الموضوع: مفاتيح زجاج جين 2

المشاركة الأصلية كتبت بواسطة mohamad ahmad

السلام عليكم
عندي مشكلة في لوحة مفاتيح الزجاج الرباعية لسيارة جين 2 موديل 2006 وسعرها غالي 500جنيه من شارع دمشق هل في بديل او حد ممكن يصلحها الزجاج عندي كله ما بينزلش

متابع للأهميه ياريت حد يفيدنا من الساده المحترمين خبراء البروتون ولو في تعديل يركبلها لوحة مفاتيح أيه انا سمعت نيسان وتويوتا كوروﻻ بس نيسان ايه وتويوتا ايه ولكم حزيل الشكر.

المشاركة الأصلية كتبت بواسطة bondok20002002

والله أنا شايف إن 500 جنيه مش غالى على اللوحة كلها بس هيا أكيد مش أصلية صح ولا إيه والأصلية بكام طيب ياريت الإفادة

ياباشا الفكره انها بتبوظ بسرعه واعطالها كتير ومش بتتصلح فلو في بديل تعديل لعربيه تانيه بيكون افضل واعتقد برده 500 جنيه كتير ودي وجهات نظر وياريت لو حد يعرف التعديل يفيدنا وجازاه الله كل خير.

شوف ايه الزراير اللي باظت وغير اماكن الفيش بتاعتهم لحد متخلص عليها خااالص. يعني انا كان الزرار بتاع زجاج الباب الشمال مش شغال عندي فغيرت الفيشه بتاعه الباب الشمال خلفي.وكل ميبوظ زرار اقلب الفيش بتاعه الزراير التانيه واستخدمها وفضلت كده سنتين ونص. لحد ماشتريت اللوحه من عند اشرف منصور . بس هو فعلا للعربيات دركسيون يمين. بس مش هتفرق في حاجه الاوتوماتيك هيبقي علي الباب التاني بس.

المشاركة الأصلية كتبت بواسطة marieneer

شوف ايه الزراير اللي باظت وغير اماكن الفيش بتاعتهم لحد متخلص عليها خااالص. يعني انا كان الزرار بتاع زجاج الباب الشمال مش شغال عندي فغيرت الفيشه بتاعه الباب الشمال خلفي.وكل ميبوظ زرار اقلب الفيش بتاعه الزراير التانيه واستخدمها وفضلت كده سنتين ونص. لحد ماشتريت اللوحه من عند اشرف منصور . بس هو فعلا للعربيات دركسيون يمين. بس مش هتفرق في حاجه الاوتوماتيك هيبقي علي الباب التاني بس.

اوﻻ متشكر جدا لرد حضرتك واهتمامك
ثانيا احب اوضح بس اني اللوحه عندي كلها باظت كان في اﻻول فعﻻ زرار واحد اللي بايظ وبعدين كله دلوقتي باظ فانا بدور على البديل ﻻن انامغيرها مره وبتبوظ بسرعه ومش ليها اصﻻح فايه البديل من اي عربيه تانيه ينفع عندي انا اعرف ان في بديل بس من ايه معرفش .
ومتشكر جدا لحضرتك مره تانيه على الرد واﻻهتمام وياريت لو حد يعرف يفيدنا.