شوفت بعينى جهاز الكروت الذكية لدعم المنتجات البترولية فى البنزينة

السلام عليكم ورحمة الله وبركاته

إمبارح السبت 7 - 12 -2013 كنت فى بنزينة مصر للبترول فى طنطا - شارع البحر
فوجئت ان أجهزة الكروت الذكية لدعم المنتجات البترولية موجوده بالفعل من زمان
لاقيت الجهاز مرمى فوق طرمبة البنزين وفيه كارت
سألت العامل قالى ديه علشان العربيات اللى بتفرغ سولار وبنزين من ايام حكومة قنديل
واستأذنته اصورها

[img3]https://fbcdn-sphotos-c-a.akamaihd.net/hphotos-ak-prn1/1488905_10152064969477241_33590997_n.jpg[/img3]

جهاز بسيط فيه شريحة محمول وبيتشحن زى الموبايل
وبتتحرك بيه عادى زى الموبايل
أنا كنت متخيل ان الموضوع ده هيحتاج سلك تليفون أو تجهيزات خاصة طلع موضوع بسيط
مش عارف ازاى فى المرحلة القادمة هيوصلوها بطرمبات البنزين

شكرا على الصور ... بس الموضوع مش محتاج انه يتوصل بالطرمبة و لا حاجة ... الفكرة فالموضوع انك هتروح علشان تمون فهطلع الكارت بتاعك و تقوله مثلا عايز 10 لتر 92 هيقولك حسابهم مدعم ب 18.5 ج يقوم ساحب بالكارت بتاعك زى الفيزا و يتحسب اللى اخذته و بيتبعت اللى حصل على موقع الشركة علطول .. و بكده هما يقدرو يحسبوا الكمية اللى اتباعت من البنزينة دى خلال الفترة المحددة .. و هما عارفين البنزينة دى خدت كمية قد ايه قبل كده .. فيقارن اللى ادهوله باللى استهلكه و بكده يمنع سرقة البنزين...

يعنى الحكاية ملهاش دعوة بطرمبة البنزين اصلا ...

نفس الاجهزه دي اللي بتسحب الفلوس من الفيزا وفعلا مش شرط تتوصل بالطرمبه المهم صاحب الكارت يتأكد من الايصال اللي بيطلع ان اللترات اللي في الايصال نفس اللي على الطرمبه مش أكتر منها.

اقتباس:

---

المشاركة الأصلية كتبت بواسطة eslamsubaru

شكرا على الصور ... بس الموضوع مش محتاج انه يتوصل بالطرمبة و لا حاجة ... الفكرة فالموضوع انك هتروح علشان تمون فهطلع الكارت بتاعك و تقوله مثلا عايز 10 لتر 92 هيقولك حسابهم مدعم ب 18.5 ج يقوم ساحب بالكارت بتاعك زى الفيزا و يتحسب اللى اخذته و بيتبعت اللى حصل على موقع الشركة علطول .. و بكده هما يقدرو يحسبوا الكمية اللى اتباعت من البنزينة دى خلال الفترة المحددة .. و هما عارفين البنزينة دى خدت كمية قد ايه قبل كده .. فيقارن اللى ادهوله باللى استهلكه و بكده يمنع سرقة البنزين...

يعنى الحكاية ملهاش دعوة بطرمبة البنزين اصلا ...

---

الشكر لله يا اخى
طيب مهو كده ممكن يتلاعب وبدل ما يسجل انى اخدت 10 لتر
يسجل انى اخدت 50 لتر
ويعبيهم فى جراكن وسوق سودا

كمان فيه حاجه محيرانى
الجهاز ده بيشتغل بشبكة المحمول
مش المحمول خطر على محطات البنزين
ومن تعليمات السلامه ممنوع استخدام المحمول فى محطات البنزين

http://elraaed.com/ara/thumbnail.php...=article_large

اقتباس:

---

المشاركة الأصلية كتبت بواسطة elawany13

الشكر لله يا اخى
طيب مهو كده ممكن يتلاعب وبدل ما يسجل انى اخدت 10 لتر
يسجل انى اخدت 50 لتر
ويعبيهم فى جراكن وسوق سودا

كمان فيه حاجه محيرانى
الجهاز ده بيشتغل بشبكة المحمول
مش المحمول خطر على محطات البنزين
ومن تعليمات السلامه ممنوع استخدام المحمول فى محطات البنزين

http://elraaed.com/ara/thumbnail.php...=article_large

---

و حضرتك فين لما هو هيكتب 50 لتر و أنت واخد 10 بس؟ و ممكن يكون فيه زي ايصال كمان لأنه هيستخدم الكارت بتاعك.

اقتباس:

---

المشاركة الأصلية كتبت بواسطة svneleven

و حضرتك فين لما هو هيكتب 50 لتر و أنت واخد 10 بس؟ و ممكن يكون فيه زي ايصال كمان لأنه هيستخدم الكارت بتاعك.

---

هيخترعوا اى اساليب
معلش يابيه اصل الورق اللى فى الماكينه خلص
انت فى مصر ياباشا هههههههه

اقتباس:

---

المشاركة الأصلية كتبت بواسطة svneleven

و حضرتك فين لما هو هيكتب 50 لتر و أنت واخد 10 بس؟ و ممكن يكون فيه زي ايصال كمان لأنه هيستخدم الكارت بتاعك.

---

هرد عليك برد بسيط جدا
ممكن يحصل اتفاق بين عامل البنزينة وسواقين التوكتوك وصاحب اي عربية او تاكسي

والتوكتوك يتعبى او يتاخد جراكن سوق سوداء على حساب العربيات
والكارت هيتساب في المحطة العامل يشتغل بيه بمزاجه

موضوع الكارت ده قديم بيبقى فى كارت مع السواق علشان يعرف يحمل من المستودع الكمية المقررة ولو مش معاه مش بيحمل اول مايدخل المحطة بيسلم الكارت والفاتورة للمسئول فى المحطة يدخلوا فى الماكينة يبقى العربية دخلت المحطة ويظهر عند الوزارة ان العربية دخلت المحطة علشان السواقين اللى كانوا بيبعوا المنتج برا ويقول العربية اتسرقت ولقيتها بعد اسبوع اما الكارت الثانى مع المسئول فى المحطة يدخلوا فى الماكينة بعد كارت السائق يظهر عند الوزارة ان المحطة استلمت الكمية

كل كارت ليه رقم pin لحماية حسابك بس الماكينة اللى المفروضة للعربيات اصلا اللى جبها مش عارفين الموضوع هيمشى ازاى

يا باشا الحكمة كلها انه على كلامك لو محتاج يظبط عشان يسرق كمية لازم يظبط مع ناس كتيير قوى عشان يعرف يوفر كمية يبيعها فى السوق السوداء.يعنى مش معقول عربية تخش تمون بنزين يروح ضارب انها خدت 200 لتر و هى عربية مثلا متسجلة فى النظام عندهم انها 1000 سى سى تانكها 50 لتر فا حيظهر عندهم الارم على السيستم ساعتها حيتفلج يا باشا و كله بالنظام و الكمبروتر هاهاهاهاهاهاها.

المشكلة كلها فى سرقة البنزين هو التهريب الى عدة جهات وهى: مصانع البويات-مصانع الثنر- مصانع الطوب - المراكب فى البحر للتهريب لعدة دول مجاورة او اعالى البحار.

السولار شرحه للفنادق و المصانع ووووو الخ الخخخخخخخخخ

هى ديه منافذ تسريب سرقة الدعم مش العربيات ولا التكاتك ولا الالى

زى العيش ما بيتحط للمواشى و الفلاحين بيسيبوا الأسواق او يقعدوا فيها عيالهم و هما يروحوا يقفوا فى الأفران ام شلن و ياخدوا بالعشرة جنية....................

مدام منظومة الرقابة فيها فساد و هى المحليات و التموين فالمطلوب هو تطوير منظومة الرقابة للأتماتة عشان اللعب يبقى صعب المنال.

هو انتو ليه واجعين دماغكو ليه من دلوقتي وكل واحد بيقول رأيو وناس بتحاول تفتي
اصبرو شويه لغاية ميدخل حيز التنفيذ وبعدين علنا هنعرف الدنيا ماشيه ازاي !!

بتهيئلى الطرمبات نفسها هتتغير وهتبقى زى بتاعت امريكا بتسحب الكارت فى الطرمبه نفسها

اقتباس:

---

المشاركة الأصلية كتبت بواسطة singersinger

هو انتو ليه واجعين دماغكو ليه من دلوقتي وكل واحد بيقول رأيو وناس بتحاول تفتي
اصبرو شويه لغاية ميدخل حيز التنفيذ وبعدين علنا هنعرف الدنيا ماشيه ازاي !!

---

مع احترامى ليك : محدش بيفتى من الناس هنا ... الكلام اللى الناس قالته هو الكلام اللى اتقال على لسان مهندسين البترول و الوزير ( لو حضرتك متابع الموضوع من أوله و قريت عنه شويه هتعرف ان الناس مش بتفتى زى ما بتقول عليها)

...شوف المواضيع اللى بالمنتدى عن الموضوع ده هنا

حاجة كويسة من حكومة قنديل :)

اقتباس:

---

المشاركة الأصلية كتبت بواسطة singersinger

هو انتو ليه واجعين دماغكو ليه من دلوقتي وكل واحد بيقول رأيو وناس بتحاول تفتي
اصبرو شويه لغاية ميدخل حيز التنفيذ وبعدين علنا هنعرف الدنيا ماشيه ازاي !!

---

التهمة سابقة التجهيز لأى حد بيقول رأيه !!!
مش عارف ارد اقولك ايه غير ..... سلاااااااااااما

اقتباس:

---

المشاركة الأصلية كتبت بواسطة aldesha989

بتهيئلى الطرمبات نفسها هتتغير وهتبقى زى بتاعت امريكا بتسحب الكارت فى الطرمبه نفسها

---

لا مش هيغيروا شكل الطرمبات الجهاز عامل زى جهاز الفيزا بشريحة لان سعر الطرمبة الان مستعمل 40.000 فطبعا هيبقى مصاريف على الشركة بتاعت المحطات ده بيطلعوا عين الواحد لما يجى يعملوا صيانة انا محضر حبل صغير اعلقه فى رقابة كل فرد فى المحطة بالميكنة معلقها فى رقبته اسهل لان مفيش اماكن تثبيت ليها

وايه الضمان انه هيكتب نفس السعة الي اخدتها العربية
؟