-
حكة فى العربية
السلام عليكم
العربية بركنها فى جراج تحت بيت فمليان عواميد و الجراج كمان اوقات بيبقى ضلمة فببقى مش شايف فا النهاردة حكت منى بس الصاج سليم الحمد لله بس اللون لتقشر و المعجون اللى تحت الابيض ظهر
فأقدر اجيب اسبراى نفس اللون و ارشها و لا اروح اعملها عند اى حد
-
نفس المشكلة دي عندي ومش عارف احلها ازاي ؟
-
الاسبراي عمره مهيبقى نفس اللون...
تحياتي
Sent from my Xperia Arc S using Forum Runner
-
صعب اللون ياتسبها يتترش وممكن تحط استيكر عليها
-
السلام عليكم اخى الكريم
الادوات المطلوبة من حضرتك :
1- صنفره ناعمة رقم 2500
2- رشاش مياه
3- بولش ناعم
4- قلم دوكو بلون العربية ( من اى مكتبة وهتلاقى تقريبا كل الالوان فى شارع الفجالة - القاهرة )
5- فوطة مايكروفيبر ( صينى 14 جند او المانى Sonax بـــ 25 جند ) لا تستخدم ابدا قطن وياريت كمان واكس بلون عربيتك وبرده سوناكس
6- شريط لاصق بلون مغاير للسيارة ويكون واضح مثلا لصق اصفر للعربية السوداء
7- كحول أبيض تركيز 70 % من أى صيدلية
8- دوكو تلميع
===============
- بداية قم بغسل المكان جيد جدا
- قم برش كمية مناسبة على مكان الاحتكاك على حسب حجم الاحتكاك
- قم دائما بتحديد مكان الخدش باللاصق
- قم بتقطيع الصنفرة لقطعة حجمها 3 فى 3 وبرقة متناهية قم بصنفرة الاحتكاك حتى تلحظ ان الماء قد تغير لونه لللابيض
- بإحترافية شديدة قم بإستخدام قلم الدوكو بملء المكان الذى تضرر قدر المستطاع وستلحظ انه بارز قليلا لا تشغل بالك فى هذه القضية بعد ان تنتهى أتركه 24 ساعة
- اليوم الثانى بفوطة المايكرو فيبر وإمسها غمزة كده فى كهول أبيض ومر برقة حولين مكان الخدش واعلى الخدش حتى تحسن من وضع الدوكو اللى اتحط بالقلم
- إرجع تانى للقلم وحط دوكو تانى على مكان الخدش وإتركه 24 ساعة
- اليوم الثالث هات البولش وبفوطة المايكروفيبر ومن منطلق الفنان احمد بدير ( إديله ادى ايله ادى ) ههههههه
طبعا اقصد إدعك المكان بقوه متوسطة حتى لا تخرج الدوكو من مكانه
- طبعا لو عندك صاروخ تلميع هتكون النتيجة احسن واسرع
- بعد ما تتبسط من النتيجة هات الفرشة ودوكو التلميع وبفن كده هتحط دوكو التلميع بفرشة على مكان الكشط وتكرر معاه الخطوة الخاص بالبولش ليومين او ثلاثة لغاية ما ترضى على النتيجة المهم ماتستعجلش وصدقنى هتنبهر من النتيجة
- هتجيب سوناكس واكس بلون العربية من اى كارفور او هايبر او من سبينيز وبرده بفوطة المايكروفيبر (بس ياريت تغسلها فى الغسالة الاوتامتيك قبل ما تستخدما مع الواكس ) وتحط الواكس بإسنفجة وتروح على الكشط بإتجاه راسى وعرضى وتتركه شوية 3 دقائق مثلا وبعدين هتحس انه نشف طيب هتعرف إذاى مشى صباعك واحد هتلاقى صباعك علم كالمسطرة على العربية يبقى كدة الواكس مستعد يتشال بالميكروفايبر
أتمنى انى اكون قدمتلك حل كويس ومناسب ليك :post::33:
Content Relevant URLs by
vBSEO 3.6.0 PL2