يا جماعة انا تعبت العربية دى و الله كرهتنى فى العربيات العربية بتبطل اول الدوارة و لما بتكون سخنة بردو بتبطل يعنى و انا ماشى اجى ادوس فرامل عشان اقف الى الموتور بيرجرج و تبطل او يرجرج و مش تبطل و ال rbm كل شوية يعلى و يوطى افيدونى من فضلكم العربية بولو 98
اشك فى البوجيهات ... والله اعلم بردوا
اكشف علي البوبينة
اكشف علي الاسبراتير
اكشف عليها كومبيوتر لأني شاكك في حساس البوابة
بغض النظر عن نوع اللعربيه .
مشكلتك تتلخص في حاجتنين .
1- بوابه الهواء بالحاساسات .
2- البيجوهات او سلك البيجوهات .
وغالبا البوابه . . . . علشان لو البيجوهات او سلك البيجوهات فيه مشكله هتبقي مخنوقه منك علي طول ومش متظبطه
انما ال rpm بيعلي ويوطي دا يبقي البوابه بتهيس
جرب نضف البوابة
غالبا حساس البوابة
كان عندي نفس القصة بالضبط الاسبوع الماضي و اتحلت و السبب كان البوابة كانت قذرة بمعني الكلمة و متوسخة بشدة
الحل هيكون ان
1- تفك كابل البطارية السالب عشان تفصل كهرباء العربية و كمان تعمل ريسيت للكنترول
2- تفك البوابة تغسلها جيدا من فوق و من تحت بمنظف جاف و لو مش عايز تفكها نضفها و هي راكبة قدر المستطاع
3- ركب البوابة و سالب البطارية و دور العربية
محتمل تلاقي الار بي ام عالي عن الطبيعي و خلال فترة معينه و مش بينزل للسلانسيه العادي .... و ده طبيعي لفترة لحد ما كنترول العربية يضبط علي الوضع الجديد للبوابة هتلاقي كل شيء رجع لطبيعته تماما و العربية مضبوطة و مش بتبطل
و لو عملت السابق و برضه بتبطل يبقي كده البوابة مش بتفتح نهائيا و محتاجه تتغير ضروري
والله اعلم
هى مش بوجيهات لأنى مغيرها بس ممكن يكون السلك مش متاكد
كشفت عليها مفيش حاجة و غيرت وش الأسبراتير لانو كان بيهرب و بوجيهات مغيرها معادا السلك بتعها و غالبا شاكك فيةاقتباس:
المشاركة الأصلية كتبت بواسطة syd
و انا عند الميكانيكى غيرت البوابة بى و احدة تانية عشان نشوف المشكلة فى البوابة و لا لأ متلعطش بوابة بس هى مخنوقة منى فى السحب و بوجيهات مغيرها معادا السلكاقتباس:
المشاركة الأصلية كتبت بواسطة hosam_fouad
انا نضفتها اكتر من مرة بتتعدل بعدها كام يوم و ترجع المشكلة تانىاقتباس:
المشاركة الأصلية كتبت بواسطة amr_azab
انا عملت الى حضرتك قولت علية دة اصلا قبل كدة موضوع البطارية و تنضيف البوابة بتتعدل كام يوم و بترجع تانى بس البوابة مش فيها حاجة لاانى ركبت و احدة تانية عند الميكنيكى عشان نشوف العيب منها و لا لأ لما ركبنا التانية فضل نفس العيب فيها انا تعبت بجداقتباس:
المشاركة الأصلية كتبت بواسطة ehab_mansour
جرب طيب شوف طرمبة البنزين - ياريت لو تقيس الضغط بتاعها كمان لان ممكن يكون منها برده
وشوف الخرطوم اللي واصل بين الرداخ والرشاشات
لو الخرطوم وكليبساته تمام والطرمبة كويسة
يبقي علي ما أعتقد ممكن يكون العيب من كارتة الكمبيوتر بتاعة العربية ومحتاجة تتغير بواحدة تانية
تقريبا ممكن العيب دا يكون مرتبط بالفرامل عشان الفرامل معتمدة على الموتور ففي صمام لما بيبوظ بيأثر على لفات الموتور و يخلي ال rbm يعلى او يوطى لما تدوس على الفرامل و الله أعلم
السلام عليكم
ضيف للبنزين علبة تنظيف الرشاشات الامريكي علي تفويلة
ورد عليا ,,,,, تحياتي
شوف السيرفو
انا كانت بترجرج منى لما ادوس فرامل وتبقى عاوزه تبطل طلعت كاوتشه سيرفو داااايبه
و طبعا اما بتيجي تدور تاني بتغيب في الدوارة..
حساس كرنك ان شاء الله
موجود ب 250 جنيه في السوق بوش صيني كويس
بلاااااااااااااش الاستيراد
هيطلع مضروب وش...