معايا نوبيرا اوتوماتيك بس هى الفتيس الكهرباء (الاوروبى)
العربية لما بدورها و بتبقى لسه بارده (و خصوصا فى الشتاء او على الاقل لما تبقى راكنه بقالها كتير اوى -يوم كامل مثلا-) و اجيب الاول او المارش العربية بتنطر لقدام جامد و بتبقى فى رجة جامدة .. لكن لو بعد ما دورت فصلت و دورت تانى بتطلع عادى و تمام التمام من غير ناطرة ولا نيلة ؟؟ .. و الحل البديل لموضوع الفصل و التدوير تانى ده انى اسخن العربية 10 دقايق تقريبا!! .. يا ترى ده من ايه؟؟
حاجة تانية .. بحس ان العربية فطسانة كده و صوت الموتور بعلى عشان تسحب.. سألت الميكانيكى قاللى ده العادى بتاع النوبيرا الاوتو
انا كنت حكيت للمشكلة دى عند مركز متخصص فتيسات بس و قاللى ان ده عيب فى الفالف بودى و هنحتاج نحل الفتيس و نغيره و بالمرة ننضف الفلتر (عشان هو عندى جوه الفتيس) و التصليح ممكن يعمله 1000 جنيه و اكتر سنه كمان
فى حين انى لما سألت على سعر الفتيس استيراد لقيته بيعمل 1500 بالتركيب وقد تزيد قليلا لانى بتعامل مع واحد غالى شوية بس باستريح معاه
السؤال بقى هل الافضل انى اصلح و لا الاستيراد و خلاص؟؟... خصوصا ان ميزة التصليح ان الفتيس هيتفتح و ينضف من جوه انما الاستيراد هيفضل زى ماهو بفلتره .. و من ناحيه تانية الاستيراد هيكون اضمن شوية؟؟؟
المفضلات