العربية بتاكل زيت و بنزين
السلام عليكم .
معايا سوزوكى التو 2008
لما بدورها الصبح بتطلع دخانة بيضا لمدة دقيقة كدة .
و المكنة برده الصبح و هى بتسخن صوتها بيعلى كانى دايس بنزين و بعدين يرجع طبيعى تانى .
و بتاكل بنزين بطريقة غبية يعنى البنزين الى كان يكفينى 3 ايام بقى يكفينى يوم
و السحب فى اول الغيارات بيبقى ضعيف و بعدين تسحب عادى .
يعنى مثلا جبت التانى تلاقيها تقيلة و بعدين تمشى عادى . و هكذا .
و بتاكل زيت منى مش بكمية كبيرة
بحط زيت شيل الاصفر . و بغيره كل 3000 كيلو .
لما جيت اغيره اخر مرة لقيته نازل ناقص كتير بتاع كيلو و نص
و دلوقتى بردك لما برفع مقاس الزيت بلاقيه بينقص بتاع شركة كل يومين مثلا .
..
روحت للميكانيكى قالى طقم كاوتش صبابات دة الى بيخليها تاكل زيت و تدخن الصبح .
و بخصوص السحب قالى اجيب الاسبراى منظف الانجكشن دة .
انتوا ايه رايكم ؟
و طقم صبابات الالتو بيعمل كام ؟
و الموضوع دة كله يتكلفله كام تقريبا ؟
و لو مشيت كدة شوية بتاع شهرين ولا حاجة هيسببلى مشكلة ولا عادى ؟
