الموضوع: رابطة ملاك البيچو ٥٠٨

المشاركة الأصلية كتبت بواسطة mostafa afifi

انا سمعت يا جماعه ان العربيه بعد ال160 بتبقا مش مستريح من ثباتها .....اعرف واحد بيمشي كل يوم علي الصحراوي (طبيعه شغله ) و باعها بعد 5 الاف كيلو ...اصل المشكله ان شنطتها طويله فبيقولو انا بتعوم....الكلام ده مظبوط .......انا معايا 406 باخد غرز علي ال 160 و 170 و علي الواسع كمان .......فهل من 406 ل 508 هحس بفرق الثبات

دا كلام يطلع من واحد معاه ٤٠٦ برضه.؟
العربية تعليقها الخلفي multi-link ودا من أحسن أنظمة التعليق الخلفية من ناحية الثبات.

أيه علاقة الشنطة بالثبات.؟
هوا الشنطة اللي بتثبت العربية علي الأرض ولا العفشة.؟

أنا من رأيي لو سمعت مش كفاية,, جرب العربية بنفسك وشوف الفرق وأبقي أحكم ساعتها.

لأن فيه فرق كبير ما بين ال ٥٠٨ وال ٤٠٦. العربيتين حلوين جداً.
بس فرق الأمكانيات والتكنولوجيا الجديدة في صالح ال ٥٠٨ طبعاً.

ومش أي حد يعرف يجري بال ٤٠٦ وياخد بيها غرزة علي ١٦٠ أو ١٧٠
لأن فيه طريقة معينة لأخد الغرز بالبيجو وأنت عارف كدا.

فاللي قال علي ال ٥٠٨ كدا أما مأخدش عليها لسه,,
آو بياخد الغرزة غلط وساعتها أي عربية هتعوم وهيبقي عيب سواقة مش عيب عربية.

المشاركة الأصلية كتبت بواسطة sherifffff

أول ما جبت العربية حسيت بمشكلة بسيطة في الثبات عند ١٥٠
وكنت ملاحظ ان الكاوتشات منفوخة جامد وملامسة الارض في نقطة
وبالفعل لقيتها منفوخة علي ٤٠
نزلتها لحد ٣٤،٨ زي ماهو مكتوب والمشكلة راحت تماما

مكنتش أعرف إن فية طريقة مخصوصة للغرز في البيچو
يا ريت تقولوهالي

كويس أنك ظبطت ضغط الكاوتش, ويفضل أنك تظبطه بعد كدا نيتروجين عشان يريحك في الشتاء والصيف ولا يزيد منك ولا يقل.

البيجو طريقة الغرزة فيها مينفعش تتوصف لازم تحسها,
مش عارف أقولهالك أزاي, صعب أنها تتشرح,,

هوا عموماً لما تيجي تاخد الغرزة علي سرعة, حاول تشيل رجلك من علي البنزين قبل ما تاخد الغرزة وتدوس تاني مرة واحدة نفس الدوسة بتاعتك بس بزيادة سنة صغيرة,
عشان العربية تمسك في الأرض أكتر,
يعني مش تزود بنزين اللي هوا يخليك تلبس في اللي قدامك وأنت بتاخد الغرزة.

ثانياً كسرة الدركسيون فيها البيجو لازم تاخدة بالتدريج متاخدوش قفش أو خطف مرة واحدة.
دا لو عايز تدخل الغرزة وتطلع منها من غير ما تحس أنك أخدت غرزة, ولا هتعوم منك.

ممكن تاخد الدركسيون خطف برضه بس لازم تبقي عارف رد فعل العربية هيبقي عامل معاك أزاي علي السرعات العالية دي عشان تعرف توزن أيديك عليه بعد ما تاخد الغرزة والعربية متعومش منك.

ثالثاً لازم توسع غرزتك قبل ما تدخلها,, ودي بقي مش هعرف أشرحها خالص.
لأنك بتدخل بجسم عربيتك الأول جنب العربية اللي هتعديها عشان توسع لك وبعدين هوا بيضطر بيهدي وبتدخل أنت مرتاح,
واللي ساق 504 أو 505 هبقي فاهم معني اللي انا بقوله دا كويس.

مش عارف هتفهمني من الكلام دا ولا لأ, بس هوا أول سنة هتحس إن العربية كبيرة عليك شوية,
تاني سنة هتحس أنك بتسوقها زي السلامو عليكو وممكن تطلع أيديك من الشباك وأنت سايق.

504 و 505 إستايل.

المشاركة الأصلية كتبت بواسطة sherifffff

متشكر جداً علي المعلومات دي

انا تقريباً بعمل زي ما حضرتك قولت
حتي بالكورولا اللي كانت معايا قبل كدة

عندي بس تعليقات يمكن تفيد

اي غرزة يستحب أخدها بالطريقة اللي إنت قلتها للأمان
متجيش ادام العربية اللي وراك الا لما تعديها بكل جسم سيارتك
علشان متخضوش لإنه يمكن يعمل حركات غريبة خطرة

التعليق ال multi link في ال ٥٠٨ بيفيد جداً في الغرز مع نظام ال ESP
الحاجات دي بتخلي العربية تستجيب للدركسيون بسرعة مزهلة وتحكم تام بدون أي تأخير او عومان
كإنك بتركن بين عربيتين

الشكر لله, وأنا بالبيجو بعمل بالنصيحة اللي أنت قلت عليها,
مش باخد الغرزة غير لما بشوف الفانوس الأمامي بتاع العربية اللي هاخد الغرزة قدامها,
يعني ما بشوف فانوسها في مرايتي وبكون مندفع عنه باخد الغرزة,

بس بما أنك كان معاك تويوتا كورولا,, فانت ممكن تحس باللي أنا كنت بوصفه,,
أنا كان معايا لانسر بومة من الزيرو سوقتها 3 سنين, العربية أقل ما يقال عنها أنها كانت فراشة,,

العربية كنت باخد بيها الغرزة قبل ما أعدي حتي العربية اللي جنبي اللي هاخد الغرزة منها
والدركسيون كانت حركته خفيفة مش زي البيجو بتبقي متزنة أكتر,,
التويوتا اللي بيقولو عليها الديبة كانت زيها,, اللي هيا الشكل القديم,,
أما الجنوب أفريقي كانت رخمة شوية في الغرز.

فا من ساعت ما سيبت الانسر ورجعت للبيجو تاني,
غيرت كل حساباتي ومفهايمي في أخر الغرز.

دا كان قصدي من إن طريقة أخد الغرز في البيجو مختلفة.