ياجماعة حد مر بتجربة قضية عقد ايجار مشاهرة
وياترى الحكم بيبقى لمين
شكرا
عرض للطباعة
ياجماعة حد مر بتجربة قضية عقد ايجار مشاهرة
وياترى الحكم بيبقى لمين
شكرا
قديم و لا جديد لو قديم انسى لصالح المستاجر طبعا لو جديد بتبقى لصالح المالك حسب معلوماتى فالمحكمة بتحكم على اساس ان مدة عقد الايجار شهر واحد فقط ....... وانتظر راى الاخوه المحامين ..
العقد قانون جديد بعد 96 ورافع قضية لكنها طولت شوية
كل قضية ليها ظروفها وملبساتها ممكن يكون الحق معاك لكنك الإجراءات مش سليمة فتخسر القضية وممكن القاضى يديك حكم خاطىء ( لصالحك أو ضدك ) ويتعدل فى الإستئناف ودا شىء وارد جداً وفى قضايا الإيجار خاصة لازم نعرف سبب رفع القضية ... فى حالة إيجار بالقانون الجديد ... إنتهاء مدة الإيجار ( وهل كان فيه بند خاص بالتجديد فى العقد أم لا - وهل كان فيه شرط فى العقد بيلزمك بإخطاره بعدم رغبتك فى التجديد ) أو كان لعدم دفع الأجرة أو لعدم إستخدام العقار فى الغرض المؤجر له أو لإرتكاب أعمال منافية للأداب أو إرتكاب أعمال مضرة بالمبنى مثلاً
فى حالة إيجار بالقانون القديم عدم سداد الأجرة أو التكرار فى عدم سداد الأجرة أو لإرتكاب أعمال منافية للأداب أو إرتكاب أعمال مضرة بالمبنى وعادة بيكون الحكم فى صالح المستأجر
ارفع صورة العقد او اكتبه بالظبط
هل كتبتم مدة للعقد فى الاول
من تاريخ .......... الى تاريخ ............. ؟؟؟؟؟؟؟
طيب ويفرق ايه قانون 96 عن القانون الحالى
والمشكله الحاليه انه مش عايز يخرج من الشقه ولا مشكله اخرى
ايه رايك ياستاذ احمد علما بانى القاضى حكم لصالحى لكن فى المستاجر استانف الحكم وبقالنا فى الاستئناف سنتين
ايه فرصى
وفيه معلومة كمان مهمة المتاجر توفى وكان قاعد لوحده فانا عايز اثبت حقى قبل ما حد من ولاده يجى يقعد فى الشقة
ياترى اعمل ايه عشان اثبت حقى
ان شاء الله القضية فى صالحك تماما طالما بعد 1996 والعقد مشاهرة وموضوع سنتين فى المحكمه ماتقلقش. بس صحح شكل الدعوى باختصام الورثه (ورثة المستأجر)
طبعا أقصر وأفضل طريق هو التفاهم مع الورثة اذا كانوا بتوع تفاهم ومش طماعين
لو الورثة بتوع محاكم ومشاكل انصحك باستكمال السير فى الدعوى الأصلية لأن أى دعوى مستعجلة لو الورثه افادوا المحكمه انه يوجد دعوى موضوعية (الإستئناف اللى حضرتك قلت عليه) متداولة سيتم رفض الدعوى المستعجلة لوجود دعوى موضوعية متداوله
ممكن تحدد ايجار الشقة المماثلة لشقتى بنفس المنطقة تقريبا كام فى الشهر
وهقول ان شاء الله الإستئناف يتم الفصل فيه خلال سنه
بكدة الخسارة بعد سنه هتكون 12 × (الإيجار الشهرى) + اتعاب المحامى
لو ورثة المستأجر طالبين أقل من المبلغ ده خلص معاهم ولو أكثر كمل فى القضيه ولا تقلق ان شاء الله فى صالحك
الموضوع كله متوقف على ظروفك انت الشخصيه علشان كده ماقدرش أحط نفسى مكانك
أنا حصل معايا موقف مشابه ققررت مش هدفع جنيه للناس دى (يعنى هيسكنوا عندى وياخدوا مكافأة وهم بيسلمونى شقتى) وكملت للأخر وتم طردهم ثم مطالبتهم قانوناً بالإيجار حتى تاريخ الطرد
الأمر يرجعلك وكله حسب ظروفك
تحياتى
يعني ايه مشاهرة؟
استاذ yk_5
الورثة الان صححوا مسار الدعوة وبيدعوا انهم مقيمين فى الشقة
اعمل ايه عشان اثبت حقى واثبت انه ما كانش حد مقيقم ساعة الوفاة
دى شقة قمت بتاجيرها
سنة 2005
عقد ايجار عادى من الا بيتابع فى الشارع الا هو الاخضر ده وكتوب عليه قانون 4 لسنة 96
الايجار مشاهرة وقمت برفع قضية لاخلاء الشقة والحمد لله كسبتها وقام المستاجر بالاستئناف وقد توقى اثناء الاستئناف وطلب الورثة بحقهم فى الشقة وامتداد الايجار
مع انى مافيش حد مقيم فى الشقة
ازاى اثبت حقى بسرعة واثبت انى مافيش حد كان مقيم ساعة الوفاة
والقضية دلوقتى عندى محامى انا شايفه انه بطىء شوية
وايه راى حضرتك فى موقفى القانونى
شكرا
فيه كذا موضوع فى المنتدى قبل كدة اتكلموا عن طرق اثبات ان الشقة فاضية
http://www.nilemotors.net/Nile/214418-a.html
http://www.nilemotors.net/Nile/359350-a.html