سكودا فليشيا خريطة الفيوزات و الريليهات أو الكتاوت

**يوسف احمد** · 07-04-2014 12:18 AM

أشكرك استاذ وليد لكن حقيقى الكتاوت بيسخن جدا
وازاى اشغل الكاسيت بعيد عن الكتاوت
واشكر حضرتك على اهتمامك
وعندى مشكله اخرى وهى عداد الأر بى أم بيرقص والكهربائى قالى العيب فى آى سى فى التابلوه والوحيد اللى بيصلحه كهربائى فى الوكاله فهل الكلام ده صحيح؟
وعايز اعرف وياريت تدلنى هل حساس درجة الحراره فى الفليشيا 98 ليه رقم معين والأصلى منين وسعره بكام لأننى أتبهدلت كل ما أشترى حساس مش بيكمل شهرين ويعطى قرائة حراره غير حقيقيه.
وأخيرا اعتذر عن الأطاله ويارب تقدر تفيدنى وشكرا.

**المنسي** · 07-04-2014 10:56 AM

المشاركة الأصلية كتبت بواسطة يوسف احمد

أشكرك استاذ وليد لكن حقيقى الكتاوت بيسخن جدا
وازاى اشغل الكاسيت بعيد عن الكتاوت
واشكر حضرتك على اهتمامك
وعندى مشكله اخرى وهى عداد الأر بى أم بيرقص والكهربائى قالى العيب فى آى سى فى التابلوه والوحيد اللى بيصلحه كهربائى فى الوكاله فهل الكلام ده صحيح؟
وعايز اعرف وياريت تدلنى هل حساس درجة الحراره فى الفليشيا 98 ليه رقم معين والأصلى منين وسعره بكام لأننى أتبهدلت كل ما أشترى حساس مش بيكمل شهرين ويعطى قرائة حراره غير حقيقيه.
وأخيرا اعتذر عن الأطاله ويارب تقدر تفيدنى وشكرا.

عداد الار بى ام مشكلته فى الاسبراتير مش مظبوط ومعظم الناس عندها المشكلة دى والكهربائى اللى قالك عيب اى سى سورى يعنى ميتقالش عليه كهربائى
حساس درجة الحرارة اللى انت عايزه بتاع المروحة ولا صباح الحرارة اللى بيركب فى الكوعة لو بتاع المروحة روح عند بتوع الفيات وهات من عندهم نوع ايطالى بيعمل من 25 ل 30 جنيه تقريبا انما اللى راكب فالكوعة ممكن تجيبه من عند السيد صلاح فى وسط البلد

رجااااااااااااااااااااااا اااااااء بلاش اللون الاحمر فالكتابة علشان ميحصلش وقف لسيادتك عن العمل قصدى عن المنتدى

**المنسي** · 08-04-2014 03:58 PM

المشاركة الأصلية كتبت بواسطة يوسف احمد

شكرا استاذ منسى
انا مش كنت عارف ان الكتابه بالأحمر ممنوعه فى المنتدى.
انا اشتريت امبارح حساس الحراره (صباع الحراره) ب 25 جنيه

جبته منين ويارب يكون نوع كويس

**nora1yousef2** · 02-06-2018 01:31 AM

شكرا

**nora1yousef2** · 04-06-2018 12:55 AM

كل عام وانتم بخير
انا عضو جديد ولسه شارى سكودا فليشيا 97 عندي مشكله وهى ان زرار النور الواطى اللى هوه اخر زرار على الشمال بيسخن هل ده عادى وهل ممكن ده يكون السبب فى تهريب البطاريه
زميل اخبرنى انه متوصل مباشر والمفروض يركب ريليه عشان الزار ميسخنش ولا قدر الله يسيح الاسلاك
افيدونى وشكرا