه الامريكيه 56 الف
الاسعار طبعا تفاوتها بيعتمد على اسم المكان الى بتدرس فيه لان كله International Material
متابع :)
برضه يا باشا دور على المكان المعتمد بره وجوه + الكفاءة زى ما انت بتقول
على فكرة الجامعة الامريكية اغلى من كده بكتير انا كنت سئلت لقيتها ب 180 الف جنيه + حضور + اعتماد ادنبرة
هو الجامعة الامريكية ليها فرع فى هليوبليس ؟
التحرير والتجمع بس
هو انا كنت روحت فرع التحرير من 4 او 5 شهور وسئلت هناك قالوا 100 تقريبا بس من غير حضور
و 180 لو بالحضور
والاكاديمية كانت 64 الف كمان
معرفش انت جيبت الاسعار دى ازاى
او انت ليك ديسكونت بقى فى حاجة :)
الاسعار مولعة فعلا
وعندك ارخص الاماكن المعهد المصرفى وده بحوالى 32 الف تقريبا
وكمان فى كلام على جامعة عين شمس بتدى نفس اعتماد ادنبرة بتاع ال auc بس 15 الف جنيه
ياريت تاكيد للاسعار والله اعلم برضه يمكن حصل تغيير
متابع
هو السؤال هنا مدي اعتماديه المكان كاسم و شهاده
مش هأفرح بالرخيص و هو مش معتمد أو سمعته مش قد كده
بس أضرب مشوار كده للجامعه الامريكيه في التجمع و شوف بنفسك و اسأل بالتفصيل المل لان الرقم قليل الصراحه اللي انت قايله
سيدي الفاضل
انت عاوزها ايه
حضور و لا ديستانس
انا حاليا مسجل في ديستانس تبع ادنبره مباشره و الماده تقف بحوالي 6000 الا شويه
نفس الاعتماد من ادنبره بس التسجيل عن طريق الجامعه الامريكيه تقف عليك الماده بحوالي 6800 جنيه
عاوز تحضر زود كمان 4000 جنيه
و احنا بنتكلم في 9 مواد حد ادني
لو عاوز حاجه محترمه بحضور
ارشح لك سنتر ريتي في الزمالك
الشهاده معتمده من جامعه ماستريخيت و شرط من شروطها ان نسبه من كورساتها يدرسها استاذه من ماستريخيت نفسها
بجانب ان اعتمادها عالميا اكتر من الجامعه الامريكيه
و هاتقف عليك بحوالي 85 الف
انا كمان عايز اعرف حاجة
هو انا لو سجلت مع الاكاديمية البحرية او الجامعة الامريكية
ايام الحضور بتبقى كتير
ولا عدد مرات معين وخلاص بكمل انا مزاكرة باقى السنتين ؟؟
انا جيبت السنة 63 تقريبا
بس انا عايز مكان ميبقاش فيه حضور قوووى علشان عدم التفرغ
عموما ربنا يكرم
الـauc أعتقد أن رقم الـ180 ألف ده مظبوط لأن من سنتين كان سعر المادة 11700 و هما كلهم من 12 لـ16 ماده حسب التخصص, فأكيد الرقم ده زاد دلوقتي بحبة حلوين.. و المحاضرات في التحرير و التجمع..
الأكاديمية كانت بحوالي 60 ألف, و أكيد زادت تاني دلوقتي..
ياشباب بصرف النظر عن قوه الشهاده و نسبه الحضور ...او التكلفه طبعا ... الاستاذ سؤاله ياخد هنا و لا هناك ...
بحكم اني MBA اقدر افيده و افيدكم بشويه نقاط يا ريت تجاوب عل اسئلتكم :
1- انا MBA من الاكاديميه العربيه و اقدر اعملها ريتينج 7 - 10 .
2- تقييمك للمكان اللي هتاخد منه الدراسه - لاوم يعتمد فقط على : مستوى الدكاتره : مستواهم العلمي و تفاعلهم مع الطلاب
لو لقيت مكان الدكتور فيه بيدي محاضرات ويقوم يروح ..زماتخشوش بلاش منه ..
الدكتور لازم يتفاعل وينقل تجربته و علمه وحياته للطلبه .....
انا معلوماتي المتواضعه ان اغلب الاماكن اللي فيها دكاتره اجانب عارفين الموضوع ده - علشان كده الجامعه الامريكيه من اقوى الكورسات ...هما اوير قوي بيها و غير كده كمان العملي بتاعهم قوي يعني الطالب بيشتغل كتير في cases.
3-نقطه 3 لا تقل ..لا تقل اهميه عن نقطه 2 - و هيا مستوى الطلاب اللي معاك في الدراسه ... لو الجامعه بتلم فلوس و اي حد بيدخلها يبقى مستوى الطلبه فيها ركيك - وانت شاء الله هاتطلع منها ركيك زيهم - اسف بس عاوز اوضح .
الكلام ده مشمن عندي - دي خبره من احد الدكاتره الافاضل اللي اتعلمت منهم - ده بالاضافه ان عندي خبره عمليه في الحته دي:
انا خدت الام بي ايه بتاعتي نصها من القريه الذكيه - وبصراحه مستوى الطلبه كان مرتفع جدا و كنا بنتبادل خبرات و معارف مفيده جدااااااااااااااااااااااا ااا
النص التاني بتاع التخصص كان - للاسف في مكان تاني تابع لشركه مصريه شهيره - في بق واحد :كي جي وان علم.
شوف لو الشروط صعبه خش لو الشروط سهله بلاش منها .
3- اظن بعد كدا عرفتم راي في الدراسه عن بعد ....................؟؟؟؟؟؟؟
4- كمان اللي مش فاضي ليومين في الاسبوع عل الاقل حضور و يوم مذاكره ..بلاش يقدم اساسا .
5- ملاحظه بس عل الريتي : كان في مشروع هجره لكندا و لقينا شهاده الاكاديميه معترف بيها هناك في حين ان الريتي لا .
6- لو طلعت من الدراسه دي و مستواك العلمي و شخصيتك ماتغيرتش attitude و البريزنتيشن سكيلز - و ازاي تعرف تسوق نفسك ...... كل ده ما اكتسبتوش . يبقى انت ما استفدتش.
بعض من الدكاتره اللي اتشرفت بمعرفتهم في الاكاديميه :
1- استاذ الاساتذه احمد عبد الباسط : كورسين
‫كلمة الدكتور احمدعبد الباسط‬‎ - YouTube
2- الاستاذ الدكتور خالد حنفي - عالم اقتصاد كورسين
‫دكتور خالد حنفى - القناة الأقتصادية - الجزء الأول‬‎ - YouTube
3- الدكتور خالد حبيب - تسويق (انسان تاني خالص )
‫مقتطفات من كورس انطلاقة د. خالد حبيب‬‎ - YouTube
4- دكتور اسماعيل طه عميد الدراسات العليا بالقاهره - عبقري الا ي تي في امريكا.
يا جماعه ده مش بالترتيب كلهم افاضل .
يا رب اكون افدتكم كلكم.
انا ارشح لحضرتك اكاديمية بحرية وحاليا سعرها ٧٠ الف جنيه بجانب شهادات مهنيه في مجال تخصصك
Ba طبعا ......
نصيحه برضه من ناس دخلت قسم الماركتينج : ها يفصصلك كورس الماركتينج حته حته .... هاتعيش يعني
ممكن كورس قوي فيه يادي الغرض - ده ده اذا ماكنتش فاهمه اساسا من الجنرال
انما ال بيزنس ادمينيستريشن :- هاتعيش اداره - و ده في رايي افيد بكتير ......
Eslsca Business School اعتمادها من وزارة التعليم العالى الفرنسيه والمجلس الاعلى للجامعات فى مصر يعني الشهاده بتاعتها International + Local
طب والاكاديميه العربيه شهادتها عملا ايه
هو الموضوع محير برضه يا رجاله
خصوصا بجانب الفائدة العلمية ...هل فعلا الشهادة دى هترق فى مرحال العمل فى مصر
ولا اهميتها بره مصر بس
ساعتها يبقى نفكر فى المكان اللى بيكون شهادته دولية علشان نسافر بره بيها
متابع
على فكرة الغرفة الامريكية عاملة حاجة جديدة
15 شهر بس وليس سنتين
والسعر حوالى 18 الف دولار
ومعتمدة من جامعة توليدو - امريكا
AmCham Egypt - Education & Training - Training/Career Development
حضرتك ممكن تتصل بيهم على 19298
وصلتوا لايه يا رجالة فى الاسعار
وتنصحوا بايه لو حد مجاله it يبقى افضل تخصص ايه :)
هو دايما mba مشهورة بادارة الاعمال :)
صحيح ايه التخصصات كلها لو حد عارفها
ده افضل حل ليك فى مجالك
http://www.itil-officialsite.com/
متابع
انا معاك ان itil مهمة
بس برضه الواحد بيبص للمستقبل
الماستر مهم
بص كده على المانجرز الكبار فى الاى تى هتلاقى ال mba
لازم تعرف تبقى ليدر صح وتبنى نفسك
دى وجهة نظر لا اكثر
عايزين نعرف اخر الاسعار ياشباب
الاكاديمية البحرية وكمان الجامعة الامريكية
وايهم معتمد بره وجوه مصر اكتر
حاليا اقوم بالدراسه فى Eslsca وبدات الدراسه فى الترم الثالث
الميزة فيها بوجود برنامج اسبوع بعد اسبوع نتيجه لظروف سفرى
يعنى بنزل مصر يوم الجمعه والسبت كل اسبوعين واحضر المحاضرات اربع محاضرات العادى بيحضر ثلاثه فى الاسبوع
النظام دة عيبه انه بيطول الدراسه شويه بس مناسب ليا فى ظروف السفر
انا مش هشكر فى الجامعه ولا اذم فيها بس العمليه فى الاول والاخر راجعه ليك انت قبل اى عامل انت عايز تستفيد ولا عايز شهادة وخلاص
المحاضريين عليهم نسبه كبيرة جدا فى نجاح العمليه التعليميه واسنحاله هيكونوا كلهم حلويين او وحشيين انا مرضى بس كنت اتمنى مستوى المحاضريين يكون اعلى
بس اوعى تفكر ان الموضوع تعليمى بس الموضوع فيه جانب بزنسس كبيرة وفلوس بتستفيد منه الجامعه واكبر تكلفه على الجامعه هو سعر المحاضر
كنت اتمنى ادخل RITI فى الزمالك لكن الحمد الله
ان شاء الله هتخصص ادارة لان طبيعه شغلى it وبنقل الكارير الى ادارة المشاريع
السلام عليكم يا بشمهندس
انا هستئذنك توضحلى بعض النقاط
بما ان حضرتك it ليه مفكرتش فى ادارة المشاريع من خلال pmp
وراى حضرتك كمان فى كورس ال itil وقيمتها
::::::::
هو انا كمان بفكر فى الاعتمادية لانى لو فكرت اسافر بره لازم موضوع الاعتماد الصح + التعليم الكويس
وياريت لو تفهمنى اكثر التخصصات وكده فى mba يعنى بتتخصص امتى وايه هى التخصصات
ولو شرح موجز وجزاك الله خيرااا
الحمد الله انا خريج معهد ITI جيل قديم كانت من اجمل فترات حياتى
انت بتكلم عن ثلاث شهادات مختلفه عن بعضها
ITIL &PMP&MBA
ITIL منها اكثر من مستوى اعتقد اثنين اوثلاثه انا خلصت الاول فقط ودة كورس مدته ثلاث ايام اواسبوع وبعدها الامتحان المستوى الثانى صعب جدا بس انا اكتفيت بالاول نتيجه طبيبه شغلى مش فى operation
PMP شهادة ادارة المشاريع ومحتاجه منك تفرغك فى المذاكرة لها تقريبا من ثلاث الى اربع شهور وهى شهادة امريكيه معترف بيها فى ادارة المشاريع ومهمه جدا لكل من المهندسين المدنيين ومشاريع IT
ممكن تاخد دبلومه فيها فى معهد RITI بالزمالك الحمد الله اخدتها فى 2006 وكانت اكثر من ممتازة بعدها تدخل الامتحان مع معهد PMI فى امريكا وتصبح معتمد فى ادارة المشاريع تقريبا عددهم فى مصر لا يتجاوز 6 او 7 الاف شخص حامل لهذة الشهادة
نيجى بقى للزغلول الكبير
MBA دى ماجستير مهنى يعنى دراسه شامله وليست متخصصه فى نقطه او موضوع معين وتناقش فيها كل المواد الخاصه بعلم الادارة بغض النظر عن مجال عملك يعنى هتلاقى معاك اطباء وصيادله ومهندسيين وتجارة بمجالات عمل مختلفه عكس ITIL &PMP
وبنصح محدش يبدا فى درستها قبل 5 سنوات عمل فعليه عشان تحس فعلا بالمادة العلميه والمشاكل الموجودة فى العمل هتفرق معاك كتير قوى
بالتوفيق ان شاء الله
تمام يا بشمهندس بس ايه احسن مجال او تخصص ل it انه يقدر يتخصص فيه فى mba
وهو التخصص فى السنة التانية والسنة الاولى بتدرس ادارة عموما صح كده ؟؟
:::::::::::::::::::::::
الاسعار كمان زى ما انا قولت قبل كدة
الاكاديمية البحرية عندها نظامين
نظام سنة ونص وده معتمد من جامعة برة بريطانية وسعره 85 الف
ونظام تانى سنتين وده معتمد من المجلس الاعلى للجامعات وسعره 62 الف
لو حد يعرف اماكن تانية يقول يا شباب ونشوف ال auc لو حد عنده فكرة كام بالظبط
متابع بإهتمام
اسبوع بالكتير على كورس fundamental
https://www.facebook.com/secc.smartvillage?fref=ts
الجروب دى والمكان دة اثقك فيه
حد اخد كورس pmp قريب ؟