الموضوع: النترا ٢٠١٤ و لا كروز ٢٠١٤

من النهايه اركب الاتنين وقارن

بيقولوا إن السيراتو أخدت جايزة أحسن عربية ف أمريكا، بس عموما أعتقد إن السيارات التلاتة مستواهم قريب جدا من بعضهم، يبقى الراحة والتجربة.. والاستخارة طبعا.

المشاركة الأصلية كتبت بواسطة mhkorayem

شوف يا باشا أنا طبعاً مش معايا حاجه منهم عشان كده الأفضل تاخد رأي اللي ركبوهم هيفيدوك أكتر
بس أنا اليومين دول أنا ناوي أشتري عربيه وكنت بدور على حاجه في رنج أقل من كده شويه بس وأنا بلف لقيت معرض عامل عرض على الكروز أول فئه بـ 145.000 جنيه ولما شفتها بصراحه حلوه فعلاً فالموضوع سخن في دماغي وقل طب ما أضغط نفسي كمان وكمان وأركب حاجه شياكه وقررت أسأل على الكروز هتلاقي موضوع أنا عامله هنا للسؤال على الكروز ممكن تبص عليه
بس أنا حبيت أنقل لك رأي 3 ملاك للكروز أنا سألتهم شخصياً
الأول كان واحد معاه كروز واقف جنبي في زحمه الدائري فقلت استغلها فرصه وأسئله وكان ردوا أنها مش عجباه وأن سحبها مش قد كده واستهلاكها للبنزين عالي شويه وان الفتيس عندوا ساعات بيعلق (بصراحه أنا نسيت أسئله هي موديل كام عشان أنت عارف ان الماتور والفتيس اتغيروا)

الثانيه واحده زميله زوجتي في الشغل معاها كروز جديده فلما مراتي سألتها عليها قالتلها ان العربيه مش عجباها وخساره فيها الفلوس (أنا بنقل الكلام اللي اتقال بالظبط عشان محدش يزعل يا جماعه بس ده مش رأي لأني مجربتش العربيه عشان يكون ليا رأي فيها ده بالعكس ده أنا كنت بفكر أجيبها قبل الكلام اللي أتقال لي ده فأرجوا لو معاه العربيه يصحح الكلام من غير ما يزعل مني عشان ده مش رأي الشخصي دي نتيجه أستفسار من بعض ملاكها)

الثالث وده واحد زميل لينا في الشغل (هو زميل في قسم تاني يعني معرفهوش قوي بس قلت أروح أسئله وأخد رايه) اول ما قلتله أيه رايك في الكروز قال لي: لا لا لا أوعييييييييييييييييي أوعي أوعي تفكر تجيبها دي عربيه ....... (مرديتش أقول هو قال ايه عشان محدش يزعل)
قولت له طيب ايه المشكله بس اللي فيها قال لي العربيه 2013 وماشيه 30.000 كم الفتيس باظ والوكيل مش عارف يعمل فيها حاجه وانه غير الفتيس في الضمان والفتيس الجديد فيه نفس المشكله والوكيل ضايع ومش فاهم في العربيه حاجه ومش عارف يحل مشاكلها وأنه بيفكر يظبط اموره ويخلص منها في أقرب فرصه وقال لي أنه ركب عربيات كتير وأن دي أسوء حاجه هو ركبها ونصحني بعربيه تانيه بس أنا مش هذكرها عشان محدش يقول أن أنا بهاجم الكروز لغرض تاني أو الموضوع يقلب مقارنه بين العربيتين ده غير انها كانت فئه سعريه أعلى من الكروز فعشان كده غالباً ذكرها مش هيفيد صاحب السؤال

طبعاً بعد الكلام ده أنا صرفت نظر تماماً

حاجه أخيره أرجو أن محدش يزعل من اللي أنا كاتبه عشان أنا نقلت اللي حصل معايا بمنتهى الأمانه ولوجه الله عشان أنا كنت لسه من يومين في نفس مكان صاحبنا اللي بيسأل وكان نفسي حد يديني خلاصه تجربته بأمانه وعشان كده حبيت انقل له اللي أنا وصلت له وهو برضوا من ناحيته يحاول يسأل يمكن يوصل لنتيجه تانيه وربنا يكرمه
حاجه تانيه ده مش معناه أن أنا بقول لحضرتك أشتري الالنترا ممكن تدخل قسم هيونداي وتشوف راي ملاكها ايه بس أنا أسمع انها مش ثابته أوي وأن علبه الدركسيون بتاعتها بتبوظ بسرعه بس ممكن تشوف رأي ملاكها أيه أحسن
بخصوص السيراتو بصراحه معرفش عنها اي حاجه ومسمعتش عنها حاجه خالص

عموماً بالتوفيق وربنا يكرمك بعربيه كويسه

شوف مصدقيه لله

العربيه حلوه بس فيه الاحسن منها

العيوب

بعد استخدام 5000 كيلو

وانا من ملاك الفيس ليفت 2013

السحب بطى فى البدايه زى الاوكتافيا

الفتيس مش سلس فى نقلاته

استهلاك البنزين لاتتوقع اكتر من 200 كيلو فى الصفيحه فى احسن الظروف

العفشه ناشفه شويه بس ده راجع لانى معايا الجنط 17 مش عارف اول فئه حتكون ايه واعتقد انها حتكون ممتازه

الباور خفيف على السرعات العاليه مش رياضى

الكراسى ناشفه وده لانها رياضيه بس ش مريحه فى السفر الطويل

المميزات

فخامه (على قد السوق المصرى) شياكه متانه جودة تقفيل خامات جيده جدا بالمقارنه بنفس الفئه

تكييف ممتاااااااااااااااز

ارتفعها ممتاز ومابتحكش فى ولا مطب وانا بتكلم عن الفيس ليفت لان الموديل السابق كان بيحك فى الرمل مش فى المطبات

وسائل امان

باختصار اعتقد والله اعلم ان الالنترا افضل منها من ناحية السلبيات والعيوب وهيا افضل من الالنترا فى المميزات وفيه الى افضل منهم هما الاتنين كاداء وركوبه

انا عن نفسى بفكر ابيع واجيب كرولا الشكل الجديد تانى فئه او النترا الفيس ليفت بس بعد تجربة القياده فيهم هما الاتنين على الواقع انسى انطباع اى حد واحكم بنفسك بقول بفكر لسه ما حسمتش امرى لانى اكيد حخسر

الكيا فرأي