كيف أقوم بتغيير مياه الردياتير و القربة ؟
و هل من الافضل استخدام مياه خضراء؟ و هل فيه منها أنواع؟
و ما رأيكم في استخدام محسنات الآداء اللي بتنضف تانك البنزين و الكربراتير؟
عرض للطباعة
كيف أقوم بتغيير مياه الردياتير و القربة ؟
و هل من الافضل استخدام مياه خضراء؟ و هل فيه منها أنواع؟
و ما رأيكم في استخدام محسنات الآداء اللي بتنضف تانك البنزين و الكربراتير؟
هتفك الخرطوم اللي تحت بتاع الراديادتير من الكلبس بتاعه وانت فاتح غطا الردياتير القربة بتتخلع وتفضي المياه
ركب كل دة تاني
حط مياه خضرا بتتغير كل تلات سنين الانواع كتير التركيز مش مهم اوي لان االحرارة مبتوصلش للتجمد عندنا
انصحك تجيب مياة موبيل من البنزينة
الاضافات كويسة بس مش ضرورية انا شخصيا مش ناوي استخدمها
اهم حاجة الصيانات الدورية مهما كانت بسيطة
لا هي مكتوبه في الكتالوج برضو ومن غير كتالوج سنتين و 40 الف ما عدا الانواع المكتوب عليها long life coolant ودول مش من ضمنهم موبيل :-D
في الواقع مشفتهمش غير بره مصر بغض النظر عن اللون....
في حاجه مرضتش اعلق عليها،،،
لو المقصود بس تغيير المياه يبقى يفتح طبة الريداتير او الخرطوم التحتاني..
والافضل عمل غسيل للدورة وبعدين. وضع المياه الجديده...
تحياتي
Sent from my Xperia Arc S using Forum Runner
كيف اقوم بعمل غسيل للدورة كلها و ايه المقصود بيها ؟
و بعدين اغير المياه و اعمل غسيل للدورة فين؟ في اي بنزينة؟
و اجيب مياه خضرا و لا حمرا ؟ و ايه الانواع الموجودة و انهي احسنهم؟؟
ممكن تعمله في البنزينه والمقصود بيه لو في رواسب او اثار صدا في الميه بيبقى محتاجه تطلع قبل تغيير الميه
اما لو الميه القديمه صافيه وخضرا كفايه تغييرها وخلاص
هتجيب ميه خضرا...
احسن الانواع مش هفتي
في رايي انا ال iada الاسباني وفي ناس بتنصح بالموبيل...
تحياتي
Sent from my Xperia Arc S using Forum Runner
تعليق بسيط فى موضوع تركيز المياه الخضرا لو تركيز المياه الخضرا عالى حيبقى فيه خطر تآكل فى دورة التبريد والخراطيم فخليك فى التركيزات القليلة والأفضل هات مياه موبيل الخضرا تركيز 33 % الجركن 4 لتر بيعمل من 75 إلى 80 جنيه وهى مياه ممتازة مجربها شخصياً بقالى اكتر من سنة بدون مشاكل
بقولك متقولي مكانها فين عشان انا مشوفتهاش :Copy of m-s5: بسم الله ماشاء الله بقالك سنتين ولا تلاتة مسافر وسايب العربية و لسة فاكر المهم يا سيدي مش هنختلف علي سنة:fun_10_9_134[1]: و ربنا يرجعك بلدك بالسلامة
هطرح سؤال سريع كدة هو انا لو سبت المياة اكتر من ال40 الف الرادياتير هيصدي ؟
اخيرا عايز اعبر عن عدم اقتناعي بغسل الرادياتير للعربيات اللي مشافتش مياة حنفية بالنسبة للعربيات اللي كانت ماشية بمياة عادية وهتغير خضرا انا شايف انه ضروري
اسمحلي اديك تفسيري البسيط
دلوقتي في مية مخففة ومياة انت بتخففها بمية مقطرة تمام ؟
مية الرادياتير بيبقي فيها مضادات او مانع صدا بالاضافة لباقي الاضافات فالتركيز هيبقي واحد
احنا اللي خايفين منه مش الاثلين بل مانع الصدا
خد بقي رايي انا شايف ان كل التركيزات فيها نفس درجة مقاومة الصدا و اللي بيختلف مقاومتها للتجمد ودة اللي ملوش لزمة هنا
هات تركيز 10 مش هتفرق من وجهة نظري
طيب
انا هتكلم بالعلم مش اكتر
تركيز مية الراديتيؤ المقصود بيه تركيز الايثيلين جلايكول مش موانع الصدا
التركيز ده مش بس عشان التجمد انما كمان بيرفع درجة الغليان
وبالتالي احنا مبنحطش تراكيز عاليه مش عشان تاكل الراديتير طبعا
انما لان لما تزيد درجة الغليان جدا الميه بتفقد قدرتها على التبريد لانها هتقارب حرارتها حرارة المحرك والفقد الحراري بتاعها هيقل وده يعلي حرارة الماتور وبالتالي الميه هتفقد خاصية التبريد
بالنسبه لينا فعلا مبنحتجش الانتي فريز ولكننا بحاجه لرفع الغليان ل 125 تقريبا
فالتركيز من 5 -30 ممتاز في الماروتي جدا جدا
تحياتي
هزيدك من الشعر بيت
الميه حسب الكتالوج كل 20 الف!!!
بس انا بالتجربه عال40 ممتاز...
عدم تغيير الميه فعلا بيؤدي عاجلا او اجلا للصدا لان موانع الصدا بتستهلك فالميه تبتدي تعمل تاثيرها للاسف...
انا وضحت ان اللي شايف ميته نازله خضرا وبدون رواسب واوساخ يستبدل بدون غسيل
انما غير كده الغسيل احسن...
وادي الصورة خدتهالك من الكتالوج لعيونك بس موضحه فيه 20 الف كيلو او 24 شهر:D
http://nileup.com/up/uploads/nilemotors_13867167711.jpg
تحياتي