الموضوع: ما الفرق بين جين 2 ، وبيرسونا ... وايهما افضل ؟

المشاركة الأصلية كتبت بواسطة maybe

الاعتمادية
الصيانة
استهلاك البنزين
سعر اعادة البيع

الاتنين زى بعض فيما عدا الشكل ولو فى فروق اعتقد انها فروق بسيطة جدااااااااااااا لا تذكر بس انا بفضل الجين 2 فى الشكل وخلى بالك من البروتون لان انا كان نفسى اجيب العربية دى بس للاسف خفت من مشاكلها مع العلم انها عربية محترررررررررررررررررمة

جين تو وبرسونا الاتنين واحد في كل شيء باستثناء حاجات غير جوهرية.

برسونا تتميز باختلاف الشبكة الأمامية، ومرايات أكبر بإشارة ضوئية، إضاءة عدادات بيضاء، الصالون أوسع نسبيًا مش قوي يعني، ومثبت سرعة وecu محدّث 32 بت.

يُقال أيضًا أن الجين تو أثبت من برسونا، وإن كانت برسونا ثابتة أيضًا، فضلاً عن شكلها الرياضي المميز.

أما فيما عدا ذلك، فهما الاتنين واحد في كل شيء؛ حتى في مشاكلهما.

بالنسبة لسعر إعادة البيع، جين تو عليه طلب أكتر، وإن كان بدأ الطلب يزيد على برسونا أيضًا.

الخلاصة، الاختلاف الجوهري: برسونا عبارة عن جين تو بشنطة!

الشنطه.. وبس

زي ما اتقال
وراي الجين احلي

افيدوني ارجوك ايهما افضل بيرسونا زيرو ولا ميجان ٢٠٠٩ او صني ٢٠١١ في جميع الاشياء

فعلا لأنهم حتي بنفس السعر لكن الصراحة ال برسونا شكلها أحلي كتير.

المشاركة الأصلية كتبت بواسطة mhkorayem

معلش أعذر جهلي بس هو ايه الـ ecu المحدّث الـ 32 بت ده ؟؟؟
وبما انك معاك البيرسونا إيه رايك فيها بمنتهى الامانه وايه مشاكلها معاك ؟؟؟
ولو مكنش فيها غلاسه كنت عاوز اعرف استهلاك البنزين معاك قد ايه وياريت لو توضح لي الاستهلاك ده بالتكيف ولا من غير وأن كان جوه البلد ولا على طريق سفر
وشكراً ليك جداً

السلام عليكم يا باشا...

ECU اختصار لمصطلح Electronic Control Unit؛ أي وحدة التحكم الإلكتروني، ومصطلح عليها في اللغة الدراجة بـ "كمبيوتر العربية". وتعمل هذه الوحدة على التحكم في وظائف السيارة المختلفة فيما يتعلق بالمحرك ونظام الفرامل، وناقل الحركة فضلا عن نظام الحماية والإنذار إلخ.

إصدار كمبيوتر جين تو 16 بت، أم برسونا فهو 32 بت. ويعمل هذا التحديث في البرسونا على تحسين استجابة العربية وأدائها من الناحية الإلكترونية والميكانيكية مقارنةً بجين تو، وإن كان الفارق ليس كبيرًا.

أما فيما يخص أداء العربية معي، ومستوى رضاي عنها، فبفضل الله أداؤها في نظري مرضي إلى حد كبير، ومشاكلها تنحصر في صفارة الفرامل، وعيوب تقفيل بسيطة، وضعف الدهان الخارجي، وكام صوت من أصوات بروتون المعتادة تظهر وتختفي لأن تقفيل العربية الداخلي يُغلب عليه البلاستيك والفيبر المتوسط - الرديء الجودة.

استهلاك البنزين في داخل البلد يتراوح بين 200 كم/20 لتر إلى 215 كم/20 لتر، علمًا بأنه يتخلل ذلك القيادة على الدائري لمسافة طويلة إلى حد ما. يعني لو وسط البلد في الزحمة المتواصلة، ممكن يزيد الاستهلاك إلى 180/190 كم/20 لتر.

أما على طرق السفر السريعة مع استخدام التكييف لفترات معقولة، يصل الاستهلاك إلى 230/240 كم/20 لتر مع سرعة لا تزيد عن 130 كم/الساعة.

عمومًا السيارة تستهلك بنزين أكثر وغير موفرة في الزحمة، والسرعة العالية فوق 120 كم/ساعة.

طبعًا من أكبر مساؤي بروتون توكيلها السيء، هو نقطة ضعف كبيرة، تدفع الكثيرين إلى صرف نظر عنها.

لو لك أي تساؤلات أخرى، تحت أمرك في أي وقت.

وربنا يقدر لك الخير.