المية بتنقص من القربة كل مشوار ومفيش تسريب من الخراطيم ومؤشر الحراره قبل النصف بسنه صغيره ..ولو العربيه بتسخن ليه مش بيبان.. مش عارف هى بتتبخر ولا ايه...ارجو المساعده ..عربيتى لانوس 2004
عرض للطباعة
المية بتنقص من القربة كل مشوار ومفيش تسريب من الخراطيم ومؤشر الحراره قبل النصف بسنه صغيره ..ولو العربيه بتسخن ليه مش بيبان.. مش عارف هى بتتبخر ولا ايه...ارجو المساعده ..عربيتى لانوس 2004
طيب ما تكبس الدورة و تشوف التسريب فين
متابع نفس المشكله ومفيش تسريب
هو المكان اللى أعرفه بيكبس كان مركز الصفا و كانت ب 50 جنيه ... معرفش فيه حد تانى ولا لأ
اغلب الاحتمالات غطا القربة اول حاجة بتيوظ
لو عايز غيرو وجرب يا تروح تعمل كبس للدورة
فيه بنزينات بتعمل الموضوع دا او الميكانيكي او بتاع الردياتير
كنت سائل في بنزينة في جامعة الدول عن غسل دورة التبريد قالي15ج وتبين ازا كان في تسريب او لا بس ساعتها مكنش معايا العربية
صديقي المواطن
قولا واحدا لو مفيهاش تسريب وأنت متأكد حتغيرلي غطا القربة أو غطا الراديتير بحاجة جديدة مش إستيراد ثم تحط مانع ترشيح سائل مع المياه الخضراء من النوع الغالي وبالنسبة لمانع الترشيح عندك آبرو أمريكي ستوب ليك وعندك بارز ليك ستوب ليك وده أفضل ومشكلتك حتنتهي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
غطا القربة او غطا الرادياتير
ممكن قعلا تجرب الإختيار الأسهل غطا القربة و غطا الردياتير لو عندك
شوف الموضوع ده
http://www.nilemotors.net/Nile/380119-a.html
نفس المشكله انا بحط مياه خضرا وكانت الدنيا جميله بس الميه بتنقص كل 3 او 4 ايام وكمان الغريب بلاقى الميه اللى فى القربه فيها صدى لونها بونى مش اخضر و مفيش تسريب عندى هل الصدا اللى بيرجع فى القربيه ده من طرومبة المياه ؟؟
مع احترامى لكلام اغير غطاء القربة واحط استوب ليك لازم تعرف مكان التسريب. لو انت مدور متأكد ان مفيش تسريب حاول بعد ماتاخد مشوار كبير بالعربية اطفى العربيىة وسيبها خمس دقائق فى الغالب هتلاقى مية نازلة. حصلت معايا كانت طبب المية بتجيب مية بعد ما اطفى - القربة كانت مخرومة وما بتجبش المية بردة الا لما اطفى.
* حل تانى نزل مية العربية وحط مية خضرا صفرا اى لون (اردئ نوع) والهدف انك تعرف لو فى تسريب هتلاقى مكان التسريب بلون المية
بسم الله الرحمن الرحيم
انا عندى نفس المشكلة
و مكنش باين ان فى تسريب خالص
و فى الاخر
ربنا هدانى انى كنت بسخن العربية و فاتح الكبوت
و اكتشفت ان التسريب جي من علبة السودة الباغة اللى فى الجنب
و طبعا لما كانت العربية بتسخن كانت المية تنزل و تتبخر فى ساعتها و مكنش بيبان مكان التسريب خالص
لازم تكبس دورة التبريد عشان تعرف التسريب منين... غير كدة هتفضل تغير فى حاجات ملهاش علاقة بالمشكلة الاساسية
MMamdouh
انا هجرب ان شاء الله اكبس الدوره واجرب اشوف التسريب مره تانيه بعد مشوار وبعد التبطيل مباشره ممكن يظهر ولو مفيش اى تسريب هروح اكبس واغير الغطا بتاع القربه ان شاء الله...بس الواحد استفاد معلومات جيده من الموضوع ده
نصيحة تشوف الموضوع ده بسرعة ومتهملش فيه ...انا حصلت معايا المشكلة دى و مكنتش عارف التسريب منين وكانت العربية مبتسخنش ومفيهاش اى حاجة مش طبيعية وفجأة جابت وش سلندر .. واتضح ان المية كانت بتنقص بسبب كده الوش كان متا كل وكان عندى طبة من بتوع الموتور متاكلة وبتجيب ميه وطبعا مع السخونية الميه مبتلحقش تنقط تحت العربية والميه كانت بتنقص كل 4 أ 5 ايام ويتغير لونها بلون الصدا وبعد ماعملت وش السلندر وغيرت الطبة الحمد لله الميه مبقتش تنقص خالص ..
مش عايز أفتي من غير ما أشوف
لكن أظن ان دورة المياه فيها هوا
اذا مكانش فيه هوا في دورة المياه وحضرتك متأكد ان مفيش تسريبات خارجية يبقى حضرتك تكشف عند حد على وش السلندر لأنه ممكن يكون فيه مشكلة في الجوان أو حتى في الوش نفسه (وإن كان ده احتمال مستبعد لكن حصلت معايا قبل كده في 128)
طب ياريت صاحب الموضوع يكتب عمل ايه و الموضوع اتحل ولا لا
لحسن الواحد الفار بيلعب فى دماغه
لسه معملتش حاجه بس هروج اعمل مراجعه على دوره التبريد اول حاجه ان شاء الله