تلف مفاتيح الزجاج لساجا الحل هنا
السلام عليكم ورحمة الله
من فترة كده وعندي مشكله في مفتاحي الزجاج اللي في باب السائق الزراير لا بتتطلع ولا بتنزل
جربت فكيتها واشتريت منظف لوح الكهرباء akai لكن دون فائده وديتها عند كهربائي وحاول فيها دون فائده وقالي دي مش حتنفع ولازم تجيب طقم جديد
المهم النتيجه روحت اشتريت طقم زراير بتاع لانوس وان جديد اصلي ب 90 جنيه وفيشه ب 20 جنيه والكهربائي ركبها مع تعديل بسيط لان قاعده زراير اللانوس اكبر شوية المهم الكهربائي ثبتها كويس واشتغلت زي الفل كل ما هنالك ان الزراير ساقطة شويه عن سطح مسند اليد لكن مش باينه خالص والحمد لله شغالة زي الفل
الكهربائي خد 30 جنيه يعني الاجمالي 150 جنيه
ان شاء الله ححاول اصورها وارفع لكم الصور
تحياتي ,,,
