حبيبي في الله , أنا عارف إن حضرتك لا تقصد , أنا أمازحك فقط
أحبك الله الذي أحببتني فيه
أ / هلال , جزاك الله خيرا وبارك الله فيك وزودك التقوى
عرض للطباعة
وجزاك أيضا شيخنا الجليل
والحمد لله الذي شرفنا بك وبعلمك ونسألك الدعاء
صديقي المواطن
مع إحترامي الشديد لكل ردود اﻷخوة اﻷعضاء والقيادات والمقاتلين ورفيق الكفاح الشيخ خالد ولكن كلكم تركتم أصل الموضوع وتمسكتم بفروعه مثلكم كمثل الذي يضع سكرا في كباية الشاي وجاب المعلقة ولكنه بيقلب جنب الكباية
أما أصل الموضوع فصاحب الموضوع واصل ليه معلومات خاطئة وفضح نفسه بلا مبرر وعمال يحرق بنزين عالفاضي ﻷنه أساسا يبدو أنه قد واصل ليه خطأ أن أخذ قرض من البنك ده من المواضيع البسيطة صديقي المواطن 1 من أصل 100 ممن يقدمون على قروض يتم الموافقة عليه و ال 99 اﻵخرين يتم رفضهم إنت في اﻷول تقدم عالقرض ولما تحصل معجزة ويتم الموافقة وغالبا مش حيحصل تيجي هنا تطلب الفتوى بحلال ولا حرام وربا ومش ربا ثم تقرر أما حضرتك محسسني إن متدوب البنك واقف يتحايل عليك عشان يديك فلوس وإنت لسه بتفكر وطلبت منه مهله عشان تفكر
وطبعا أنا مش مطلع على ظروف حياتك الشخصية ﻷفتي بأن وضعك ينطبق عليه الضرورات تبيح المحظورات ﻷن لها شروط محددة وهي ليست قاعدة عامة والقرض بيكون سهل لموظفي الحكومة فقط وموظفي القطاع الخاص بياخدوا قروض سيارات فقط وليس قروض نقدية فمش عايز أسدها بوشك ولكن صدقني دخلتك الجنة بشوية أعمال صالحة مع رحمة من الله أسهل من إنك تاخد قرض من بنك مصري لو بره أقلك تاخد بسرعة وطبعا كلامي عن تجارب واللي بيكلمك دلواتي عنده تعاملات في 5 بنوك طبعا كلها فاضية ورافع قضايا في المحاكم ضد بنكين فأنا عارف أنا بقلك إيه ونسأل الله أن يوسع رزقك
وأنا خامس المتطوعين بال 100 جنيه ولو وقف الموضوع بتاعك إننا نشيل وندفع عن 30 أو 50 عضو فمش حنقصر ومش حنسيبك تبات في الشارع قولا واحدا
ولكن إحنه الشعب المصري كلنا في الكلام شطار وما دام محدش دافع من جيبه حاجة فحتلاقي معظم كلام الناس حيكون كلام كتير كفته مفيش ﻷنه محدش دافع مت جيبه حاجة ومحدش غرمان حاجة وفي اﻵخر سيبك من كل الكلام ما حك جلدك مثل ظفرك ومحدش حيشهر بالجرح غير صاحبه
طبعا كلامي مش المقصود بيه زملائنا اﻷفاضل أعلاه دول ناس كمل وقمة اﻷخلاق مجرد دخولهم لموضوعك يدل على أن جواهم بذرة خير وصلاح وحابين يساعدوك وينصحوك حسبة لله تعالى وجزاهم الله عنا وعنهم وعن المسلمين خيرا
ملحوظة على جنب
لم يعجبني ردك بأنك مسلم طبعا بأنك إتكيت عليها كأن غير المسلم أقل منك فإن صح ذلك فلا يجب المجاهرة به وجرح مشاعر اﻵخرين وحط نفسك مكانهم ويجب أن يكون معيار التعامل في الحياة هي اﻹنسانية وليست الديانة فأتا أحترمك ﻷنك إنسان وليس ﻹنك مسلم أو مسيحي أو يهودي أو كافر يا ريت تاخد بالك شوية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
بعد كلام الاخوة الاعضاء
بختصار
شقة ايجار
+
ادخار ( شد الحزام )
السلام عليكم ورحمة الله وبركاته ...
اخى الكريم ربنا يفك كربك ...
عن أبي هريرة رضي الله عنه عن النبي (صلى الله عليه وسلم) قال: من نفّس عن مؤمن كربةً من كرب الدنيا نفّس الله عنه كربةً من كرب يوم القيامة، ومن يسّر على معسر يسّر الله عليه في الدنيا والآخرة، ومن ستر مسلماً ستره الله في الدنيا والآخرة، والله في عون العبد ما كان العبد في عون أخيه، ومن سلك طريقاً يلتمس فيه علماً سهّل الله له به طريقاً إلى الجنة، وما اجتمع قوم في بيت من بيوت الله يتلون كتاب الله ويتدارسونه بينهم إلا نزلت عليهم السكينة، وغشيتهم الرحمة، وحفّتهم الملائكة، وذكرهم الله فيمن عنده، ومن بطّأ به عمله لم يسرع به نسبه. (رواه مسلم)
ومن هذه النية (من نفّس عن مؤمن كربةً من كرب الدنيا نفّس الله عنه كربةً من كرب يوم القيامة) معاك ان شاء الله متطوع ...
وانا انضم الي حضراتكم فى مساعدة اخونا
وعلي اتم الاستعداد للمساعده ....... مع عدم المسائلة برد المبلغ
شوفو حتبدؤا الدفع ازاي وانا مع حضراتكم
استاذ a_nbm : رجاءا اكتب وقل انك مسلم واعتز باسلامك .....لكي ترتقي مع السفرة الكرام البرره
وانا معاكم بس ياريت تبلغونى على الخاص ولولا ظروف مشابهه لكنت تحملت جزء كبير فى قرض حسن لصاحب الموضوع .......ربنا يفك زنقته
فرج الله كربك وازال الله عنك همك وغمك وجميع المسلمين