ياجماعة حد مر بتجربة قضية عقد ايجار مشاهرة
وياترى الحكم بيبقى لمين
شكرا
عرض للطباعة
ياجماعة حد مر بتجربة قضية عقد ايجار مشاهرة
وياترى الحكم بيبقى لمين
شكرا
قديم و لا جديد لو قديم انسى لصالح المستاجر طبعا لو جديد بتبقى لصالح المالك حسب معلوماتى فالمحكمة بتحكم على اساس ان مدة عقد الايجار شهر واحد فقط ....... وانتظر راى الاخوه المحامين ..
العقد قانون جديد بعد 96 ورافع قضية لكنها طولت شوية
كل قضية ليها ظروفها وملبساتها ممكن يكون الحق معاك لكنك الإجراءات مش سليمة فتخسر القضية وممكن القاضى يديك حكم خاطىء ( لصالحك أو ضدك ) ويتعدل فى الإستئناف ودا شىء وارد جداً وفى قضايا الإيجار خاصة لازم نعرف سبب رفع القضية ... فى حالة إيجار بالقانون الجديد ... إنتهاء مدة الإيجار ( وهل كان فيه بند خاص بالتجديد فى العقد أم لا - وهل كان فيه شرط فى العقد بيلزمك بإخطاره بعدم رغبتك فى التجديد ) أو كان لعدم دفع الأجرة أو لعدم إستخدام العقار فى الغرض المؤجر له أو لإرتكاب أعمال منافية للأداب أو إرتكاب أعمال مضرة بالمبنى مثلاً
فى حالة إيجار بالقانون القديم عدم سداد الأجرة أو التكرار فى عدم سداد الأجرة أو لإرتكاب أعمال منافية للأداب أو إرتكاب أعمال مضرة بالمبنى وعادة بيكون الحكم فى صالح المستأجر
ارفع صورة العقد او اكتبه بالظبط
عقد ايجار عادى من الا بيتابع فى الشارع الا هو الاخضر ده وكتوب عليه قانون 4 لسنة 96اقتباس:
المشاركة الأصلية كتبت بواسطة a.saad
وطبعا العقد مشاهرة
هل كتبتم مدة للعقد فى الاول
من تاريخ .......... الى تاريخ ............. ؟؟؟؟؟؟؟
طيب ويفرق ايه قانون 96 عن القانون الحالى
والمشكله الحاليه انه مش عايز يخرج من الشقه ولا مشكله اخرى
لا مكتوب المدة من والى مش مكتوبةاقتباس:
المشاركة الأصلية كتبت بواسطة a.saad
مكتوبة مشاهرة
فيه فرق بين القانون الجديد والقديماقتباس:
المشاركة الأصلية كتبت بواسطة احمد المصرى
ايه رايك ياستاذ احمد علما بانى القاضى حكم لصالحى لكن فى المستاجر استانف الحكم وبقالنا فى الاستئناف سنتين
ايه فرصى
وفيه معلومة كمان مهمة المتاجر توفى وكان قاعد لوحده فانا عايز اثبت حقى قبل ما حد من ولاده يجى يقعد فى الشقة
ياترى اعمل ايه عشان اثبت حقى
ان شاء الله القضية فى صالحك تماما طالما بعد 1996 والعقد مشاهرة وموضوع سنتين فى المحكمه ماتقلقش. بس صحح شكل الدعوى باختصام الورثه (ورثة المستأجر)
ما انا مش عايز اعمل كده لانى كا كانش حد مقيم فى الشقة انا عايز اثبت حقة واثبت انى ماكانش فيه حد قاعد فى الشقةاقتباس:
المشاركة الأصلية كتبت بواسطة yk_5
هل ممكن اروح القسم واعمل محضر اثباتحالة ولا ايه
لازم تصحح شكل الدعوى لأن لو صدر حكم لصالحك ان شاء الله سوف يكون حكم ضد متوفى وفى هذه الحاله لن تستطيع تنفيذ الحكم وهتدخل فى دوامه.اقتباس:
المشاركة الأصلية كتبت بواسطة egyptawy2010
الف شكر يعنى رايك استنى القضية ولا ادفع فلوس للورثة لانهم عايزين ياخدوا فلوس منىاقتباس:
المشاركة الأصلية كتبت بواسطة yk_5
وياترى اعمل ايه عشان اثبت انى مافيش حد فى الشقة
الناس قالولى ارفع دعوى تمكين مستعجل لوفاة المستاجر؟
طبعا أقصر وأفضل طريق هو التفاهم مع الورثة اذا كانوا بتوع تفاهم ومش طماعيناقتباس:
المشاركة الأصلية كتبت بواسطة egyptawy2010
لو الورثة بتوع محاكم ومشاكل انصحك باستكمال السير فى الدعوى الأصلية لأن أى دعوى مستعجلة لو الورثه افادوا المحكمه انه يوجد دعوى موضوعية (الإستئناف اللى حضرتك قلت عليه) متداولة سيتم رفض الدعوى المستعجلة لوجود دعوى موضوعية متداوله
الحقيقة الورثة طالبين مبلغ كبير مع انى المحكمة حاكملىاقتباس:
المشاركة الأصلية كتبت بواسطة yk_5
فراى حضرتك دفع واخلص
ولا استنى واوفر الفلوس
لو حضرتك مكانى هتعمل ايه
والف شكر على تعبك
ممكن تحدد ايجار الشقة المماثلة لشقتى بنفس المنطقة تقريبا كام فى الشهراقتباس:
المشاركة الأصلية كتبت بواسطة egyptawy2010
وهقول ان شاء الله الإستئناف يتم الفصل فيه خلال سنه
بكدة الخسارة بعد سنه هتكون 12 × (الإيجار الشهرى) + اتعاب المحامى
لو ورثة المستأجر طالبين أقل من المبلغ ده خلص معاهم ولو أكثر كمل فى القضيه ولا تقلق ان شاء الله فى صالحك
الموضوع كله متوقف على ظروفك انت الشخصيه علشان كده ماقدرش أحط نفسى مكانك
أنا حصل معايا موقف مشابه ققررت مش هدفع جنيه للناس دى (يعنى هيسكنوا عندى وياخدوا مكافأة وهم بيسلمونى شقتى) وكملت للأخر وتم طردهم ثم مطالبتهم قانوناً بالإيجار حتى تاريخ الطرد
الأمر يرجعلك وكله حسب ظروفك
تحياتى
يعني ايه مشاهرة؟
غير محدد المدةاقتباس:
المشاركة الأصلية كتبت بواسطة أحمد كمال
شهر بشهر
استاذ yk_5
الورثة الان صححوا مسار الدعوة وبيدعوا انهم مقيمين فى الشقة
اعمل ايه عشان اثبت حقى واثبت انه ما كانش حد مقيقم ساعة الوفاة
دى شقة قمت بتاجيرها
سنة 2005
عقد ايجار عادى من الا بيتابع فى الشارع الا هو الاخضر ده وكتوب عليه قانون 4 لسنة 96
الايجار مشاهرة وقمت برفع قضية لاخلاء الشقة والحمد لله كسبتها وقام المستاجر بالاستئناف وقد توقى اثناء الاستئناف وطلب الورثة بحقهم فى الشقة وامتداد الايجار
مع انى مافيش حد مقيم فى الشقة
ازاى اثبت حقى بسرعة واثبت انى مافيش حد كان مقيم ساعة الوفاة
والقضية دلوقتى عندى محامى انا شايفه انه بطىء شوية
وايه راى حضرتك فى موقفى القانونى
شكرا
فيه كذا موضوع فى المنتدى قبل كدة اتكلموا عن طرق اثبات ان الشقة فاضية
http://www.nilemotors.net/Nile/214418-a.html
http://www.nilemotors.net/Nile/359350-a.html
آسف جداً بس أنا مش منتظم فى نايل موتورزاقتباس:
المشاركة الأصلية كتبت بواسطة egyptawy2010
يا استاذ اطمئن جدا وأنا قلت لك انها مسألة وقت
مقيمين معه أو مش مقيمين مش فارقة دى مش علاقة ايجارية قبل 1996 دى علاقة ايجارية بموجب عقد ايجار طبقاً للقانون الجديد ومش كدة وبس دى مشاهرة كمان