انا يا جماعه ممكن اساعد اي حد عايز يدهن عربيته وبسعر كويس جداانا بتعامل مع سمكري وبتاع دوكو من زمان لو حد يحب يرش العربيه او يسمكرها الناس دي مهاوده وعايزه تاكل عيش انا من شبرا مصر و تحت امر كل الاعضاء
عرض للطباعة
انا يا جماعه ممكن اساعد اي حد عايز يدهن عربيته وبسعر كويس جداانا بتعامل مع سمكري وبتاع دوكو من زمان لو حد يحب يرش العربيه او يسمكرها الناس دي مهاوده وعايزه تاكل عيش انا من شبرا مصر و تحت امر كل الاعضاء
شكرا لك على عرضك الكريم
شكرا لك ياأخى وجزالك الله خيرا
أنا بقى من طنطا وعندي فرن دوكو سيارات هو أحدث الأفران اللي موجوده وهو فرن أيطالي يستخدم فلاتر جافه وليست فلاتر مياه وعلشان كده بيطلع العربيه زي التوكيل بالضبط وأي خدمه لأعضاء المنتدى اللي يحبوا يشرفوني.
شكرا للأخوه الأستاذ سمير و الأستاذ باهر على عروضهم المتميزه بارك الله فيكما
جزاك الله خير
وممكن تكتبوا العناوين ومتوسط الاسعار يعني مثلا الكابينة ايجارها كام
رش العربية متوسط عربية متوسطة زي الشاهين مصنعية دوكو كام
وهكذا
عشان الاعضاء تكون فكرة
ونقدر بعد كدة نرجعلكم لما نعمل سجل كامل للامكان التي نثق في التعمامل معها
وده عن قريب ان شاء الله
كريم منير
طيب يا شباب انا فكر انى المع العربيه هل تلميع العربية للون العادى غير تلميع اللون الميتالك
وسعر تلميع الميتالك كام واية احسن مكان فى القاهرة او الجيوة للموضوع دة
اجاوب على الاستاذ كريم
أنا الكابينه بتاعتي في طنطا في شارع اسمه ابن الفارض وهو قريب جدا من موقف سوق الجمله(موقف مصر والاسكندريه)
بالنسبه لأيجار الكابينه فهي تختلف من الميتالك للساده الميتالك ب80جنيه والساده ب70 جنيه
بالنسبه بقى لتجهيز العربيه بيعتمد على حاجتين أولا نوع البويه اللي هيتم رشها في انواع غاليه وفي انواع رخيصه وثانيا تعتمد على الصنيعي وشطارته ونضافته وأنا طبعا ككابينه رش مليش دعوه بتجهيز العربيه بس نظرا" لأني بتعامل مع صنايعيه كتير بيجيبوا عربيات تترش عندي بقى عند معرفه بالصنعيي اللي صنعته نضيفه واللي صنعته وحشه والحمد لله تقدر تقؤل أني لما واحد حبيبي يقصدني في رش عربيته بقدر اجيب احسن الاسعار والمصنعيات وان شاء الله اجاملكم في الأفراح موش في الرش. :lol:
يا جماعه الموضوع ملوش اسعار محدده بس مثلا لو العربيه فيها خبطه في الرفرفوهتدق علي البارد هتديله 20 او 30 جنيه
لو الرفرف عايز شويت حموات هيقولك الاكسجين غالى هتزود 20 كمان الكلام ده في الخباطات الصغيره
اما موضوع الدهان بس لو العربيه من الانواع القديمه هتكون اسهل في الفلوس يعني ممكن نرش العربيه كلها في (حدود) 600 جنيه شامل الفرن وكل شئ انا حطيط السعر ده تقريبا ممكن اقل او اكتر بس حاجات بسيطه علي حسب الشغل في العربيه
المهم في الموضوع زي ما قلت قبل كده الصنايعيه دي عايزه تاكل عيش حسب زروفك هيمشيلك العمليه
أقترح على مشرفين الموقع
- مراجعة امكانات (qualification)هذه الورش (أو غيرها)و تصنيفهم
- عمل اتفاقية سعر مميز لأعضاء الموقع
هذا قد يضفى تميز لموقعنا
هذه مجرد فكرة تحتمل الكثير من الاضافات و التطوير
اقتباس:
انا يا جماعه ممكن اساعد اي حد عايز يدهن عربيته وبسعر كويس جداانا بتعامل مع سمكري وبتاع دوكو من زمان لو حد يحب يرش العربيه او يسمكرها الناس دي مهاوده وعايزه تاكل عيش انا من شبرا مصر و تحت امر كل الاعضاء
_________________
سمير
اقتباس:
يا جماعه الموضوع ملوش اسعار محدده بس مثلا لو العربيه فيها خبطه في الرفرفوهتدق علي البارد هتديله 20 او 30 جنيه
لو الرفرف عايز شويت حموات هيقولك الاكسجين غالى هتزود 20 كمان الكلام ده في الخباطات الصغيره
اما موضوع الدهان بس لو العربيه من الانواع القديمه هتكون اسهل في الفلوس يعني ممكن نرش العربيه كلها في (حدود) 600 جنيه شامل الفرن وكل شئ انا حطيط السعر ده تقريبا ممكن اقل او اكتر بس حاجات بسيطه علي حسب الشغل في العربيه
المهم في الموضوع زي ما قلت قبل كده الصنايعيه دي عايزه تاكل عيش حسب زروفك هيمشيلك العمليه
_________________
سمير
ياترى يا استاذ سمير ممكن تساعدنى فى الموضوع ده
انا عايز عناوين على الاقل عشان الواحد يروح يسال
شكرا ليك يا استاذ سمير وان شاء الله اكلمك قريب