لا هي لمبه بتنور لما العربيه لا قدر الله تسخن
عرض للطباعة
الموضوع مش كبير يعني. يا ريت بلاش الناس تدايق نفسها من العربيات بدون داعي. كل عربية لازم تلاقي فيا حاجات عاجباك و حاجات مش علي هواك. مش معقول المصنع هيعمل عربية تعجب كل الناس 100%. علي فكرة فيه ناس مش يتحب مؤشر الحرارة عشان الفوبيا من متابعتة و تفضل حاطه عينيها عليه.
بالمناسبة ال e90 bmw ما فيهاش مؤشر حرارة بردو لمبة بس.
الغريب ان اللمبه لو ملهاش اهميه مكانوش حاطوها فى الهاى لاين
يبقى كده هما بيوفروا فى حاجه خايبه
هي طبعاً وجهات نظر بس أنا شايف أن مؤشر الحراره شئ ضروري بالنسبه ليا
اللي غايظني ان كان عاجبني الريو وملقتش فيها مؤشر الحراره برضوا
الصراحه اللمبه دى عيب كبير فى العربيه ... ضاقت فى وشهم يعنى معرفوش يعملو امبير حراره .
الموضوع دا أتفتح أكتر من مرة,, وكل مرة نفس السؤال, ونفس الخوف والقلق,,
ونفس الأجوبة تقريباً.
أنا مكنتش رديت رد كافي في المواضيع القديمة عشان مكنش فيه وقت أكتب برد,
فهرد في الموضوع دا يمكن أجابتي تريح قلوب الناس القلقانة, :tumb:
بالنسبة للمبة يا جماعة دا مش عيب ولا أستخسار مثلاً من شركة بيجو ولا أي شركة تانية,,
فيه شركات كتير زي ما أستاذ mhkorayem وضح بقت تنزل عربياتها من غير مؤشر حرارة,
مش معني كدا إنهم كمان بيستخسرو,
وكنت عايز أقولك زود علي اللستة دي الهيونداي الأكسنت اللي هيا الشكل القديم اللي قبل ال RB
مفهاش عداد حرارة,, فيها لمبة بس. http://www.nilemotors.net/Nile/image...0of%20m-s5.gif
سبب عدم وجود المؤشر في معظم العربيات الأقتصادية الجديدة بسيط جداً,
وهوا إن المؤشر ممكن يفضل بال 5 و ال 6 سنين في كل العربيات الجديدة ثابت في النص لا بيزيد ولا بيقل.!!
طيب أيه لازمته بقي ؟؟
البنزين أه ضروري لازم يكون فيه مؤشر,
وعداد لفات الموتور,, وعداد السرعة لأنهم متغيرين طول الوقت طول مانت ماشي,,
مؤشر البنزين بيقل والتاني متغير بيزيد ويقل,,
أما الحرارة دايماً ثابت,,http://www.nilemotors.net/Nile/image...0of%20m-s5.gif
كمان فيه نقطتين تانين مهمين.,
(1) إن فيه ناس كتير وأغلبهم الكبار في السن أو اللي بيسوق وخلاص مش بياخد باله من مؤشر الحرارة,
(2) في ناس تانية ممكن مؤشر الحرارة يزيد قدامها وتكون الحرارة عالية فعلاً,,
بس يخلطو ما بينه وما بين مؤشر البنزين.!! http://www.nilemotors.net/Nile/image...ajd%284%29.gif
لأن الأتينن بيكونو في الغالب جنب بعض,,
لكن فكرة اللمبة عملية أكتر,, موفرة أكتر,,
وهتبقي أوضح للي سايق أكتر من المؤشر لأنها هتنور أحمر قدامه في الطابلوة,, وأي حاجة بتنور أحمر في الطابلوة معناه إن فيه مشكلة في العريبة وساعتها هتفكر تقف عشان تشوف فيه أيه,,
لمبة الحرارة بقي اللي كتر الكلام عنها شكلها مألوف ومش غريب,,
عشان فيه ناس كتير أستغربت قصتها دا شكلها في الطابلوة للي عايز يشوفها,
موجود تحت مؤشر ال RPM علي طول فوق لمبة الفوجات وجنب لمبة البطارية,, يعني مكان واضح وهتبان. :tumb:
http://imageshack.us/a/img513/3602/ee8r.png
واللمبة بتعمل Check وبتنور كل ما بتدور عربيتك عشان تتأكد أنها شغالة ومش عطلانة مثلاً,
ومجرد أنها بتفصل أول ما بتدور تبقي العربية حرارتها مظبوطة. :tumb:
أما لو حصل مشكلة في الحرارة أو دورة التبريد عموماً,
فا اللمبة هتنور لك وهيبقي لونها أحمر عشان تحذرك,
http://imageshack.us/a/img600/5787/5cr1.png
وهتنور معاها كمان لمبة STOP عشان تعرفك إنك لازم تقف.
http://imageshack.us/a/img268/146/21m4.png
أخر ملحوظة أحب أضيفها,, إن معظم مواتير البيجو لو درجة حراراته دخلت في المنطقة الحمراء بالنسبة لدرجة الحرارة بيفصل لوحدة,
فا اللي قلقان من موضوع اللمبة أتمني الرد دا يكون طمنه شوية,, :tumb:
أختلف معاك يا أحمد
المعروف في قواعد التشغيل هو وجود continuous monitoring أو مراقبة مستمرة للمتغيرات الهامة
و مينفعش أتعامل مع المستخدم على إنه مش هياخد باله لأن على هذا الأساس المفروض ألغي الcheck اللي مع الدوارة لأنه بيبقى لحظات و المستخدم مش هياخد باله
لازم قراءة الحرارة تكون موجودة باستمرار
لو المستخدم خد باله أن العربية بدأت تسخن عن المعتاد يحاول يحل المشكلة قبل متتطور (proactive intervention)
و لو مخادش باله يبقى أساليب الحماية الأعلى اللي أنت أشرت ليها هتقوم بدورها
يبقى بإلغاء العداد ده أنا شلت barrier من منظومة الحماية
أنا معاك إن الموضوع مش عيب قاتل و عادي ممكن تتعايش من غيره....بس وجوده أفضل
تقبل تحياتي