سوال بقانون لو حد بصم واحد على عقد بيع وشراء غصب عنة يعتبر عقد صحيح !!

**الفجر** · 09-12-2013 01:36 AM

للاهمية سوال فى القانون لان صديق لى ابوة عندة املاك وفلوس فى البنوك وابوة حاليا محجوز فى المستشفى فى حالة غيبوبة ولية معارف كتير وزيارات داخلة خارجة على ابوة فى المستشفى

والسوال غريب معلش ....واحد بيفهم فى القانون اخبرة حاجة غريبة جدا ان ممكن حد من معارف الاب يستغفل الابن خصوصا انة الابن مش موجود بطبع 24 ساعة بجانب الوالد وممكن يبصمة على عقد بتاريخ قديم وابوة فى حالة غيبوبة ومرض لا امل فية وساعتها يعتبر العقد سارى

فهل فعلا الموضوع دة حقيقى!!!!!!!!! انا استغربت جدا من الكلام اللى سمعتة دة فهل فعلا حقيقى ؟؟

**DODGE2013** · 09-12-2013 04:25 AM

طالما في غيبوبه (ولو حصل وحد عملها حيتم تقديم ورقه طبيه انه كان في غيبوبه وحد استغل الموضوع )

وكمان طالما هو بيمضي وليه امضى معترف بيها فامتقلقش محدش يقدر يضره

والي يفكر في حاجه زي ديه والراجل تعبان وفي غيبوبه اقل حاجه ممكن تقال ليه

ربنا يجحمه في نار جهنم

**الفجر** · 09-12-2013 08:12 AM

المشاركة الأصلية كتبت بواسطة dodge2013

طالما في غيبوبه (ولو حصل وحد عملها حيتم تقديم ورقه طبيه انه كان في غيبوبه وحد استغل الموضوع )

وكمان طالما هو بيمضي وليه امضى معترف بيها فامتقلقش محدش يقدر يضره

والي يفكر في حاجه زي ديه والراجل تعبان وفي غيبوبه اقل حاجه ممكن تقال ليه

ربنا يجحمه في نار جهنم

بالبطبع النقطة دى ما فاتتتنش

وانا كاتب انة بصمة على عقد بتاريخ قديم من فترة كبيرة مثلا بيع وشراء

عشان ما يقدرش يثبت ان المريض كان فى غيبوبة وقت امضاء العقد فهتمنى

وارجو ان من سيجيب بعدك على الاجابة ياخد فى اعتبارة عقد بتاريخ قديم قبل تاريخ دخولة المستشفى

**lidosasa** · 09-12-2013 11:54 AM

طبعاً ممكن يحصل ويعمل العقد بتاريخ قديم ومش حيعمل حاجة بالعقد غير بعد وفاة الوالد ( ربنا يشفيه ويديله طولة العمر )
المهم هل الوالد بيعرف القراءة والكتابة وبيمضى على العقود ولا بيبصم وهل ليه توقيعات سابقة على عقود
أهم ما فى الموضوع إن الأبن يحاول يجيب شهادة معتمدة من المستشفى بالفترة اللى قضاها الوالد فى المستشفى فى حالة غيبوبة لأنها حتفيده جداً فى المستقبل

**ramymechanics** · 09-12-2013 01:24 PM

ماهو اللى هيعمل كدة يبقى سورى يعنى فاللفظ "عبيط" والمفروض القاضى يسجنه بتهمة غباؤه .. هو فى دكتور جامعى هيبصم على عقد ؟؟؟

**DODGE2013** · 09-12-2013 02:05 PM

المشاركة الأصلية كتبت بواسطة ramymechanics

ماهو اللى هيعمل كدة يبقى سورى يعنى فاللفظ "عبيط" والمفروض القاضى يسجنه بتهمة غباؤه .. هو فى دكتور جامعى هيبصم على عقد ؟؟؟

ههههههههههههههههههههههههه هه ده الي انا بحاول اوصله

**Ahmed_Adham** · 09-12-2013 02:16 PM

بعض الناس في السن ده ممكن متقدرش تمضي لعدم ثبات اليد وبالتالي تصبح البصمه توقيعهم. أظن والله أعلم الفيصل في الحاجات دي بيبقى الشهود على العقد أولا والمعمل الجنائي في تحديد عمر الورقه والتوقيع ثانيا. والله أعلم...