شوفت عربية مع واحد بولو 99 وبيقول موتورها 1600 سى سى هل فى 1600 فعلا ولا كده تبقى مسقطه موتور العربيه عاملة 246 الف كيلو وفابريكه بره وجوه ما عدا وش التابلوه وموتور المساحات وطالب فيها 37000 جنيه سعرها حلو ولا ايه
عرض للطباعة
شوفت عربية مع واحد بولو 99 وبيقول موتورها 1600 سى سى هل فى 1600 فعلا ولا كده تبقى مسقطه موتور العربيه عاملة 246 الف كيلو وفابريكه بره وجوه ما عدا وش التابلوه وموتور المساحات وطالب فيها 37000 جنيه سعرها حلو ولا ايه
البولو 1600 منزلتش فى مصر دى هتلاقيها 1600 aee 1 كامة و دا موتور تحفة كان بينزل فى البولو برا و بيتسقط فيها بدون مشاكل بس اهم حاجة انو يكون اتسقط كامل بالفتيس و الكنترول موضوع التسقيط دا ميعبهاش لو معمول نضيف
أولا شكرا على الرد يا أستاذ عبد الرحمن بصراحة انا جربت العربية كان الموتور ناعم جدا محستش بأى مشاكل فيه وصوت التجميع بتاعه تحفة رغم انى كان معايا عربية تويوتا كورولا 2002 بس دى أول مره أحس انى سايق بجد بس خوفى انو يكون فى حاجه مش باينة وتعمل بعد كده مشاكل جامده
متسقط طبعا وطبيعي انها سحبها يبقي مختلف عن الكورولا لان موتور ال 1600 عفي علي البودي بتاعها فمشاء الله هتفرق
شكرا على الرد يا meero بصراحة طول عمرى نفسى اركب VW أى نوع
طب اعرف ازاى انه متسقط صح؟يعنى قى حاجه معينه اشيك عليها يا أستاذ أحمد
لا انت مش مطلوب منك غير انك تنقى تاجر كويس بيبيع مواتير فولكس مضمونه وتاخد كود الموتور من اى حد هنا من الاعضاء وتجيب موتور 1600 بولو وتتاكد من الكود كويس ويكون معاك ميكانيكى فولكس فاهم عشان يحكم على حاله الموتور ........هتشترى الموتور بالفتيس باليونت بالضفيره ولو معاك فلوس زياده هات كمان العفشه الاماميه كامله بتاعه الموتور بالطنابير عشان الفرامل توقف الموتور الجديد...........والميكانيكى هيركبلك كل حاجه وهيرشحلك كهربائى فولكس هو يكون واثق فيه عشان يقفلك كهربه العربيه ...........وبكدا يبقى انت مسقط موتور بالطريقه السليمه ..
تحياتى
باشا عشان الموتور يركب صح على البولو يبقى لازم تغير عفشة العربية ونظام الفرامل لان البولو ملهاش موتور 1600 فى الموديل ده والعربية هاتبقى جميلة جدا بتغيير الموتور لكن من غير التعديل للعفشة والفرامل هاتبقى مش حلوة فى الثبات لو بتجرى وهاتبقى الفرامل وحشة جداااااااا ومش هاتعجبك وتكرهها
انا لسه مسقط الموتور ده من شهر بس مبيجبش ال 120 على التانى ولا حاجه هو بيجيب اصلا ال 100 على الرابع rpm 32
انا مبقرصشى على الموتور وبغير على ار بى ام 30 لو 28 بس سحبه حلو ولسه معملتش طقم السرفيس بتاعه ومسقطه كامل بكل حاجته ومشتملاته
مش مهم السحب المهم العربيه ككل تكون مظبوطه يعني مثلا لو الماتور متعدل وعفشه مش متعدله تخيل انت فرامل معموله توقف ماتور1000 سي سي المفروض توقف ماتور 1600 مينفعش لازم يكون متسقط كاامل
من واقع تجربه لعربيه بولو وحط ميت خط تحت كلمه بولو ..... كان مسقط الموتور 1600 كان بيجيب على التانى 120 عشان كده انا قولت الكلام دا ومش من فراغ ........ بس شرط زى منا قولت حاله الموتور تبقى ممتازة ومتسقط صح ومعمله سرفس كامل قبل التسقيط