الموضوع: كورولا 2014 و سبورتاج 2014 و بيجو3008 و فلوانس 2014 و رابيد

المشاركة الأصلية كتبت بواسطة ossamamhelmy

السلام عليكم
دى اول مرة اشارك بالمنتدى و عسى اكون خفيف على قلبكم

انا عايز اشترى عربية جديدة و مش عارف اقرر. كل ما ارسى على عربية يطلعلى موديل تانى يا ريت تفيدونى.

انا بعد البحث ممكن تقولوا انى عاجبنى الانواع التالية، كل واحدهو ليها مميزات و عيوب عن التانية:
1. تويوتا كورولا 2014
2. كيا سبورتاج 2014
3. بيجو 3008
4. رينو فلوانس 2014
4. سكودا رابيد 2013

هتكلم عن مميزات و عيوب كل سيارة من وجهة نظرى المحدودةز

اولا الكورولا (تانى فئة اوتوماتيك)
مميزات : عربية واسعه و موتور قوى و وسائل رفاهية كتير و ثبات على الطريق و كتير من المميزات.
العيوب: واطيه على الارض شوية و الصاج حاسس انه ورق ؛ لما كنت بخبط على الابواب و الرفارف بخس بصوت طبله اكن المكان جوه فاضى. العربية تركى مش يابانى على ابوه. معرفش ده عيب ولا لأ.

ثانيا السبورتاج :
مميزات: عربية شكلها رائع و ال suv اثبت كفائته جدا و طبعا السبورتاج غنية عن التعريف
عيوب: العربية كورى و الناس بتخوفنى من الكورى عشان كده استبعدت السيراتو و كمان اول فئة منها بنفس سعر الكورولا الهاى لاين، غير ان اول فئة مفهاش اوبشنز كتير.

ثالثا بيحو 3008:
مميزات: العربية شكلها رائع و شددنى جدا و مميزتا كتير
العيوب: خايف من قطع الغيار و اعادة البيع لو عايز ابيع... الفرنساوى بيخسر

رابعا رينو فلوانس:
مميزات: العربية فخمه جدا انتيريور و اكستيريور
العيوب: نفس عيوب الفرنساوى قطع الغيار و الريسال

خامسا سكودا رابيد (مانيوال) اعلى فئة:
المميزات: العربية تحس بقوة السيارات الالمانى فيها و المتانه و التكنولوجيا الالمانى
العيوب: العربية مشوفتهاش على الطريق اطلاقا و مش عارف عيوب التشغيل بتاعتها لانها ببساطه مش موجوده و حكاية المانيوال مش عيب بالنسبالى لانى متعود عليه و مشاكل المانيوال مش زى الاوتوماتيك. غير كده الكونسول بتاع العربية مش غنى زى باقى العربيات اللى شكلها من جوه يلوح...


معلش الطرازات مختلفة من سيدان ل suv من اوتوماتيك لمانيوال.... بس بصراحه انا محتار حيرة شديدة. كل سيارة فيها مميزات و عيوب.

و ايه عيوب الكورى و افضل الاوروبى على اليابانى و لا ايه

افيدونى بسرعه قبل ما الابلاتين ما يضرب فى نافوخى

منتظركم و اسف على الاطالة الشديده

عن تجربه انا كان معايا هوندا سيفك 2008 وظلت معايا 5 سنين وبعتها ومعايا حاليا كورولا 2013 ورغم ان الاتنين 1800 سى سى خليجى علشان فى مصر ما يعرفوش غير ال 1600 سى سى رغم كده انا مفتقد السيفك رغم انى هلكتها طوال 5 سنين لكن عزمها برقبة الكورولا عيبها الوحيد انها كانت واطية التويوتا من ساعة لما بقوا بيصنعوها فى تايوان وجنوب افريقيا ودول تانية بقى تقفيلها اى كلام
مش عارف فيه ناس مش حتوافقنى رأيي بس دى كانت تجربتى مع العربيتين

انا عاجبنى شكل البيجو 3008 عائلية وعالية عن الارض رغم انى ماليش تجارب مع البيجو وبردوا شايف تعليقات كتير على الموقع بيشكروا فى الفلونس بالتوفيق فى اتخاذ قرارك

الكيا او الرينو

يا فندم ممكن تفكر برضو فى القاشقاي لأنها بتناسب إستعمالك حسب ما أريت .... غيير كدة أنصحك بالفلونس كان نفسي اجيبها بدل للانترا الحالين معايا بس كانت ساعتها لسة منتشرتش والناس طبعا نصحوني ابعيد عندها عشان بطبيعتم مبيحبوش التغير (الفرنساوي).

كنت حقولك علي طول.............بيجو 3008
عربيه حكايه من بره ومن جوه واسعه جدا وموتورها تيربو ممتاز وارتفاعها عن الارض كويس علشان المطبات
بس بما ان حضرتك شلتها من الحسابات (مش عارف ليه)

ارشحلك ............... فلونس
حتعرف معني ركوبة عربية محترمه

فى المقام التاني ......... كورولا

فلوانس او كورولا علشان الثبات في السفر
وان كنت افضل الفلوانس لانها اكثر كماليات واكثر رفاهية وفخامة ( اوروبي )
وربنا يوفقك ان شاء الله

انا اشتريت رابيد اليجانس بحمد الله العربية مش تقفيل هندي متقلقش كل اوراق العربية معايا وارد التشيك .. بس انت لو بتدور على فخامه وشياكة خليك فى الفلونس
ولو عاوز متانه وموتور محترم وعفشة كويسة ومش فارقة معاك الدلع وشكل التابلوه الرابيد كويسة

المشاركة الأصلية كتبت بواسطة ossamamhelmy

السلام عليكم
دى اول مرة اشارك بالمنتدى و عسى اكون خفيف على قلبكم

انا عايز اشترى عربية جديدة و مش عارف اقرر. كل ما ارسى على عربية يطلعلى موديل تانى يا ريت تفيدونى.

انا بعد البحث ممكن تقولوا انى عاجبنى الانواع التالية، كل واحدهو ليها مميزات و عيوب عن التانية:
1. تويوتا كورولا 2014
2. كيا سبورتاج 2014
3. بيجو 3008
4. رينو فلوانس 2014
4. سكودا رابيد 2013

هتكلم عن مميزات و عيوب كل سيارة من وجهة نظرى المحدودةز

اولا الكورولا (تانى فئة اوتوماتيك)
مميزات : عربية واسعه و موتور قوى و وسائل رفاهية كتير و ثبات على الطريق و كتير من المميزات.
العيوب: واطيه على الارض شوية و الصاج حاسس انه ورق ؛ لما كنت بخبط على الابواب و الرفارف بخس بصوت طبله اكن المكان جوه فاضى. العربية تركى مش يابانى على ابوه. معرفش ده عيب ولا لأ.

ثانيا السبورتاج :
مميزات: عربية شكلها رائع و ال suv اثبت كفائته جدا و طبعا السبورتاج غنية عن التعريف
عيوب: العربية كورى و الناس بتخوفنى من الكورى عشان كده استبعدت السيراتو و كمان اول فئة منها بنفس سعر الكورولا الهاى لاين، غير ان اول فئة مفهاش اوبشنز كتير.

ثالثا بيحو 3008:
مميزات: العربية شكلها رائع و شددنى جدا و مميزتا كتير
العيوب: خايف من قطع الغيار و اعادة البيع لو عايز ابيع... الفرنساوى بيخسر

رابعا رينو فلوانس:
مميزات: العربية فخمه جدا انتيريور و اكستيريور
العيوب: نفس عيوب الفرنساوى قطع الغيار و الريسال

خامسا سكودا رابيد (مانيوال) اعلى فئة:
المميزات: العربية تحس بقوة السيارات الالمانى فيها و المتانه و التكنولوجيا الالمانى
العيوب: العربية مشوفتهاش على الطريق اطلاقا و مش عارف عيوب التشغيل بتاعتها لانها ببساطه مش موجوده و حكاية المانيوال مش عيب بالنسبالى لانى متعود عليه و مشاكل المانيوال مش زى الاوتوماتيك. غير كده الكونسول بتاع العربية مش غنى زى باقى العربيات اللى شكلها من جوه يلوح...


معلش الطرازات مختلفة من سيدان ل suv من اوتوماتيك لمانيوال.... بس بصراحه انا محتار حيرة شديدة. كل سيارة فيها مميزات و عيوب.

و ايه عيوب الكورى و افضل الاوروبى على اليابانى و لا ايه

افيدونى بسرعه قبل ما الابلاتين ما يضرب فى نافوخى

منتظركم و اسف على الاطالة الشديده

ارشح لك الفلوانس عربيه هتلبى كل متطلباتك من حيث : الارتفاع عن الارض .. والثبات ... رفاهيه .... صالون رحب جدا ... موتور كويس وفتيس ممتاز واقتصادى .....وتوكيل محترم ....والسعر يعتبر اقل من بعض السيارات التى ذكرتها .