كورولا 2014 و سبورتاج 2014 و بيجو3008 و فلوانس 2014 و رابيد

**OssamamHelmy** · 08-12-2013 12:29 PM

السلام عليكم
دى اول مرة اشارك بالمنتدى و عسى اكون خفيف على قلبكم

انا عايز اشترى عربية جديدة و مش عارف اقرر. كل ما ارسى على عربية يطلعلى موديل تانى يا ريت تفيدونى.

انا بعد البحث ممكن تقولوا انى عاجبنى الانواع التالية، كل واحدهو ليها مميزات و عيوب عن التانية:
1. تويوتا كورولا 2014
2. كيا سبورتاج 2014
3. بيجو 3008
4. رينو فلوانس 2014
4. سكودا رابيد 2013

هتكلم عن مميزات و عيوب كل سيارة من وجهة نظرى المحدودةز

اولا الكورولا (تانى فئة اوتوماتيك)
مميزات : عربية واسعه و موتور قوى و وسائل رفاهية كتير و ثبات على الطريق و كتير من المميزات.
العيوب: واطيه على الارض شوية و الصاج حاسس انه ورق ؛ لما كنت بخبط على الابواب و الرفارف بخس بصوت طبله اكن المكان جوه فاضى. العربية تركى مش يابانى على ابوه. معرفش ده عيب ولا لأ.

ثانيا السبورتاج :
مميزات: عربية شكلها رائع و ال suv اثبت كفائته جدا و طبعا السبورتاج غنية عن التعريف
عيوب: العربية كورى و الناس بتخوفنى من الكورى عشان كده استبعدت السيراتو و كمان اول فئة منها بنفس سعر الكورولا الهاى لاين، غير ان اول فئة مفهاش اوبشنز كتير.

ثالثا بيحو 3008:
مميزات: العربية شكلها رائع و شددنى جدا و مميزتا كتير
العيوب: خايف من قطع الغيار و اعادة البيع لو عايز ابيع... الفرنساوى بيخسر

رابعا رينو فلوانس:
مميزات: العربية فخمه جدا انتيريور و اكستيريور
العيوب: نفس عيوب الفرنساوى قطع الغيار و الريسال

خامسا سكودا رابيد (مانيوال) اعلى فئة:
المميزات: العربية تحس بقوة السيارات الالمانى فيها و المتانه و التكنولوجيا الالمانى
العيوب: العربية مشوفتهاش على الطريق اطلاقا و مش عارف عيوب التشغيل بتاعتها لانها ببساطه مش موجوده و حكاية المانيوال مش عيب بالنسبالى لانى متعود عليه و مشاكل المانيوال مش زى الاوتوماتيك. غير كده الكونسول بتاع العربية مش غنى زى باقى العربيات اللى شكلها من جوه يلوح...

معلش الطرازات مختلفة من سيدان ل suv من اوتوماتيك لمانيوال.... بس بصراحه انا محتار حيرة شديدة. كل سيارة فيها مميزات و عيوب.

و ايه عيوب الكورى و افضل الاوروبى على اليابانى و لا ايه

افيدونى بسرعه قبل ما الابلاتين ما يضرب فى نافوخى

منتظركم و اسف على الاطالة الشديده

**amgomaa** · 08-12-2013 01:08 PM

Shortage

**monamize4** · 08-12-2013 01:38 PM

طلع الرابيد بره المقارنة لان المقارنة ظالمه ليها
ياريت تقولنا انت محتاج ايه من العربية ؟
يعنى مثلا لو بتمشى ف شوارع مكسرة ,, يبقى الاختيار هينحصر ف السبورتاج و ال 3008
لو بتسافر ع سرعات عالية و بتحتاج ثبات ,, يبقى كورولا او فلوينس

و ع فكرة السيراتو الهاى لاين اختيار ممتاز و بتجمع مميزات كتيييييييييييير
و سيبك من حكاية كورى و اوروبى و يابانى

**Hany Saad** · 08-12-2013 04:21 PM

الرابيد اللى بتنزل مصر هندى.....

**OssamamHelmy** · 08-12-2013 08:22 PM

السلام عليكم
الكل مشكور و انا ممتن ليكم كتير

المشاركة الأصلية كتبت بواسطة monamize4

طلع الرابيد بره المقارنة

لان المقارنة ظالمه ليها
ياريت تقولنا انت محتاج ايه من العربية ؟
يعنى مثلا لو بتمشى ف شوارع مكسرة ,, يبقى الاختيار هينحصر ف السبورتاج و ال 3008
لو بتسافر ع سرعات عالية و بتحتاج ثبات ,, يبقى كورولا او فلوينس

و ع فكرة السيراتو الهاى لاين اختيار ممتاز و بتجمع مميزات كتيييييييييييير
و سيبك من حكاية كورى و اوروبى و يابانى

المشاركة الأصلية كتبت بواسطة xname2004

حدد السعر اللى معاك بالظبط او تقريبا
لكن انت كده بتتكلم فى حوالى من 150 ل 210 الف

البيجو 3008 رائعه من جوه ومن بره بس لو هتجيب suv رأيى هات سبورتاج ( مع إنى أفضل الأوربى و بعدين اليابانى و بعدين الكورى) علشان حاجتين توكيل بيجو مش حلو قوى و كمان العربيه مش منتشره قوى ( عكس مثلا 508 و 301 ) فهتلاقى قطع الغيار بره نادره بس البيجو نفسها تحفه و رائعه و ماتور تحفه

سيدان رأيى طلع الرابيد لأنها بتنزل بره و احتمال هتلاقى السنه الجايه تنزل اتوماتيك فده هيوقع سعر عربيتك قوى

هيفضل عندك ف السيدان الفلوانس و التويوتا الاتنين روعه رأيى بتسافر كتير خد فلوانس ثبات و عزل رائع جوه البلد كتير خد تويوتا حجم أصغر سهل ف الزحمه و الركن

بالنسبة لشوارع مصر فهى بصراحه مدقات و عايزه هامر عشان كده انا بحبذ ال suv لكن السيدان للاستخدام اليومى و ده تصنيفى المتوضع . بصراحه انا عايز اجيب عربية جديده عشان تسهلى السفر للعين السخنه بالذات... و شايف ال suv تقدر تشيل امتعه اكتر لكن المناورة و الثبات و الانسيابيه فالسيدان يكسب.

انا دخلت الرابيد الهاى لاين فى الموضوع لانها فيها اوبشنز انا محتاجها و كمان اوروبى (انا معايا سكودا فيليشيا معلش الدم بيحن) مع انى عارف ان فى ناس هتستغرب بس عشان اقدر اجيبها كاش .. لكن باقى العربيات هضطر انى اقسط الباقى .... لكن اللى مخوفنى من الرابيد انا هحس انى الوحيد اللى هكون راكبها او زى ما حضرتك قلت لو الاوتوماتيك نزل القيمة السعرية للعربية هتنزل و كمان العربية تقفيل هندى مش اوروبى ..

البيجو 3008 ممكن اقول انها خرجت بره المنافسه عشان موضوع التوكيل و ندرة العربية برضه على الطريق.

و انا بدور لما اسال صاحب المعرض لما اتوسم فيه خير و لما يكون بيبيع سيارات متعدده مش نوع واحد باساله هل استثمر المبلغ فى عربية كورى زى السيراتو فرده بيكون بلاش .. بصراحه السيراتو كانت الاختيار الوحيد بس انا خايف منها مووووت و كمان لقيت واحده خليجى فيها كل حاجه فى العربية ما عدا الكاميرا الخلفية و الفرش الجلد و كانت عامله 179 الف.

عشان لا احيركم اكتر....

بالنسبة للاستخدام اليومى مع احتماليه السفر الغير متكرر هل ال suv (سبورتاج) مع سعرها الاعلى (البيز لاين اغلى من السيدان هاى لاين) هيكون افضل ولا العربية السيدان (الكورولا و الفلوانس) هيكونوا افضل.

عايز اراء اكتر لو حد يعرف عن الكورولا .. انا شفتها فى التوكيل كذا مرة و تفحصتها ... حاسس ان فى حاجه نقصاها بس مش عارف احدده...

معلش اصبروا معايا شويه و بعد كده هتلاقونى فريييره

منتظركم

**K.Ossama** · 08-12-2013 09:43 PM

السبورتاج أول فئة تعتبر فاضية
انا رأيى الكورولا والفلوينس

**batour** · 09-12-2013 04:49 PM

السلام عليكم
من كلام حضرتك عن الحاجات الى محتجها فى العربيه من وجه نظرى تتوكل على الله وتخليك فى الفلوانس
من حيث علو العربيه وكبرها ووسع الشنطه
وبالتوفيق

**Mizo555** · 09-12-2013 05:51 PM

Sportage

الموضوع: كورولا 2014 و سبورتاج 2014 و بيجو3008 و فلوانس 2014 و رابيد

LinkBack

أدوات الموضوع

عرض

-

-

-

المواضيع المتشابهه

مقارنه قوية بين تويوتا كورولا 2014 و رينو فلوانس 2014

تيدا 2014 & ياريس 2014 7& شارك 2014& بيجو 301 2014

مقارنه قويه بين تويوتا كرولا 2014 و رينو فلوانس 2014

كورولا 2014-النترا 2014-لانسر شارك -فلوانس

بيجو 308 sw 2014 أو رينو فلوانس 2014

الكلمات الدلالية لهذا الموضوع

المفضلات

المفضلات

ضوابط المشاركة