الموضوع: هااااااااام جدااااا و النصب من الجميع

الموضوع يبدا اني كنت معايا عربيه تويوتا كورولا 2013 ياباني و لما الطرق اتبهدلت و السرقة علي ودنه و انا بسافر كثير جدا علي الصحراوي بالليل قلت ابيعها و اجيب عربيه اسافر بيها و اتحرك بالعربيه الثانيه الكروز في الاسكندرية .

المهم جبت عربية اوبترا دواخلها و خوارجها فابريكة بس العفشه بتطلع صوت و العربية بتحدف شمال .

المهم روحت عند ميكانيكي معرفة واحد صاحبي و سيبتله العربية علشان مشغول و كلمني بالتليفون الاقيه بيقولي العربية عايزا عافشه جدبده كامله .

طبعا انا قلتله اشتري و ده راح مغيير كل حاجه في العفشة صحيح هوا جابها جي ام اصلي من عند اطلس بس انا لما روحت استلم العربيه و هوا مكانش موجود لقيت ان ثلاث ارباع الحاجات اللي متغيرة مش ضرورية المهم اخدت كل حاجه و العربية اتكلفت 6000 جنيه و ده طبعا اللي يعمل حاجه في عربيته و هوا مش موجود يستاهل قطع رقبته المهم بوظولي التكييف علشان نزلوا الموتور علشان يركبوا اويل سيل الكرنك الامامي و الخلفي .

المهم خلصنا من الموتور و العفشه .

لقيت الزجاج الامامي يمين بايظ قلت اروح اصلحه و انا عند الميكانيكي جابلي واحد من اللي هما خبره قعد يبص علي الزجاج و هبا قالي مكنه و دي ب 80 جنيه و تركيبها ب 20 جنيه من عند واحد اسمه المرشدي في صلاح الدين طبعا الميكانيكي قالك بقا ده راجل طيب قالي اديله العربية يعملهالك و طبعا كله مجاملات مبينهم علي ......... انا .

انا خلعن و روحت يوم جمعه صلاح الدين لقيت المكن المستعمل كله زباله و مش بيشتغل ( جربت واحده طلعت بايظا ) .

و كله يقولي مفيش منها جديده

بالصدفة لفيت كويس لقيتها جديده ب 230 جنيه جي ام اصلي كوري و ركبتها لقيتها فابريكه

و كمان الزرار اللي جنبي في كرسي السواق مش كان شغال فكيت الزراير كلها و نظفتها اشتغل بعد ما كانوا هيقولولي كونترول ب 300 جنيه ولا حاجه ..

كل الشغل بقا نصب في نصب و قبل ما حد يعمل حاجه يسال وانا خبير في الشيفورليه عموما و عارف قطع الغيار منين و بكام و مين اللي يصلح كويس

والله يا باشا الميكانيكيه ... ولاد @@@@@ . . . . انت الميكانيكي اللي روحت عنده دا فين في اسكندريه ؟

في سموحه

المشاركة الأصلية كتبت بواسطة eng . Megoo

في سموحه

يا باشا مهو سموحه لازم يعمل كدا :[

شوف

انا اى حاجه بتتعمل فى عربيتى لازم احط منخبرى فيها وماسلمش دقنى لحد ابدا تصدق حتى لو كان الشغل فى التوكيل