سؤال مهم جدا

**fahmy1000** · 19-09-2008 02:32 PM

ممكن اسال مجموعه اسئله ويهمني رايكم جدا ؟ البلد عدها عليها عربيات كتيره جدا زي الفليشيا والتيكو والارابيلا والريتمو والريجاتا والبولونيز والدوجان والسويفت وغيرها كتير جدا وكلها من انتاج شركات محترمة وعالميه ده غير الاكسنت والاكسل اللي كانوا مغرقين الشوارع وبنظره فاحصة حولك اختفت هذه السيارات ونادرا جدا لما بتشوفها مع انها من انتاج لايزيد عن 15 سنه علي الاكثر ؟ ياتري راحت فين ؟ اتبخرت مثلا ؟ ده سؤال فعلا محيرني ؟ حتي ياباني التسعينات اختفى ؟ واللي موجود حاليا مجموعه حديثة جدا زي اللانسر والاسبرانزا والافيو والفيرنا والماتريكس ومنتشرين كانار في الهشيم

**mohamed_88sk** · 19-09-2008 02:36 PM

لا مش أختفوا بس كترة السيارات الجديدة ما شاء الله زي ما تكون كده غطط عليهم ومش بينتهم
والله أعلم

**ramyso4** · 19-09-2008 03:29 PM

التيكو والارابيلا والريتمو و البولونيز ماكانوش منتشرين من الأول لكن الفيلشيا والسويفت والاكسنت والإكسيل منتشرين لسة وبرده فيه عربيات جديدة كتير إنت بتتكلم ف فرق 15 سنة فيها عربيات جديدة بتنزل كل شوية

**itsonlyme** · 19-09-2008 08:17 PM

والله يا فهمي أنا برضو سألت نفسي نفس السؤال ده.
كان في موديلات عربيات منتشره جدا ودلوقتي اختفت تماما.
بلاش نروح لبعيد أوي ونتكلم عن الريتمو والتيكو والارابيلا والعربيات الغريبه دي اللي أول مره أسمع عنها. أعتقد العربيات دي خدمت سنين واختفاءها كان تتدريجي وعلى مدى عقود.

نقول ايه عن السوزوكي سويفت الي كانت منتشره بشكل كبير في منتصف التسعينات؟ العربيه دي اتبخرت بمعنى الكلمة ولم يعد لها أثر. احنا بنتكلم على 10 سنين بس. راحت فين؟ رأيي انها عربيه ورق وغير اعتماديه عشان كده خدمت كام سنة والسلام.

الاكسل و الأكسنت لسه موجودين. لكن برضو قلو بشكل ملحوظ ولافت للإنتباه.

الزمن بيمر والعربيات القديمة بتترمي. ده حتى الفيات 128 قلت جدا عن زمان.

**shanodaa** · 22-09-2008 06:36 PM

ولا اختفت ولا حاجه تلاقيها اتباعت فب محفاظات تانيه

**abosama** · 23-09-2008 06:12 AM

عندك حق متهيلي كل السيارات الجديدة التي كانت تجوب شوارع مصر منذ التسعينات ليس لها أثر كبير الان

**mokhtar** · 23-09-2008 06:22 AM

المشاركة الأصلية كتبت بواسطة itsonlyme

والله يا فهمي أنا برضو سألت نفسي نفس السؤال ده.
كان في موديلات عربيات منتشره جدا ودلوقتي اختفت تماما.
بلاش نروح لبعيد أوي ونتكلم عن الريتمو والتيكو والارابيلا والعربيات الغريبه دي اللي أول مره أسمع عنها. أعتقد العربيات دي خدمت سنين واختفاءها كان تتدريجي وعلى مدى عقود.

نقول ايه عن السوزوكي سويفت الي كانت منتشره بشكل كبير في منتصف التسعينات؟ العربيه دي اتبخرت بمعنى الكلمة ولم يعد لها أثر. احنا بنتكلم على 10 سنين بس. راحت فين؟ رأيي انها عربيه ورق وغير اعتماديه عشان كده خدمت كام سنة والسلام.

الاكسل و الأكسنت لسه موجودين. لكن برضو قلو بشكل ملحوظ ولافت للإنتباه.

الزمن بيمر والعربيات القديمة بتترمي. ده حتى الفيات 128 قلت جدا عن زمان.

بالنسبه للسويفت فدى اكتر عربيه منتشره عندنا فى دمياط كملاكى او كتاكسى زى الرز واعتماديتها عاليه جدا واللى راكبينها تاكسى مطلعين عنيها وشغاله زى الفل

.mokhtar..

**noon_eg** · 23-09-2008 06:23 AM

طيب ممكن انا اسال سوال

ممكن تقول لى فين الهدوم اللى كنت تلبسها من 10 سنوات ؟

1- اغلبها بليت وانتهت من الاستعمال
2- تبرعت ببعض منها للفقراء
3- لسه فيه منها حته ولا اتنين للذكرى

نفس حال العربيات القديمه طالما فيه قدره على شراء الجديد القديم يتوارى

سنه الحياه