طالما انت استخدامك خفيف و هتحتاجها ف سفر
يبقى مازدا طبعا
عرض للطباعة
طالما انت استخدامك خفيف و هتحتاجها ف سفر
يبقى مازدا طبعا
بما انك العربية ها تقعد معاك فوق 5 سنين
هات المازدا و انت مغمض
معايا من 2008 و عمرها ما قالت لا و مازالت بحالة الزيرو
وناوى اكمل بيها كمان 5 سنين ان شاء الله .. لانى مش لاقى عربية زيها فى سعرها
صديقي المواطن
قولا واحدا المازدا 3 كعربية وكركوبة وكإعتمادية أعلى من بيجو 301 طبعا الكلام ده في الظروف المثالية ولكن عندنا في مصر كإعادة بيع وتوافر قطع الغيار مستقبلا ال 301 حتكسب فيفضل تخليك فيها ولكن لو تزود شوية وتجيب فلوانس الشكل الجديد فكده إنت جبت من اﻵخر وكسبت الدنيا وإن شاء الله اﻵخرة وتخلص من حيرتك ولا تقوللي كورولا ولا تقولي نيسان ولت تقوللي إلانترا ولا سيراتو الفلوانس جابت معاهم من اﻵخر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
هى الناس اللى بتقول البيجو ضيقة او سعرها مبالغ فيه دي بتتكلم جد ولا بتألش !
مازدا...برستيج..اعتمادية.. ثبات اكثر من رائع..موتور عمره ما بيفتح بقه لغاية 500 الف كيلو..فتيس بيخلى العربية طلقة لو بتحب الجرى...اوبشن معقول...عيوبها ..واطيه شوية بس مش جدا وممكن تزود العجل لغاية 33 تظبط معالك ..قطع غيار غالية نسبيا بس معمرة وموجودة ف شارع دمشق والحرفيين...معرفش حاجة عن البيجو
اتحدى اى حد بيقول ع البيجو ضيقه انه يكون قعد فيها
دى أوسع من الصنى القديمه و الالنترا و الكورولا 2013
و عربيه اوربى ب abs و ايرباج و مش اى اوربى دى بيجو و سعرها يبدأ من 108
كلامك بيقول كورولا بصراحة
ولو هختار بين البيجو والمازدا في حدود الـ 150 الف ، لا هاخد المازدا ( كعربية قصاد عربية )، مش عشان البيجو وحشة ، بس المازدا فئة اعلى وفي نفس الوقت يابانى ، المازدا مشكلتها في توكيلها وضعف انتشارها وقطع غيارها المبالغ في سعرها جدااااااااا ، انصحك تراجع اسعار قطع الغيار وتشوف رأي الناس في التوكيل وكدة لان ده عامل مهم جدا في الشراء ..
انما لو عربية لعربية مع انى ما ركبتش المازدا 2013 بس هختارها عن البيجو لان البيجو حتى وهى هايلاين مازالت فئة اقتصادية ، والمازدا فئة متوسطة حتى لو فاضية ، القرار ليك في النهاية ، وانا شايف من كلامك انك محتاج عربية اعتمادية وبس ومش هتمشى بيها كتير اوى وما يهمكش الركوبة ومتعة السواقة والشد والثبات والكلام ده ... ، فلو مكانك هفكر جديا في الكورولا لانها عربية مبسطة ومعروفة في السوق واعتمادية جدا وفي نفس الوقت ماسكة سعر تكسب فيها في اي وقت لما تيجى تبيعها ، عكس المازدا مثلا اللى هتنزل جامد لما تيجى تبيعها خصوصا بعد فترة
كمان المازدا عيوبها في وجهة نظري انها هتبقى ضيقة شوية ومش عائلية اوى ، يعنى حتى الشنطة 430 لتر مقابل 506 في البيجو وقاعدة عجلات اقصر من البيجو مع ان الطول الكلى اطول ، بردو موتورها مش الجامد ، يعنى تقريبا 105 حصان و عزم 144 نيوتن على بودي مش خفيف ، مقابل 115 في البيجو وعزم 150 نيوتن ، ولكن فتيس المازدا هيكون افضل في رأيي والثبات بديهيا لصالح المازدا الا لو حد جرب العربيتين وله رأي تانى ، بالنسبة مثلا لاستهلاك البنزين اعتقد والله اعلم ان الكورولا هتبقى افضلهم في النقطة دى ، الخامات الداخلية والفخامة هتبقى المازدا افضلهم
بعد ده كله انا شايف المازدا كعربية ممتازة ولو مفيهاش مشكلة التوكيل وقطع الغيار هفكر فيها جديا وافضلها عن البيجو ، ولكن بالنسبة لى موضوع الانتشار وقطع الغيار بيخلينى شخصيا اشيلها من حساباتى تماما