من فترة كنت عملت حادثه مع موتوسيكل و الرفرف الشمال اتطبق بعد فتره قلت اروح اصلحه عند اى سمكرى و خلاص عشان انا مش فاضى لعطلة التوكيل و كمان ماعنديش استعداد ارش العربية و هى لسه مابقاهاش 6 شهور , المهم ولاد الحلال دلونى على سمكرى فى المنصورة يشتهر بتصليح السيارات الجديدة و خاصة اللى بتعمل حوادث فى المعرض قبل ما تترخص يعنى المهم روحتله ووريتهاله و قاللى ان شاء الله بسيطة و هاتخلص و انت قاعد و فعلا عملها فى 4 ساعات خلاصة القول كان تحت ايده ساعتها كذا عربية لانسر و اكتافيا و اوبترا و كان فبه سبيرانزا 1600 لسه ماترخصتش برفرف مخبوط المهم كنت قاعد انا و اصحاب السيارات الاخرى و فتحنا حوار مع الاخ السمكرى
سألته عن صاج الاوبترا قاللى الاوبترا صاجها طرى و محمل قولتله يعنى ضعيف قاللى لأ مش ضعيف طرى يعنى ينضغط تحت ايدك و بيبقى سهل اوى فى السمكرة و بيرجع لأصله تماما و مايبانش انه متسمكر و محمل يعنى مابتقطعش بسهوله
و ضرب مثل بالاسبيرانزا قال صاجها ناشف و سميك بس بتبقى صعبة اوى فى السمكرة و مابترجعش لأصلها و صاجها بيتقطع بسهولة فى الحوادث
يعنى فهمت من كلامه ان مش معنى ان الصاج طرى يبقى ضعيف
و ممكن اى مهندس معانا فى المنتدى له فى المعادن بشرح الموضوع ده احسن من كده
وشكرا
المفضلات