الموضوع: النترا ٢٠١٤ و لا سيراتو ٢٠١٤

المشاركة الأصلية كتبت بواسطة borio1704

أنا معايا النيو سيراتو ex 2014 هنا في السعودية

العربية لسه في التليين.. بس ماشاء الله.. راحة عالية جدا.. سحب كويس جدا مع إن الrpm ما عليش عن 3000 وبدون ضغط شديد على دواسة البنزين.
يعيبها حاجة واحدة من وجهة نظري.. صوت الكاوتش على الطريق بيتنقل للداخل بشكل يحسسك إن فيه احتكاك في التيل... بس الصوت بيظهر ويروح حسب نوع الأسفلت

...

أنا محتار جدا جدا جدا زي صاحب الموضوع ,
السيراتو والإلنترا هنا في الكويت تقريبا سعرهم قريب من بعض وبفكر أشتري واحده منهم وأنزلها مصر بعد سنتين تلاته,
وأنا عايز اشتري عربيه منهم ومش هافكر أبيعها قبل عشر سنين.
لكن أنا خايف من عدم إنتشار السيراتو كتييير في مصر وبالتالي هايأثر في توافر قطع الغيار بره التوكيل وتوافرالإكسسوارات.
وبالنسبه للإلنترا أنا خايف من الصاج بتاعها لأنه معرض دائما للخدش والحك بسبب السوك اللي في الأجناب.

فياريت حضرتك بعد اذنك تقولنا تقرير مبسط عن عربيتك من ناحية: (1) الماتور (2) العفشه _ ودي أهم حاجه لأن كل اللي معاهم الالنترا بيقولو ان عفشتها ناعمه وكويسه علي المطبات وعلي عين القط وأنا مجرب عربية زميلي والعربيه مريحه فعلا _
(3) والعزل الداخلي للعربيه (4) وقوة الصاج وهل هو هايتحمل ولا هايتبهدل بسرعه (5)وأيضا من ناحية قوة الفرامل.

وهل حضرتك تقصد ان نوعية الكاوتش وحشة ولا مافيش في السيراتو عزل أرضي؟ لأن المشكله دي برضو في الإلنترا بسبب نوعية الكاوتش السيئه.