الغسيل الكيميائي رجع عربيتك جديده في البيت

**Eng . megoo** · 08-12-2013 11:56 PM

طبعا كلنا عايزين ننظف العربية بس مش عارفين انا بقا هشرحلكم طريقة حلوة قوي و رخيصه

انا اشتريت عربية اوبترا فابريكة بس كانت متوسخة جدا جدا من جوه و روحت لقيت التنظيف الكيميائي من 200 الي 300 جنيه . فعملت التالي

1- اشتري زجاجتين مادة اسمها max clean بنفس الرائحة من اي on the run او مصر الامارات و واحد ملمع اسمه flash dash و مهم جدااااااااا الانواع دي انا جربت في عربياتي كل الانواع لقيت كله مضروب و الي مش يعرف يوصلهم يكلمني اقوله منين في 235435443 مكان عنده
2- جبت جركن من بتاع الصابون فاضي و قطعته من فوق شويه و جبت زجاجة صابون سائل اي نوع رغوة كويسه .

الاول تحط شوية صابون مش كثير و تفتح عليهم الميه لحد ما يعملوا رغوه كثير قوي خد الرغوة دي بحته سفنج و اسمح بيها دواخل البيبان كويس قوي و لو الدواخل تستحمل ليفة بلاستيك استعملها ( دواخل بلاستيك مش جلد و علي الجلد استعمل الاسفنج بس لان الليفة تخربشه )

3 -و بنفس الاسفنجه الناعمه ادعك التابلوه و كل حته تابعه له

4- فوطة و خد من الرغوه دي و( بعد تجديد الميه ) و ادعك الكراسي كويس و بنفس الفوطة ادعك السقف و الارضيه ( بعد كنسها بالمكنسه الكهرباء طبعا )

5 - بعد ما تحس ان العربية شبه نظيفة رش ال max clean علي التابلوه و هتلاقيه هيعمل رغوه سيبها دقيقة و امسحها بالفوطة مع الدعك الخفيف.

و خد دواخل البيبان و بقع السقف و بقع الكراسي بال max clean و امسحهم بفوطة مبلوله طرية فقط .

6- رش الflash dash علي التابلوه و اي جلد في الدواخل او فيبر و ادعيلي.

اوعه ترش ال flash dash علي اي موكيت

سلام

**mastr_n** · 09-12-2013 12:06 AM

واللة انت برنس
تسلم أيدك وان شاء اللة هاعملها فى الجراج بنفسى
ممكن الأسعار؟

**Dr/ P.K.Sh** · 09-12-2013 12:21 AM

شكرا يا باشا

**adelghanem** · 09-12-2013 12:33 AM

مشكور على المعلومات القيمه
وبرضه الاسعار اخبارها ايه

**shaaban2008** · 09-12-2013 02:13 AM

تسلم يابااشا علي الافادة
والاسعار ايه

**محمود السيد** · 09-12-2013 08:56 AM

اين الاسعار

**akmm** · 09-12-2013 09:21 AM

شكرا لنقل التجربه .............. ولكن ده ملوش تاثير سلبى على السياره .

**Eng . megoo** · 09-12-2013 01:56 PM

ال 2 علبه max clean ب 70 جنيه و ال flash dash ب 35

مفيش اي تاثير علي العربيه بالعكس العربيه هترجع جديده انا مش عايز اقولكم ان لما نظفت السقف و الله نصفه رجع رمادي فابريكه و النصف اللي مش اتنظف كان بني