اولا كل سنة وكل الاعضاء طيبين وبخير
انا كنت مامن على العربية مع Aig وخلال السنة اللى فاتت الحمد لله على كل شىء كان فى حدثتين صغيرين اتغير فيهم اكصدام خلفى وفانوس وشوية رش على تصليحات اتكلفت 3300 جم الحمد لله شركة التامين طلعت شركة محترمة بجد وكل شىء تمام وصلحت ودفعت وخدت الشيك بعد خصم نسبة التحمل اللى عليا ( 350 جم فى كل حدثة )
المشكلة دلوقتى لما جيت اجدد لقيتهم مزودين تمن البوليصة هتوصل ل 3200جم (حوالى 4% من تمن العربية 80000 )
وبرضه هيبقى فى تحمل 350 لكل حادثة ( المفروض التحمل كان يبقى 100 بدءا من السنة دى )
طبعا كل ده عشان عملت حادثة وغرمت الشركة
فإيه رايكم اكمل معاهم ولا اسيبهم هل فيه شركة محترمة زيهم
انا سالت فى اليانز قالى هناخد 3.5 % ( 2800 جم ) وبرضه تحمل 300 على كل حادثة

بس هو موضوع الزيادة اللى مضايقنى لانى كنت عامل حسابى ان تمن البوليصة هيقل وكمان التحمل مش هيقل انا دافع السنة اللى فاتت 2700 وكان تمن العربية 88000 جم
ياريت تدونى رايكم