بسمع صوت غريب اوس تحت رجلي وانا بلف الدريكسيون خاصة وانا ببقي بركن فابجيب الدركسيون يمين وشمال بحس بصوت تكتكه كده تحت رجلي الشمال مش عارف الصوت ده من ايه ؟ وهل ده طبيعي ؟؟
عرض للطباعة
بسمع صوت غريب اوس تحت رجلي وانا بلف الدريكسيون خاصة وانا ببقي بركن فابجيب الدركسيون يمين وشمال بحس بصوت تكتكه كده تحت رجلي الشمال مش عارف الصوت ده من ايه ؟ وهل ده طبيعي ؟؟
بص يا باشا الدركسيون تحت نهايته مكشوفة شوف كده لو الدواسه بتخبط فيه
جرب حضرتك تشيل الدواسات خاصه لو هي مش الاصليه أو شدها شوية ناحية الكورسي بتاع السواق عشان ممكن تكون بتخبط في الأكس
متقلقش أنا حصلت معايا وكلمت التوكيل ساعتها وكنت قلقان جدا بس الصوت بيروح أول لما تبعد الدواسات عن البدالات شوية .. جرب كده وقولنا عملت معاك ايه
هو صوت زي رنة كدة يعنى تن ، تن ، صح ، وبيحصل اكتر وانت بتلف شمال
ده حصل معايا في مرة وحله زي ما كل الرجالة قالت ، حرك الدواسة او شيلها وحطها تانى
شكرا لردكم جميعا هجرب وهقولكم
علي ما أظن هذا الصوت في كل سيارات البيجو
كلامكم طلع صح الحمد لله رجعت الدواسات شوية لاقيت الصوت راح
أللي عاوز افهمه ازاي الاكس بيبقي مكشوف كده
هو كل اللى معاه العربية ده و مش مركب الدواسات الاصلى بيحس بيها و لا ايه لسه امبارح و انا مروح حسيت بعضة كده فى الدركسيون لما بحود يمين و شمال بس رجعت الدواسات للوراء شويه كده و فعلا راحت ده العربية متفقة تعمل كده فى كل اللى ركبنها بس ليه الاكس مكشوف من تحت مش عارف يعنى ليه الفبره اللى تحت مش مغطاية لحد الاخر