هل يجوز اخد معايا سجاده صلاه الجامع

**samyyousef** · 10-12-2013 05:51 PM

سمعت - و الله اعلم - وهذه ليست فتوى..انه يفضل في صلاة الفروض في الجوامع عدم المغايرة عن باقي المصلين - اذا لم يكن هناك عذر - و من ياتي بسجادة فاليفرشها بالعرض، له و لمن بجواره..اما في السنن كصلاة التراويح فلا يلزم ذلك...اؤكد ان ما كتبته ليس بفتوى و انما هذا قول سمعته و من غير متخصص...و الله اعلم

**samyyousef** · 10-12-2013 05:56 PM

المشاركة الأصلية كتبت بواسطة eng_hatemfathy

هههههه- اكيد قصده هل فيه مشكله شرعية من كده لانه مثلا بيتأذى من رائحة الموكيت او حساسية ضد التراب او كده
بعض الناس بتعتبر احضار احدهم لسجادة خاصة تكبر وطبعا ده مش صح لان كل واحد حر مادام مفيش مظهر تكبر حقيقى او اضرار ومضايقة لحد
وبصراحة انا شفت فى مسجد فى الحرفيين فكره جميله جدا علشان الصنايعيه
المسجد معلق مفارش مشمع كل صنايعى وهوا داخل ياخد مفرش يحطه قدامه علشان يصلى عليه وبكده مفيش سجاد يتوسخ

بالنسبة لصلاة الصنايعية بملابس عملهم..فانا اتخيل ان هذه العادة يجب النظر فيها و بحثها من الناحية الشرعية..فالصنايعي يغير ملابسه حال عودته لعمله و استقلاله مواصلة عامة...و اظن انه من حسن التأدب مع الله ان يغير ملابسه عند الصلاة......هذه ليست فتوى ..و انما رأي شخصي يحتاج دعم من متخصص...و الله اعلم

**Eng_hatemfathy** · 11-12-2013 01:57 PM

المشاركة الأصلية كتبت بواسطة samyyousef

بالنسبة لصلاة الصنايعية بملابس عملهم..فانا اتخيل ان هذه العادة يجب النظر فيها و بحثها من الناحية الشرعية..فالصنايعي يغير ملابسه حال عودته لعمله و استقلاله مواصلة عامة...و اظن انه من حسن التأدب مع الله ان يغير ملابسه عند الصلاة......هذه ليست فتوى ..و انما رأي شخصي يحتاج دعم من متخصص...و الله اعلم

خلينا نفرق بين الممكن والمطلوب
فى ناس كتير بتصلى بالعافية -الحمد لله الذى عافانا
وده انت بتزقه علشان يصلى وفى نفس الوقت عايز متأذيش اللى بيصلى جنبه ولا تأذى المسجد
فعلشان تقول محدش يدخل الا لما يغير هدومه وعلشان صنايعى بيشتغل وبيعدى عليه 4 صلوات وانت عايزه يغير هدومه 4 مرات ويتشطف ويشيل اثر المعجون والدهانات علشان مياه الوضوء تثل للجلد ويروح يصلى ويرجع يبقى انت بتقوله متصليش
واكيد صاحب الورشة مش هيوافق لانه هياخد فى كل صلاة ساعة الا ربع على الاقل علشان يعمل كل ده
المكن انك تساعده انه ميأذيش حد ومتصعبش عليه الموضوع وخاصة لو هدومه مش ضايعة على الاخر او ريحتها وحشة

**Eng_hatemfathy** · 11-12-2013 02:01 PM

المشاركة الأصلية كتبت بواسطة aminibrahim

الله ينور عليك انت اللي فهمتني لانه انا سمعت احد الشيوخ وان كان الشيخ الشعراوي علي ما تذكر انه قال انه نوع من التكبر في حين ان انا عندي حساسيه والسجاد خشن بطريقه جامده والبشره حساسه
الله ينوررعليك

اكيد اللى انت سمعته كان بيتكلم عن ناس معينه بتكون فارشة سجاده ولما حد يعدى عليها او يقعد بتشدها بقرف من تحته وده طبعا مشاهد فى الحرم من السعوديين والسعوديات ولا حول ولا قوة الا بالله
وعلشان كده قلتلك هات سجاده اطفال هتبقى صغيرة وخفيفة وعلى قد انها تمنع عنك الحساسية والتراب والروايح البايخة ومتجيش تحت اللى جنبك ومفيش فيها اى مظهر كبر
وشفاك الله وعافاك

**Eng_hatemfathy** · 11-12-2013 02:03 PM

المشاركة الأصلية كتبت بواسطة friendship7897

ههههههه
أخجلتني
أنا مش بصتلها شرعي
أنا بصيت لها قانوني
وقولت زي ما طلع قانون تظاهر
يبقى أكيد الحكومة هتطلع قانون إصطحاب مصلية
وتروح تاخد من الأوقاف تصريح بدخول مصلية ، وترفق معها الأسباب ( حساسية بالجبهة / رائحة كريهة / عدم نظافة السجاد / لعدم بروز علامة الصلاة / ....... )
ومن حق الأوقاف توافق أو لأ
حسب حالة المريض أقصد ( المصلي ) - ههههه
شكراً للتوضيح

ولا خجل ولا حاجه حضرتك -الموضوع فرق خبره بالمساجد مش اكتر
وطبعا فى ظل الاحوال اللى بنشوفها عندك حق ان اول حاجه تيجى على بالك انه يكون قانون جديد فاكس من وزير الاوقاف الجديد الهمام اللى مصر يهيج عليه ائمة الاوقاف كلهم ويضمهم لصف طلاب الجامعة او بمعنى اصح يدرجهم تحت مسمى الاخوان