الموضوع: كورولا 2014 و سبورتاج 2014 و بيجو3008 و فلوانس 2014 و رابيد

المشاركة الأصلية كتبت بواسطة ossamamhelmy

السلام عليكم
دى اول مرة اشارك بالمنتدى و عسى اكون خفيف على قلبكم

انا عايز اشترى عربية جديدة و مش عارف اقرر. كل ما ارسى على عربية يطلعلى موديل تانى يا ريت تفيدونى.

انا بعد البحث ممكن تقولوا انى عاجبنى الانواع التالية، كل واحدهو ليها مميزات و عيوب عن التانية:
1. تويوتا كورولا 2014
2. كيا سبورتاج 2014
3. بيجو 3008
4. رينو فلوانس 2014
4. سكودا رابيد 2013

هتكلم عن مميزات و عيوب كل سيارة من وجهة نظرى المحدودةز

اولا الكورولا (تانى فئة اوتوماتيك)
مميزات : عربية واسعه و موتور قوى و وسائل رفاهية كتير و ثبات على الطريق و كتير من المميزات.
العيوب: واطيه على الارض شوية و الصاج حاسس انه ورق ؛ لما كنت بخبط على الابواب و الرفارف بخس بصوت طبله اكن المكان جوه فاضى. العربية تركى مش يابانى على ابوه. معرفش ده عيب ولا لأ.

ثانيا السبورتاج :
مميزات: عربية شكلها رائع و ال suv اثبت كفائته جدا و طبعا السبورتاج غنية عن التعريف
عيوب: العربية كورى و الناس بتخوفنى من الكورى عشان كده استبعدت السيراتو و كمان اول فئة منها بنفس سعر الكورولا الهاى لاين، غير ان اول فئة مفهاش اوبشنز كتير.

ثالثا بيحو 3008:
مميزات: العربية شكلها رائع و شددنى جدا و مميزتا كتير
العيوب: خايف من قطع الغيار و اعادة البيع لو عايز ابيع... الفرنساوى بيخسر

رابعا رينو فلوانس:
مميزات: العربية فخمه جدا انتيريور و اكستيريور
العيوب: نفس عيوب الفرنساوى قطع الغيار و الريسال

خامسا سكودا رابيد (مانيوال) اعلى فئة:
المميزات: العربية تحس بقوة السيارات الالمانى فيها و المتانه و التكنولوجيا الالمانى
العيوب: العربية مشوفتهاش على الطريق اطلاقا و مش عارف عيوب التشغيل بتاعتها لانها ببساطه مش موجوده و حكاية المانيوال مش عيب بالنسبالى لانى متعود عليه و مشاكل المانيوال مش زى الاوتوماتيك. غير كده الكونسول بتاع العربية مش غنى زى باقى العربيات اللى شكلها من جوه يلوح...


معلش الطرازات مختلفة من سيدان ل suv من اوتوماتيك لمانيوال.... بس بصراحه انا محتار حيرة شديدة. كل سيارة فيها مميزات و عيوب.

و ايه عيوب الكورى و افضل الاوروبى على اليابانى و لا ايه

افيدونى بسرعه قبل ما الابلاتين ما يضرب فى نافوخى

منتظركم و اسف على الاطالة الشديده

ارشح لك الفلوانس عربيه هتلبى كل متطلباتك من حيث : الارتفاع عن الارض .. والثبات ... رفاهيه .... صالون رحب جدا ... موتور كويس وفتيس ممتاز واقتصادى .....وتوكيل محترم ....والسعر يعتبر اقل من بعض السيارات التى ذكرتها .

المشاركة الأصلية كتبت بواسطة omar hammoudy

يا فندم ممكن تفكر برضو فى القاشقاي لأنها بتناسب إستعمالك حسب ما أريت .... غيير كدة أنصحك بالفلونس كان نفسي اجيبها بدل للانترا الحالين معايا بس كانت ساعتها لسة منتشرتش والناس طبعا نصحوني ابعيد عندها عشان بطبيعتم مبيحبوش التغير (الفرنساوي).

طبعا ياعزيزى لو القشقاى يبقى اختيار جيد

اخى الاسبورتاج 2014 مناسبة جداً وكماليات معقوله وتقفيل اوربى بسلوفاكيا وبها مثبت سرعه و2 ايرباج وكماليات كتيرة جداً وسعرها 208 الف

نصيحة لو انت مش مستعجل على الشراء استنى شوية وترقب وصول الموديل الجديد من فورد ايكو سبوت العربية دى حتعمل انقلاب فى سوق السيارات فى مصر
ادخل على النت واعرف معلومات عن العربية دى انا مقيم فى الامارات واشتريتها لزوجتى بصراحة بالنسبة لامكانياتها وحجمها وسعرها مقارنة بالعربيات المثيلة هى تكسب كمان انا سمعت ان عبد اللطيف جميل اخد توكيل الفورد فى مصر وحيعمل طفره فى سمعة الفورد فى مصر لان الوكيل لو كان قوى بيدى سمعة كويسة للعربية
لو احتاجت تعرف اى حاجة عن العربية دى انا ممكن افيدك انا لسه شاريها الاسبوع اللى فات ولسه باستكشف فيها
بس من مميزاتها عربية شكلها شياكة جدا كمان انها عالية عن الارض ودى افضل ميزة فيها محركها 1500 سى سى بمحرك الفورد الجديد الاقتصادى فى استهلاك البترول جير اتوماتيك مع خاصية التحويل الى وضعية الاسبورت او الجير المانيوال واللى بيدى عزم للعربية فى الطلعة ايضا بالنسبة للسعر انا اعتقد انه حيبقى سعرها مناسب فى مصر مقارنة بالعربيات المثيلة وده حسب كلام وكيل الفورد فى مصر بان سعرها حيكون مفاجئة

كل عربية لازم يكون فيها عيوب ومميزات
وبعدين ليه بعدنا عن ماركتين من السيارات اكثر من روعة
الأولى : فورد فوكاس عربية تحفة بجد وتوكيلها كويس
الثاني : نيسان سينترا رووووووووووووووووعة
انا عندي سيارة رينو فلوانيس 2014 هاي لاين اكثر من روووووووووعة ولكن يضاهيها الفورد فوكاس