تسلم يا باشا و ياريت تسأل علي الاسعار بتاعت الاوبشن و انت بتستلم (y) :beat5:
عرض للطباعة
السلام عليكم و رحمة الله
الحمد لله رب العالمين استلمت العربية من ابو رواش ....انا معايا الفئة الاولى اوتوماتيك لون سماوي فرش بيج
سألتلك على الفوجات طلعت ب 700 جنيه و الباركنج سنسور عليه عرض و دلوقتى ب 400 جنيه و فى الغالب بيترش نفس لون العربية و مالوش مكان فى الاكصدام و بيفتحولوا.
العربية بشكل عام رائعة سحبها كويس مقارنة بموتور 1300 سي سي و 85 حصان اعتقد ان العزم الاقصى عالى نسبيا 121 و ده اللى مساعد -مع العلم انى معدتش 3 ار بى م و سرعة لا تتعدى 100 كم / ساعة
التسارع فى الاول حاسس انه مش سريع - بتبان و انا باخد مطب و طالع منه بس بعدها على طول تسارع ممتاز - مقارنة بموتور 1300
الفتيس الاوتوماتيك رائع و ناعم جدا متحسش بالنقلات خالص
صوت الموتور مش عالى بسيط جدا اعتقد هيقل مع الوقت
العربية عالية ...جربتها فى معظم مطبات حلوان و كان معايا راكب واحد و محكتش
ده تقرير مبدئي و ان شاء الله اوافيكم بتقرير مفصل مع الصيانة
سؤال للناس الخبرة و انا باستلم قالولى فى صيانة 1000 كم بس مفهاش تغيير زيت و قالوا ان تغيير الزيت بعد 5000 كم .....اللى انا اعرفه ان الزيت بيتغير بعد ال 1000 علشان بيبقى معاه رايش من اجزاء الموتور
لو حد عنده استفسار هاحاول ارد عليه و متشكرين يا رجالة
مبروك يا باشا
انا لسه جاى من توكيل الرزق عندنا في الإسكندريه إمبارح كنت عاوز أعمل صيانة الأف
بس هما قالولي مفيش صيانه للألف كيلو و هتجيلنا على الـ 5000 نغيرلك زيت
و هما ربطو العفشه و كشفو على العربيه
و ظبطولي رجلاش فرامل اليد
و مدفعتش حاجه هما بس 10 جـ بقشيش للواد اللى غسلي العربيه علشان كان متنع و بيحك في أي فلوس و انا مكانش معايا غيرها
بس خلاص
مبارك عليك يا باشا ربنا يديلك خيرها ويكفيك شرها
الف مبروك
انا بسحب كلامي
العربيه مش زي الفل
http://www.nilemotors.net/Nile/399158-2014.html
مبدئياً العربيه وصلت معايا لغاية دلوقتي ل 1350 كم
العربيه شكلاً كويسه و مفيهاش مشاكل
أما العيوب
الفتيس بيجي في المارشدير و بيعلق و انا لما رحت التوكيل و بلغت قالولي إنه مفيش مشكله و أنا صدقت و مشيت و لكني حتى الأن يوجد مشكله في العربيه عند تعشيق الغيار - المارشدير - أحياناً مبيعشقش كويس و تسمح صوت التروس و لما يجي يعشق كويس بيعمل صوت عالي عند التعشيق
أدي مشكلة الفتيس
نيجي بقى لمشكلتي الأساسيه و هي السحب في العربيه
في الأول قولت يمكن علشان العربيه جديده و الواحد لسه ماخدش عليها بطبطل مني و لكن العربيه معايا دلوقتي بقالها أكتر من شهر و فيها نفس المشكله
* بدايه شعوري بيها في عندنا في الإسكندريه شارع العسوي بميامي فيه طلعايه أكيد كل الإسكندرانيه عارفينها هي طلعايه غبيه شويه كنت علطول بطلعها بعربيتي السابقه - شيفروليه أفيو - و بتاخد الطلعايه زي الفل حتى لو الشارع زحمة و السكه وقفت و انت في نص الطلعايه
لكن مع التيوتا اليارس العربيه بتطبطل مني مره أو مرتين في الطلعايه دي
* لما أكون واقف في إشاره و الإشاره تفتح و أجي أطلع بالعربيه مره واحده - ده العادي و كنت بعملها بعربيتي القديمه - العربيه برضو بتبطل مني
* لما يكون فيه حفره في الشارع و تيجي تطلع منها بتحتاج العزم بتاع العربيه برضو العربيه بتطبل مني
بعد ده كله قولت يمكن العيب فيا يمكن أنا مبعرفش اسوق أديت العربيه لزوج أختى ساقها قالي هي العربيه حلوه و كل حاجه بس العزم بتاعها ضعيف
و انا حبيت اشارك معاكو الموضوع ده لاني بصراحه إبتديت أندم على شرائي العربيه دي
و بنصح أي حد أنه لازم يراجع نفسه عند شراء تويوتا يارس
يا باشا انا رديت على الموضوع بتاعك انا معنديش المشكلة دى اكيد فى عندك عيب صناعة فى حاجة