الموضوع: محتاج راييكم فى عربيه هيونداى اكسيل معروضه عليا

المشاركة الأصلية كتبت بواسطة l_Khaled_l

السلام عليكم ورحمه الله وبركاته

اصدقائى اعضاء قسم هيونداى ـ محتاج راييكم فى العربيه دى ضرورى

معروض عليا اكسيل 97 1500كامله ، حالتها كويسه انا شوفتها وان شاء الله بكرا الصبح هنكشف عليها ونخلص فيها ، بس انا اللى ضايقنى ان فيها شرخ بسيط ف المكان اياه بتع الاكسيل ، فايه راييك دا حله ايه وهل كدا العربيه معيوبه ولا لا وخاصه صاحبها بيتكلم ف 36 الف وماسك ف السعر ، وصاحب العربيه بيقول ان الشرخ صغير وهو مرضاش يعمله لانه ميستاهلش والسمكرى قاله مش هيأثر ع العربيه

ومعلش ليا سؤال كمان ، هو العربيه فيها توكيل ـ وانا عايز اشترى بعقد مسجل بس مش همضى مشترى عشان باقى الرخصه ، فهل ينفع عادى ولا لازم امضى مشترى لانه بيبع ليا بتوكيل ؟!

حضرتك لازم تمضى مشترى طالما هتسجل بالشهر العقارى

وكمان واحد صحبى قالى اكتب ف العقد ان تمن العربيه الف جنيه عشان رسوم التوثيق تبقى قليله ، فايه راييكم ف اللى بيقوله ؟!!

غير صحيح لان الرسم بيتحدد عندهم عن طريق مبلغ
محدد للسياره فلو قليت عن المبلغ اللى عندهم بالجدول بيحسب
لك اللى بالجدول عندهم ولو زاد عن اللى فى الجدول بيحسب على حسب
السعر بتاعك

معلش تاعبكم معايا اصل اخوكم لسه جديد ف الحوارات دى :)

افيدونى بسرعه يا اهل الخبره :)
وبالتوفيق ان شاء الله

شكـــراً ليك استــاذ mem

بس هو مفيش حل انى استغل الباقى من رخصه العربيه وخاصه ان باقى فيها سنه ؟؟!!!

وبالنسبه للشرخ ،، ايه نظامه !!

كدة كدة هتاخد السنة حتى لو نقلت بتنضاف ع المدة اللي انت بترخص بيها

شـــكراً لكل اللى ردوا عليا ، بس محدش قالى ايه حل الشرخ اللى فى الركبه دا ؟ وكدا العربيه معيوبه ولا دا شىء عادى ؟ وخاصه ان مفيش عربيه اكسيل شوفتها الا وفيها الشرخ دا :(

الشرخ موجود فى عربيات كتير وده معروف فى الاكسيل بس ده بيبقى اهمال من صاحب العربية بيسيب المساعدين لما تضرب وترزع فى العربية
لو حصل نصيب واخدت العربية روح لسمكرى نضيف يعمله وماتستناش عليه عشان هيزيد مع الوقت وممكن وانت ماشى فجأة تلاقى الكوبلن ملص منك او الموتور لا قدر الله