الموضوع: إن شاء الله ناوى على اكسنت 99 1300 cc

بسم الله الرحمن الرحيم

إن شاء الله نويت اشترى اكسنت 99 و معروض عليا واحده كامله مانيوال على 35 الف حالتها كويسه جدا من برا بس لسه هكشف عليها إن شاء الله بكره او بعده و كنت محتار فى كام حاجه كده ياريت الاعضاء الكرام يساعدونى فيها

1.هل لهذا الموديل عيوب مشهوره اخد بالى منها

2.هل السعر ده مناسب و لا مضحوك عليا

3.ايه اههم الحاجات الى اكشف عليها و ياريت الى يعرف حد فى ميامى اسكندريه لانى هشتريها من هناك ميكانيكى و عفشجى يقول بس تكون ناس ثقه

4.لو حبيت اسقط مكنه 1500 بعد كده هل فى مشاكل فى الترخيص و تعمل كام بالتركيب

5.لو حبيت و ده بجد نفسى فيه يعنى اغيرها لاوتوماتيك هل فى مشاكل و لا سهل و تكلفته فى حدود كام

و اسف لو ازعجتكم او اسالتى كتير بس اول مره اشترى مستعمل و مش عايز اتعب و قولت اكيد هلاقى اجابات اسالتى عندكو إن شاء الله ياريت الى عندو معلومه ميبخلش عليا بيها و شكرا مقدما

المشاركة الأصلية كتبت بواسطة Karim Alaa

هو التجاهل ده عشان انا عضو جديد هنا و لا ايه اصل العربيه مشاء الله منتشره اوى و المفروض ناس كتير تعرف معلومات عنها مساعده يا شباب المنتدى اذا سمحتم

بص ياستاذ / كريم
انا معايا اكسنت موديل 2000 / 1500 cc خليجى كاملة تكيف باور 2 زجاج كهربائى وبحكم تجربتى السعر اللى بتتكلم عليه ده تبقى السيارة مش تمام اكيد فيها مشاكل وراى دور على غيرها انا سيارتى عمله 47000 ج بس شركة برة وجوه
ابعد عن السيارة دى وهات غيرها كامله 1500 cc مانيوال اما الاكسنت عربية جميلة جدا فى كل شى ومش هاتضيقك انا كنت رايح اشترى فيرنا ولما لقيت الحالة دى خلصت فى ساعتها العربية دى واحد صاحبى مهندس بس اللى معاه موديل 99 وبيسافر بيها كتير ومن كتر اعجابى بيها لانى ركبتها معاه كتير دورت لغاية ما جبتها لكن عايز اقولك الحالة السليمه تبدأ من 42000 ج وانت طالع حسب الحالة وخد بالك ال 1500 كله باور وتكيف و2 زجاج كهرباء امامى وساعة طابلوه فوق الكاسيت وخد بالك من حاجة مهمه لو لقيت فى طبه مكان اكرة الباب تبقى معدله زجاج كهرباء مش نازله كده
العربية دى لو انت اشتريها صح مش ملعوب فيها مش هاتندم ان ركبتها وكمان اقتصادية حتى ال 1500 اقتصادية فى كل شىء
وانا تحت امرك فى اى استفسار
بس بلاش تشترى اى حاجة وخلاص
علشان ماتتعبش