انهيار عقار في فيصل ، اللهم سلم سلم

**amr011111** · 09-12-2013 08:00 AM

المشاركة الأصلية كتبت بواسطة ahmed_adham

جهل وعشوائيه كالعاده يعني. حفر بدون ترخيص أو اشراف مهندسين بما ان كل مقاول أنفار في البلد بقى يتصرف على انه مهندس.

الله ينور عليك لانك تلاقى المقاول جاهل ومش بيعرف الالف من كوز الدره (إلا من رحم ربى) ويقولك انه بيفهم احسن من المهندس وكأن المهندس كان قاعد خمس سنين فى الكليه بيلعب صلح

**sas5** · 09-12-2013 08:31 AM

السلام عليكم ورحمه الله
حى الهرم وباقى اداره الاحياء التى فى منطقه الملك فيصل من اسوء ادارات الاحياء كلها رشاوى وفساد.
تخيلوا شارع عرضه 8 متر وتطلع فيه عماره 12 دور غباء
وكذلك الاخوه المقاولين الصعايده اللى مبيفهموش فى الهندسه اصبحوا مقاولين كل واحد كان عنده كام قيراط باعهم ويجمعوا بعض مثلا اربعه اشخاص وينشئوا اول عماره بالفهلوه
وفى العماره الثانيه عدد الصعايد الملاك ينقص الى ثلاثه وفى العماره التى تليها يصبحوا اثنين وفى العماره التى تليها يصبح المالك واحد فقط لان المكسب من العقارات 100% هذا الموضوع حدث امامى.
والناس التى تشترى هى التى تشجع الفساد.
يعنى غباء المشترى لما يكون شارع 8 متر والعماره على شقتين اوثلاثه فى الدور والعماره 12 دور يعنى تقريبا 36 شقه العمارات ملاصقه لبعض ومفيش مناور صحيه والبيه مالك العماره باع الجراج كمحلات.
اين سوف يركنوا سياراتهم نقول مثلا 10 سيارات . وضغط على المياه والكهرباء والصرف الصحى لانه مش معمول حسابهم

**amr011111** · 09-12-2013 08:35 AM

المشاركة الأصلية كتبت بواسطة sas5

السلام عليكم ورحمه الله
حى الهرم وباقى اداره الاحياء التى فى منطقه الملك فيصل من اسوء ادارات الاحياء كلها رشاوى وفساد.
تخيلوا شارع عرضه 8 متر وتطلع فيه عماره 12 دور غباء
وكذلك الاخوه المقاولين الصعايده اللى مبيفهموش فى الهندسه اصبحوا مقاولين كل واحد كان عنده كام قيراط باعهم ويجمعوا بعض مثلا اربعه اشخاص وينشئوا اول عماره بالفهلوه
وفى العماره الثانيه عدد الصعايد الملاك ينقص الى ثلاثه وفى العماره التى تليها يصبحوا اثنين وفى العماره التى تليها يصبح المالك واحد فقط لان المكسب من العقارات 100% هذا الموضوع حدث امامى.
والناس التى تشترى هى التى تشجع الفساد.
يعنى غباء المشترى لما يكون شارع 8 متر والعماره على شقتين اوثلاثه فى الدور والعماره 12 دور يعنى تقريبا 36 شقه العمارات ملاصقه لبعض ومفيش مناور صحيه والبيه مالك العماره باع الجراج كمحلات.
اين سوف يركنوا سياراتهم نقول مثلا 10 سيارات . وضغط على المياه والكهرباء والصرف الصحى لانه مش معمول حسابهم

للاسف البلد مش هتتغير يعنى مفيش مره محافظ مخه شغال يعدى على العمارات ديه
ده الشارع بيبقى عرضه 4 متر وكله ابراج 12 دور والشمس مش بتدخل الشارع اصلا
دلوقتى فى موضه فى المهندسين وهى هدم الفيلات ذات الثلاثه ادوار وبناء ابراج 12 دور
المشكله ان شبكة الصرف الصحى والمياه والكهرباء غير مؤهله لهذه الادوار الزياده وبالتالى فين وفين لما يغيروا الشبكات ديه وفى الاخر يغيروها على حساب ضرائب المواطن البسيط بقى ساعتها المواطن البسيط هوه اللى بيدفع ثمن جشع تاجرى العقارات

**A.Saad** · 09-12-2013 11:35 AM

العمارة المنهارة عمارة المنير
العمارة ملكه ومش مسكن حد
الضائع اللى فيها طعا اتدمرت
4 عمارات تانية اتصدعت وممكن تتهد
واحتمال عمارات تانية كمان
السبب صاح ارض حفر دون خوازيق وسحب المياة من الارض حوالى اسبوع

**No Comment** · 09-12-2013 11:50 AM

لا حول ولا قوة إلا بالله
ما دام البلد دى ما بيعترفشى فيها لا بقوانين ولا حتى أعراف أو أصول
يبقى المتضررون المفروض يجيبوا صاحب العقار اللى كان بيحفر ده وينفخوه ... علشان يبقى عبره لامثاله من الاغبياء الجشعيين

**mk3** · 09-12-2013 02:37 PM

المشاركة الأصلية كتبت بواسطة ahmedteam

انا ساكن جنب المنير اللى عمارته وقعت

القصه باختصار ان كان جنبه فيلا قديمه و جه حد هدها و بيحفر علشان يطلع برج و دى موضه اليومين دول

ف الحفر اثر على اساسات العماره و انهارت

ربنا يعوض عليه و ينتقم من الظالم

المفروض يمسك اللى عمل كده ينفخه

سحب الماء اللى وقع العماره